الموضوع: الكورسا بتاكل بنزين جامد . أية الحل ؟

المشاركة الأصلية كتبت بواسطة syd

فيه اسباب كتيرة جدا لزيادة نسبة الأستهلاك وكلها متعلقة بالحساسات
ودة لأن الكنترول بيحدد نسبة البنزين في الخليط بناء علي قراءة الحساسات فلو في اي قراءة غلط من اي حساس هتبقي بالتالي النتيجة النهائية حسابات خطأ وزيادة استهلاك او ضعف في السحب نتيجة زيادة نسبة بنزين او قلة نسبة البنزين في الخليط.
من اكثر الحساسات المؤثرة في الأستهلاك حساس الماف طبعا وحساس الشكمان وحساس الحرارة او الكولنت كما يدعي في أوبل
ممكن الدخنة تكون بسبب علبة الشكمان محوشة - او حساس الشكمان عايز تنظيف ودة هيأثر معاك كمان في حرارة المحرك واداء الكتاليست
لو عندك حساس في البوابة (tps) جرب بردو تنظفه وهو اكيد\ ان شاء الله موجود لأنه المسؤول عن فتح وقفل البوابة في السلانسيه
راجع علي اطراف اسلاك البوجيهات
راجع علي خراطيم البوابة (الفاكيوم)
لو كنت تقصد بموضوع تنظيف الرشاشات http://www.nilemotors.net/nile/28657...post3874283667 الموضوع دة
فتأكد انك بتنظفه من الأتجاهين ولا مانع من تكرار التجربة مرة اخري
وياريت لو تبص بصة بردو علي الموضوع دة
http://www.nilemotors.net/nile/27827...post3874187444

وان شاء الله المشكلة تتحل معاك

أن شاء الله هبص على الحاجات دى و هكشف كمبيوتر على الحساسات

المشاركة الأصلية كتبت بواسطة hellboy

فك الحساس وصنفر طرفه النحاس بقطعه سلك المونيوم وركبه ..لو الاداء اتحسن شويه ,غير الحساس
صابر عنده كمبيوتر

المشاركة الأصلية كتبت بواسطة tananybasha

فى مدينة نصر يبقى عليك و على صابر اللى فى رابعه
و ان شاء الله هتظبط
حساس الكولنت ده المسئول عن تحديد درجة حرارة المية عشان نسبة الخليط
ممكن تغيره الأول
لقيت نفس العيب يبقى تروح على صابر
هو موجود عند الدينامو وراكب فيه فيشة زرقا
ممكن تجيبه من وطنيه اللى فى مدينة نصر
او تنزل وسط البلد تجيبه من عند سرور 25758011
هات توبران او جى ام
متجيبشى فيبى و لا مايلى

أشكركم شكراً جزيلاً بس عايز أعرف صابر دا مكانو فين

المشاركة الأصلية كتبت بواسطة MEDO84EG

بجد انتم ناس هايلييييييييييييييييين

من أقوى المنتديات تربطاً منتدى الأوبل و كلو ناس بتحب بعض و بيساعدو بعض بجد كانت معيا أوبل قبل السيراتو و كنت زعلان انى هبعها و ابعد عن المنتدى بس كنت براقب من بعيد لبعيد و أكتر حاجة مفرحانى انى رجعت أوبلاوى تانى

بسم الله الرحمن الرحيم
من اسبوع الميكانيكى بتاعى قالى اكيد دا حساس الكولنت المهم غيرناه و فضيت العربية خالص و حطيت 20 لتر و برضو مفيش فايدة عملت برضو 100 كيلو فى ال 20 لتر
رحت لصابر يوم الخميس كشف عليها قالى قرايت حساس الأوكسجين ضعيفة اوى و اكيد المشكله فيه قلتلو طيب نغيرو المهم جيه صانيعى محترم اسمو فتحى فاكو و ركب التانى و كشفنا عليها تانى و فعلا القرايه اختلفت جامد المهم قالى جرب يومين و امشى بيه كتير عشان تفضى العلبة من العادم الاسود و كمان خلى فتحى يفك البوجيهات طلعت محروق جدا كأنها ماشية 10000 كيلو و هى لسه معملتش 1600 كيلو صنفرهم و غسلهم بالبنزين و ركبهم تانى
و انا مروح لمبه الأتشك نورت ركنت و بطلت و دورت تانى طفت المهم نزلت تانى يوم اتمشى شوية لحد التوفيقية أجيب سماعتين و انا راجع اللمبة نورت تانى قمت معدى عليه و خله واحد كدة بنظارة شكلو فاهم اوى كلهم بيقلولو يا هندسة يكشف على العربية قالى الحساس شغال كويس بس تانك البنزين مش نضيف لازم يتنضف و كمان دورة البنزين كلها قلتلو طيب أحط stp فالى لا روح عند منصور و هات منو a c delco لتضيف دورة البنزين و فضى العربية خالص من البنزبن و حطو الأول و فول عليه و الأفضل تكون من بنزينة الأمارات
عايز تعليق على الكلام دا من الأخوة الكرام مع الأخذ فى الأعتبر ان العادم الأسود قل بطريقة ملحوظة بس لسه بيطلع مع الأرص على الغيارات
أسف على الاطاله و شكرا جزيلا