يارجالة عندي استفسار هام جداا اما اكون واقف في اشارة بيكون مؤشر الحرارة 4 شرط
واما اكون برضه ماشي في زحمة 4 شرط
لكن اما اطلع على طريق سريع وبعد فترة 5 او عشر دقايق مثلا وماشي سريع المؤشر يبقى 2 شرطة
في مشكلة ؟؟؟؟ ولا طبيعي عشان العربية ماشية سريع درجة الحرارة بتقل؟؟؟؟؟؟؟؟
اللي اعرفه ان الطبيعي ان المؤشر بيثبت علي 4 شرط ولا بينزل ولا بيطلع لانه فيه ترموستات كوعه
اكشف علي ترموستات الكوعه ولو في مشكله غيره
ومتسمعش كلام حد يقولك الغيه ده مالوش لازمه
شكرا ياباشااقتباس:
المشاركة الأصلية كتبت بواسطة screamseko
بس يعني ايه ترموستات كوعة؟ معايا 127 وكنت بغير ترموستات واحد اللي مدمج مع الرادياتير
يعني اللوجان فيها ترموستات نوع جديد ولا الكوعة ده ترموستات اضافي وظيفة مختلفة؟
اها ده ترموستات تاني بيحافظ علي درجة حرارة الميه جوه دايرة التبريد في الموتور
لان في الاتحاد الاوروبي الجو تلج والعربيه من غير الترموستات ده مبتوصلش لدرجة الحرارة المثلي هناك
فترموستات الكوعه بيحافظ علي درجة حرارة الموتور وبيثبتها علي 4 شرط وفي ميكانيكيه كتير بتفتي وتقولك مالوش لازمه ده لبتوع بره والكلام ده مش صحيح وحبقي انزل موضوع مفصل عن الترموستات ده
مشكلة عدم استقرار الحرارة مش بتخرج من 3 اسباب :
1- حساس حرارة عايز يتغير
2- ترموستات
3- العربية محتاجة لتقوية الأرضى (مشكلة كهرباء يعنى).
يبقى كده ان شاء الله اقولهم في التوكيل وربنا يسهلاقتباس:
المشاركة الأصلية كتبت بواسطة screamseko
الف شكر ياحبي
انت فنان ياباشا في الغالب التوكيل حيقولولي كده زي ماحصل في البوابات .اقتباس:
المشاركة الأصلية كتبت بواسطة egyzizo
الف شكر
انا فاكر حد كان عندة المشكلة ديه فى القسم وطلع العيب حساس الحرارة
انا عندي المشكلة ديه و التوكيل و مرتكز الصيانة كل مرة ينفضولي ميعملوهاش لحد ما الضمان خلص و مبقتش اروح اصلا
ودلوقتي عايز اعرف العيب منين فعلا عشان مغيرش حاجة عالفاضي
ربنا يستر.. حشوف التوكيل يقول ايهاقتباس:
المشاركة الأصلية كتبت بواسطة zkralla
العربية داخلة على 80 الف كيلو ومفيش عيب ظهر حتأكد من التوكيل انه عيب خطير ولا ايه بالظبطاقتباس:
المشاركة الأصلية كتبت بواسطة cheetos_892005
أنا النهارده كنت فى توكيل العبور بأحاول أغير البوابة ، وأنا رايح (المشوار ساعتين) ، حصل انى وقفت أمون فى نص الطريق ، ولما طلعت بالعربية لقيت لأول مرة مؤشر الحرارة شرطتين ، وبعد شوية مش قليلين (ييجى عشر دقائق) رجع 4 شرط تانى .. ودى كانت أول مرة تعملها.
فقلت من باب الاحتياط أقول عليها لمهندس الاستقبال ، فكتبها عنده فى الملاحظات والعربية دخلت غيروا لها الكوعة + ترموستات الكوعة فى الضمان من غير مناهدة.
فياريت تروح تخلص الموضوع ده.
الله عليك يا أمير الامرااقتباس:
المشاركة الأصلية كتبت بواسطة egyzizo
يبقى كده الموضوع عندي كان بايظ بقاله 75 الف كيلو طب ده عمل تأثير في العربية؟
مشكلة لو كان الرادياتير حصله حاجة
طب حيعملولي الموضوع ده تبع الضمان؟ انا لسة معملتش ال 100 الف كيلو ولا عدى 3 سنين
سؤال اخير تعبتك معايا اعرف منين انهم غيرولي حاجة؟ حيدوني الكوعة القديمة اكيد؟
- لأ الموضوع ده مش بيعمل تأثير فى العربية لأن هى فعلياً حرارتها مظبوطة بس العيب فى الترموستات يعنى كأنك بتقيس الحرارة بترمومتر بايظ لبنى آدم سليم ، والحرارة طلعت عالية مثلاً ، فالبنى آدم مافيش فيه مشكلة لكن المشكلة فى الترمومتر.اقتباس:
المشاركة الأصلية كتبت بواسطة ali_333
- هيعملوه تبع الضمان لو انت منتظم في الصيانات المدفوعة (صيانات العشرات)، وخد معاك الكتيب بتاع الضمان اللى انت خاتم فيه الصيانات.
- هم مش هيدوك الكوعة القديمة لأن اللى بيتغير فى الضمان مش بيسلموا القديم بتاعه ، الكلام ده بيحصل بس لو بتغير حاجة على حسابك أو فلاتر وبوجيهات إلخ.
أنا النهارده غيرت الترموستات والكوعة وطارة الدركسيون فى الضمان ومادونيش حاجة من القديم ، وقبل كده غيرت مساعد فى الضمان وما أخدتش القديم برضه.
بس انا كل مرة محدش بيختملي على اي كتاب فقط باخد الورقة بتاعة الحساب والحاجات اللي عملوهااقتباس:
المشاركة الأصلية كتبت بواسطة egyzizo
طب ينفع اقولهم يغيرولي المساعدين والسوست بالمرة لانهم اكيد استهلكو وعاوز اغيرهم في الضمان
لو صياناتك فى المقطم أو العبور يبقى مافيش مشاكل لأنهم شركة واحدة وكله متسجل عندهم على الكمبيوتر ، لكن لو صياناتك أو بعضها فى مراكز خدمة غير شركة eim يبقى لازم تاخد معاك ما يثبت ولو حتى الفواتير.
بالنسبة للمساعدين ، فللأسف حتى لو عندك مساعد بايظ فعلشان تغيره هتدفع تمن الجديد لأن ضمان المساعد 3 شهور بس مش 3 سنين زى باقى الحاجات.
اول صيانة كانت في المقطم طبعا اتخنقت من الزحمة في المشوار والزحمة جوة التوكيلاقتباس:
المشاركة الأصلية كتبت بواسطة Egyzizo
ومرة عند فرنش بس كنت رايح فرنش فاكر حلاقي حاجة شبه التوكيل لقيتها ورشة :shyy:
وبقية الصيانات عند العبور في الروقان الحمد لله وسألتهم قالولي حيفتحو فرع في ابو رواش جمب اكتوبر يارب يامسهل
طب ازاي اعرف المساعدين بايظين ولا لا
هي العربية مبقتش زي الاول عالية
بالنسبة للمطبات احيانا عند بعض المطبات اللي بتكون مش مستوية بسمع صوت من ناحية العجلة
اللي جمب السواق الامامية صوت تك تك وي كأن حديد بيخبط في بعضه وده عند شكل معين من
المطبات او في شارع غير مستوي في بروز وحفر وزلط مش عارف يكون ايه ده
انا لما اقف فى اشارة بتبقى 6 شرط
يبقى قولهم في الصيانة الجاية ان شاء الله عشان يعملو اللازماقتباس:
المشاركة الأصلية كتبت بواسطة matrix_it
هو حضرتك غيرت الطارة ليه ؟؟اقتباس:
المشاركة الأصلية كتبت بواسطة egyzizo
والمساعد اعرف من ايه ان فيه مشكلة ؟
أنا كان عندي نفس مشكلة حساس الحراره وغيروه في الضمان في فرع العبور بدون أي كلام ..... لا تقلق
قبل ما تحاول تغير حاجة فى الضمان لازم يتكون ضمانك مستوفى لأنهم أخدوا الموضوع جد وصوروا كتيب الصيانة بتاعى وعملوا فايل يثبت ان استحق الضمان ، فشوف الحاجات اللى عملتها بره eim وحاول تختمها أو تاخد معاك فواتيرها.اقتباس:
المشاركة الأصلية كتبت بواسطة ali_333
والعيب اللى بتحكى عنه بالظبط ظهر عندى قبل أول صيانة ، وطلع مساعد فعلاً وغيروه فى أول صيانة.
غيرت الطارة علشان كانت بدأت تقشر فى المكان اللى متعود احط ايدى عليه ، فلما قلت لهم ان الطارة بقى شكلها وحش وأنا لسه فى الضمان ، غيروها ودى حاجة يشكروا عليها.اقتباس:
المشاركة الأصلية كتبت بواسطة hobby10
وبالنسبة للمساعد فأنا اللى ظهر فى عربيتى هو صوت خبط معدنى فى المطبات فى الناحية الشمال قدام والكلام ده كان لسه العربية عاملة 4000 كيلو بس ، فلما قلت لهم على العيب ده فى أول صيانة لقوا فعلاً المساعد بايظ (جايب زيت) وغيروه فى الضمان).
انا برضه الطارة عندى قشرت شوية بس مجاش فى بالى اشتكى من الموضوع ده بصراحة وضمانى دلوقتى خلص ... الحمد لله انها حاجة مش مهمة مش مؤثرة فى حاجة يعنى ... شكرا لرد حضرتكاقتباس:
المشاركة الأصلية كتبت بواسطة egyzizo
أنا برضه ماكانش فى بالى أول ما لاحظته خصوصاً انه حاجة مش مؤثرة فعلاً وممكن تتعالج بوضع غطاء دركسيون شيك .. بس قريت مرة عن واحد غير الطارة للسبب ده ، فقلت كويس أغيرها أنا كمان.اقتباس:
المشاركة الأصلية كتبت بواسطة hobby10