مؤشر الحرارة عندي احيانا 2 شرطة والاغلب 4 شرطة .حد عنده كده؟

**ali_333** · 15-09-2012 11:40 PM

المشاركة الأصلية كتبت بواسطة cheetos_892005

انا عندي المشكلة ديه و التوكيل و مرتكز الصيانة كل مرة ينفضولي ميعملوهاش لحد ما الضمان خلص و مبقتش اروح اصلا

ودلوقتي عايز اعرف العيب منين فعلا عشان مغيرش حاجة عالفاضي

العربية داخلة على 80 الف كيلو ومفيش عيب ظهر حتأكد من التوكيل انه عيب خطير ولا ايه بالظبط

**Egyzizo** · 17-09-2012 09:22 PM

أنا النهارده كنت فى توكيل العبور بأحاول أغير البوابة ، وأنا رايح (المشوار ساعتين) ، حصل انى وقفت أمون فى نص الطريق ، ولما طلعت بالعربية لقيت لأول مرة مؤشر الحرارة شرطتين ، وبعد شوية مش قليلين (ييجى عشر دقائق) رجع 4 شرط تانى .. ودى كانت أول مرة تعملها.
فقلت من باب الاحتياط أقول عليها لمهندس الاستقبال ، فكتبها عنده فى الملاحظات والعربية دخلت غيروا لها الكوعة + ترموستات الكوعة فى الضمان من غير مناهدة.

فياريت تروح تخلص الموضوع ده.

**ali_333** · 17-09-2012 10:49 PM

المشاركة الأصلية كتبت بواسطة egyzizo

أنا النهارده كنت فى توكيل العبور بأحاول أغير البوابة ، وأنا رايح (المشوار ساعتين) ، حصل انى وقفت أمون فى نص الطريق ، ولما طلعت بالعربية لقيت لأول مرة مؤشر الحرارة شرطتين ، وبعد شوية مش قليلين (ييجى عشر دقائق) رجع 4 شرط تانى .. ودى كانت أول مرة تعملها.
فقلت من باب الاحتياط أقول عليها لمهندس الاستقبال ، فكتبها عنده فى الملاحظات والعربية دخلت غيروا لها الكوعة + ترموستات الكوعة فى الضمان من غير مناهدة.

فياريت تروح تخلص الموضوع ده.

الله عليك يا أمير الامرا

يبقى كده الموضوع عندي كان بايظ بقاله 75 الف كيلو طب ده عمل تأثير في العربية؟

مشكلة لو كان الرادياتير حصله حاجة

طب حيعملولي الموضوع ده تبع الضمان؟ انا لسة معملتش ال 100 الف كيلو ولا عدى 3 سنين

سؤال اخير تعبتك معايا اعرف منين انهم غيرولي حاجة؟ حيدوني الكوعة القديمة اكيد؟

**Egyzizo** · 17-09-2012 11:34 PM

المشاركة الأصلية كتبت بواسطة ali_333

الله عليك يا أمير الامرا
يبقى كده الموضوع عندي كان بايظ بقاله 75 الف كيلو طب ده عمل تأثير في العربية؟
مشكلة لو كان الرادياتير حصله حاجة
طب حيعملولي الموضوع ده تبع الضمان؟ انا لسة معملتش ال 100 الف كيلو ولا عدى 3 سنين
سؤال اخير تعبتك معايا اعرف منين انهم غيرولي حاجة؟ حيدوني الكوعة القديمة اكيد؟

- لأ الموضوع ده مش بيعمل تأثير فى العربية لأن هى فعلياً حرارتها مظبوطة بس العيب فى الترموستات يعنى كأنك بتقيس الحرارة بترمومتر بايظ لبنى آدم سليم ، والحرارة طلعت عالية مثلاً ، فالبنى آدم مافيش فيه مشكلة لكن المشكلة فى الترمومتر.

- هيعملوه تبع الضمان لو انت منتظم في الصيانات المدفوعة (صيانات العشرات)، وخد معاك الكتيب بتاع الضمان اللى انت خاتم فيه الصيانات.

- هم مش هيدوك الكوعة القديمة لأن اللى بيتغير فى الضمان مش بيسلموا القديم بتاعه ، الكلام ده بيحصل بس لو بتغير حاجة على حسابك أو فلاتر وبوجيهات إلخ.
أنا النهارده غيرت الترموستات والكوعة وطارة الدركسيون فى الضمان ومادونيش حاجة من القديم ، وقبل كده غيرت مساعد فى الضمان وما أخدتش القديم برضه.

**ali_333** · 17-09-2012 11:40 PM

المشاركة الأصلية كتبت بواسطة egyzizo

- لأ الموضوع ده مش بيعمل تأثير فى العربية لأن هى فعلياً حرارتها مظبوطة بس العيب فى الترموستات يعنى كأنك بتقيس الحرارة بترمومتر بايظ لبنى آدم سليم ، والحرارة طلعت عالية مثلاً ، فالبنى آدم مافيش فيه مشكلة لكن المشكلة فى الترمومتر.

- هيعملوه تبع الضمان لو انت منتظم في الصيانات المدفوعة (صيانات العشرات)، وخد معاك الكتيب بتاع الضمان اللى انت خاتم فيه الصيانات.

- هم مش هيدوك الكوعة القديمة لأن اللى بيتغير فى الضمان مش بيسلموا القديم بتاعه ، الكلام ده بيحصل بس لو بتغير حاجة على حسابك أو فلاتر وبوجيهات إلخ.
أنا النهارده غيرت الترموستات والكوعة وطارة الدركسيون فى الضمان ومادونيش حاجة من القديم ، وقبل كده غيرت مساعد فى الضمان وما أخدتش القديم برضه.

بس انا كل مرة محدش بيختملي على اي كتاب فقط باخد الورقة بتاعة الحساب والحاجات اللي عملوها

طب ينفع اقولهم يغيرولي المساعدين والسوست بالمرة لانهم اكيد استهلكو وعاوز اغيرهم في الضمان

**Egyzizo** · 17-09-2012 11:47 PM

لو صياناتك فى المقطم أو العبور يبقى مافيش مشاكل لأنهم شركة واحدة وكله متسجل عندهم على الكمبيوتر ، لكن لو صياناتك أو بعضها فى مراكز خدمة غير شركة eim يبقى لازم تاخد معاك ما يثبت ولو حتى الفواتير.

بالنسبة للمساعدين ، فللأسف حتى لو عندك مساعد بايظ فعلشان تغيره هتدفع تمن الجديد لأن ضمان المساعد 3 شهور بس مش 3 سنين زى باقى الحاجات.

**ali_333** · 18-09-2012 12:13 AM

المشاركة الأصلية كتبت بواسطة Egyzizo

لو صياناتك فى المقطم أو العبور يبقى مافيش مشاكل لأنهم شركة واحدة وكله متسجل عندهم على الكمبيوتر ، لكن لو صياناتك أو بعضها فى مراكز خدمة غير شركة eim يبقى لازم تاخد معاك ما يثبت ولو حتى الفواتير.

بالنسبة للمساعدين ، فللأسف حتى لو عندك مساعد بايظ فعلشان تغيره هتدفع تمن الجديد لأن ضمان المساعد 3 شهور بس مش 3 سنين زى باقى الحاجات.

اول صيانة كانت في المقطم طبعا اتخنقت من الزحمة في المشوار والزحمة جوة التوكيل
ومرة عند فرنش بس كنت رايح فرنش فاكر حلاقي حاجة شبه التوكيل لقيتها ورشة

وبقية الصيانات عند العبور في الروقان الحمد لله وسألتهم قالولي حيفتحو فرع في ابو رواش جمب اكتوبر يارب يامسهل

طب ازاي اعرف المساعدين بايظين ولا لا

هي العربية مبقتش زي الاول عالية

بالنسبة للمطبات احيانا عند بعض المطبات اللي بتكون مش مستوية بسمع صوت من ناحية العجلة

اللي جمب السواق الامامية صوت تك تك وي كأن حديد بيخبط في بعضه وده عند شكل معين من

المطبات او في شارع غير مستوي في بروز وحفر وزلط مش عارف يكون ايه ده

**matrix_it** · 18-09-2012 03:01 AM

انا لما اقف فى اشارة بتبقى 6 شرط

**ali_333** · 18-09-2012 04:19 AM

المشاركة الأصلية كتبت بواسطة matrix_it

انا لما اقف فى اشارة بتبقى 6 شرط

يبقى قولهم في الصيانة الجاية ان شاء الله عشان يعملو اللازم

**hobby10** · 18-09-2012 01:56 PM

المشاركة الأصلية كتبت بواسطة egyzizo

- لأ الموضوع ده مش بيعمل تأثير فى العربية لأن هى فعلياً حرارتها مظبوطة بس العيب فى الترموستات يعنى كأنك بتقيس الحرارة بترمومتر بايظ لبنى آدم سليم ، والحرارة طلعت عالية مثلاً ، فالبنى آدم مافيش فيه مشكلة لكن المشكلة فى الترمومتر.

بالظبط ... انا مغيره الحساس فى الضمان

- هيعملوه تبع الضمان لو انت منتظم في الصيانات المدفوعة (صيانات العشرات)، وخد معاك الكتيب بتاع الضمان اللى انت خاتم فيه الصيانات.

- هم مش هيدوك الكوعة القديمة لأن اللى بيتغير فى الضمان مش بيسلموا القديم بتاعه ، الكلام ده بيحصل بس لو بتغير حاجة على حسابك أو فلاتر وبوجيهات إلخ.
أنا النهارده غيرت الترموستات والكوعة وطارة الدركسيون فى الضمان ومادونيش حاجة من القديم ، وقبل كده غيرت مساعد فى الضمان وما أخدتش القديم برضه.

هو حضرتك غيرت الطارة ليه ؟؟

والمساعد اعرف من ايه ان فيه مشكلة ؟

الموضوع: مؤشر الحرارة عندي احيانا 2 شرطة والاغلب 4 شرطة .حد عنده كده؟

LinkBack

أدوات الموضوع

عرض

-

-

-

-

المواضيع المتشابهه

سرينة شرطة

امبير الحرارة ما بيعديش اول شرطة

اول شرطة في مؤشر البنزين؟؟؟؟؟؟؟؟؟؟

شرطة الكويت

شرطة ابو ظبي

الكلمات الدلالية لهذا الموضوع

المفضلات

المفضلات

ضوابط المشاركة