كورولا 2010 .. تكلفة إصلاح بخاخات الفوانيس

**Abdelmoneem** · 15-09-2012 01:38 AM

السلام عليكم،

معروض عليا عربية كورولا 2010 هاي لاين بصمة ـ حالتها كويسة جدًا بس واخدة خبطة في الإكصدام الأمامي والبخاخات مكسورة ومتشالة محطوطة في الشنطةـ

أنا عايز أسألكوا، هل تلف البخاخات مؤشر إن الخبطة كانت جامدة جدًا، ولا مش مؤشر؟

ثانيًا، لو جبت سمكري وقال لي الخبطة بسيطة، هل ينفع أشتري العربية وأصلح البخاخات في التوكيل وهتتكلف في حدود كام؟

**midnightman_74** · 15-09-2012 02:48 AM

المشاركة الأصلية كتبت بواسطة abdelmoneem

السلام عليكم،

معروض عليا عربية كورولا 2010 هاي لاين بصمة ـ حالتها كويسة جدًا بس واخدة خبطة في الإكصدام الأمامي والبخاخات مكسورة ومتشالة محطوطة في الشنطةـ

أنا عايز أسألكوا، هل تلف البخاخات مؤشر إن الخبطة كانت جامدة جدًا، ولا مش مؤشر؟

ثانيًا، لو جبت سمكري وقال لي الخبطة بسيطة، هل ينفع أشتري العربية وأصلح البخاخات في التوكيل وهتتكلف في حدود كام؟

اقل خبطة توقع الرشاشات
الاكصدام خفيف جداً

**besso** · 15-09-2012 03:08 AM

الرشاشات دى اللى هى بتاعه الموتور
طب مالها ومال الخبطه؟؟؟؟؟؟؟

**MohammedAladel** · 15-09-2012 08:54 AM

لا هو قصده على الرشاشات بتاع الفوانيس والله أعلم

**hanosh** · 15-09-2012 11:23 AM

المشاركة الأصلية كتبت بواسطة abdelmoneem

السلام عليكم،

معروض عليا عربية كورولا 2010 هاي لاين بصمة ـ حالتها كويسة جدًا بس واخدة خبطة في الإكصدام الأمامي والبخاخات مكسورة ومتشالة محطوطة في الشنطةـ

أنا عايز أسألكوا، هل تلف البخاخات مؤشر إن الخبطة كانت جامدة جدًا، ولا مش مؤشر؟

ثانيًا، لو جبت سمكري وقال لي الخبطة بسيطة، هل ينفع أشتري العربية وأصلح البخاخات في التوكيل وهتتكلف في حدود كام؟

السلام عليكم
لو ماتور الرشاش سليم يبقى بسيطة اما او ماتور الرشاش اتكسر يبقى حتدخل فى 1300 الى 1400 جنيه طبعا غير رش الاكصدام وده للرشاش الواحد

**besso** · 16-09-2012 02:19 AM

المشاركة الأصلية كتبت بواسطة mohammedaladel

لا هو قصده على الرشاشات بتاع الفوانيس والله أعلم

اه انا كده فهمت

**Abdelmoneem** · 16-09-2012 03:46 PM

آيوة قصدي على رشاشات الفوانيس، حوالي 4 عربيات لغاية دلوقتي رشاشات الفوانيس بتاعتها بايظة، إمبارح واحد قالي في التليفون الأوبشن كله شغال وعملي لي البحر طحينة وبعد ما دبيت مشوار بالدائري من ميدان لبنان للتجمع الخامس لقيت البخاخات برضه مش شغالة. بخاخات الفوانيس بقت من الحاجات الجوهرية اللي بتأكد منها بالتليفون عشان أعرف إذا كانت العربية مخبوطة من قدام ولا لأ.

**hanosh** · 16-09-2012 04:19 PM

المشاركة الأصلية كتبت بواسطة abdelmoneem

آيوة قصدي على رشاشات الفوانيس، حوالي 4 عربيات لغاية دلوقتي رشاشات الفوانيس بتاعتها بايظة، إمبارح واحد قالي في التليفون الأوبشن كله شغال وعملي لي البحر طحينة وبعد ما دبيت مشوار بالدائري من ميدان لبنان للتجمع الخامس لقيت البخاخات برضه مش شغالة. بخاخات الفوانيس بقت من الحاجات الجوهرية اللي بتأكد منها بالتليفون عشان أعرف إذا كانت العربية مخبوطة من قدام ولا لأ.

متتعبش حالك الرشاشات موجودة فى الاكصدام من امام واقل خبطة بتبوظهم يعنى مش لازم تكون العربية مخبوطة جامد علشان يحصل كده لو العربية ريحت على عربييةى تانية ممكن يتكسر ومعتقدش انى عندك فى القاهرة مفيش عربية بتريح على التانية كله بيريح على كله وكمان معتقدش انى فيه عربية مش مخبوطة ده انت العربيات بتكون مش معلقة نمر ولسا طالعه من المعرض وبتلاقيها مخبطة
شكلك كده مش حتشترى خالص
اشتريها جديدة اهو تتخبط على ايدك احسن ههههههههههههه

**MohammedAladel** · 16-09-2012 05:00 PM

الأهم من كدا إننا بنشيل بعض

**Abdelmoneem** · 17-09-2012 12:11 AM

المشاركة الأصلية كتبت بواسطة hanosh

متتعبش حالك الرشاشات موجودة فى الاكصدام من امام واقل خبطة بتبوظهم يعنى مش لازم تكون العربية مخبوطة جامد علشان يحصل كده لو العربية ريحت على عربييةى تانية ممكن يتكسر ومعتقدش انى عندك فى القاهرة مفيش عربية بتريح على التانية كله بيريح على كله وكمان معتقدش انى فيه عربية مش مخبوطة ده انت العربيات بتكون مش معلقة نمر ولسا طالعه من المعرض وبتلاقيها مخبطة
شكلك كده مش حتشترى خالص
اشتريها جديدة اهو تتخبط على ايدك احسن ههههههههههههه

ههههههههههههههههه

أنا استحالة أشتري جديد، بحس إن المستعمل بيديني "قيمة مقابل المال" أكتر من الجديد :)

أنا اللي زعلني من الواد بتاع التجمع الخامس إنه كداب ومكابر وغبي .. يعني أنا قولت له الأوبشن كله شغال تمام في التليفون، قال لي آه، رحت هناك اكتشفت موضوع الرشاشات، تخيل يقول لي إيه "هي شغالة بس أنا مش عارف بتشتغل إزاي" وقعد يكابر ويكرر إنه مش عارف يشغلها، رحت متصل بصاحب إعلان تاني بس "محترم" ومش مهم عنده البيع راح قال لي تفتح النور وتدوس على زرار جنب زراير المرايات، وعملت كده مشتغلتش وكنت هطق من الغيظ من منظر الواد وهو بيكابر ويتغابى. وكل ثانية بتعدي أكتشف خبطات وحاجات وبربيز مكسور والواد يكابر برضه يقول لي مش زنبي ده تلاقي وهي راكنة.

فيها إيه لو كنت أمين في البيع؟ أنا ببيع عربيتي اللانوس وكاتب ورقة فيها حوالي 8 حاجات كـ "عيوب ومصاريف" وبوريها لأي حد بيجي وبقولها في التليفون كمان ومفيش أي حاجة بخبيها، سواء خبطات أو عيوب أو مصاريف.

وعلى فكرة، مش لازم أشتري عربية مش مخبوطة، بس على الأقل أبقى عارف عشان هتفرق في السعر، ده قصدي. وكمان يهمني الأوبشن كله يكون شغال يا إما أخدها من قاصرها وأشتري فئة غير الهايلاين.

الموضوع: كورولا 2010 .. تكلفة إصلاح بخاخات الفوانيس

LinkBack

أدوات الموضوع

عرض

-

-

-

-

-

-

المواضيع المتشابهه

اجرائات و تكلفة ترخيص اللوجان 2010

تكلفة صيانة 316 2009 او 2010

يعنى ايه بخاخات

كورولا mmt 2009 ام كورولا 6speed 2010

الكلمات الدلالية لهذا الموضوع

المفضلات

المفضلات

ضوابط المشاركة