الموضوع: الحمد لله استلمت النيو صنى و سؤال للاسكندرانية

مليون مبروك عليك

بخصوص اللون هو فعلا بيقلب فى الشمس

وكان نفسى اتعرف بحضرتك وخصوصا انى كنت المفروض استلم معاك فى نفس اليوم والساعه لكن مفيش نصيب ولعله خير

تحياتى ليك وحافظ عليها على قد ماتقدر وبلاش تطلع بيها بدون لوحات

ومبروك مره تانيه

الله يبارك فيكم جميعا و عقبال كل

اللى لسه حاجز وربنا يبارك للى معاه

بخصوص تساؤلى عن النمر التجارية كان دكتور يوسف جاوب فى الموضوع المحذوف و

نصحنى انى ما اتحركش من غير ما أرخص خاصة و أنا معيش حتى ورق يثبت ملكيتى

للعربية و انا أخدت بنصيحته
شكرا دكتور يوسف

المهم نيجى بأة لتجربتى مع المرور

الصبح لما نزلت لقيت الكاوتش فعلا بيلم زلط و كان الكاسيت السى دى مش شغال بعد كده

عرفت من مندوب المعرض انك لازم تزق السى دى لغاية لما تختفى تماما جوه الكاسيت

بصراحة الكاسيت صوته جميل و الراديو تمام و كمان جربت التكييف و أنا واقف عند

كارفور سيتى سنتر لمدة 5 دقايق على سرعة 2 لقيته تمام وكنت واقف الدنيا حر فى عز

الشمس كل ده و العربية واقفة نزلت منها و هى دايرة لانى سمعت صوت تكة كده كل ثوانى

جنب الفردة اليمين ناحية كومبرسور التكييف مش عارف دى عادى كده و لا ايه
و فى حاجات عجبيتى زى ان العربية لما بأفتحها بالريموت بتستقبلنى بفتح نور الصالون قبل

ما افتح الباب و برضه لما تخرج منها توطى النور واحدة واحدة ولو نسيت المفتاح جواها او

سبت نور التابلوه و فتحت باب السواق تديك انذار
فى حاجة كانت خنقتنى ان لما تدور العربية بدون وضع حزام لسائق بتديك صوت انذار و

اشارة فى التابلوه بس بعد فترة لقيتها فجأة بطلت صوت الانذار ده لوحدها و الاشارة فى

التابلوه لسه بتنور فعجبتنى مع انى اساسا مش باعرف اسوق غير لما اربط الحزام بس كنت

فى شوارع صغيرة مش باجرى يعنى


وانا طالع على المعرض قلت اجرب الـ ABS زى ما أستاذ حسام قالنا فى موضوعه عن

التسليم وانا على سرعة 60 ضغطت فرامل بس لنص الدواسة بس ماحسيتش بحاجة فى

الدواسة فمش عارف بأة
المهم طلعت على المعرض استلم الورق اللى فاضل زى ما دكتور يوسف وضح فى موضوع

بالصور لينا كالتالى

1- شهادة الملكية من نيسان للموزع مختومة
2 - جواب المرور (المبايعة) مختوم
3- صورة من فاتورة بيع بالضريبة
4- كتيب الضمان ( لسه ما استلمتوش)

الترخيص 3 سنوات
روحت لمندوب الشركة فى المرور وأنا قلقان من موضوع انى معيش نمر تجارية طبعا

المندوب قالى ما ينفعش نخش عل المهندس كده المهم هو اتصرف و جاب توقيع ظابط على

الملف كتب على الورق تجارية
وروحنا سيبنا العربية فى البصمة و روحنا نجيب الطفاية و المندوب جابها بـ 140 بس

المفروض بـ 200 الطفاية الكبيرة بس هو اتصرف يعنى وفر 60 و ما جابش مثلث و شنطة

اسعاف يعنى وفر 75 رجعنا لبتاع البصمة ركزوا معايا بأة
1- مكان بصمة الشاسيه فوق وحدة الـ ABS يعنى تحت المساحة اليمين كده
2- رقم الماتور كان من ناحية البطارية كده تحت الموتور خالص مكان مدارى كده
هأحاول أصورلكم الأماكن دى و أرفعها ان شاء الله
روحنا لمهندس الفحص شاف العربية من بعيد و طلعنا على الظابط يمضى و كده خلصنا

الفحص الحمد لله
القصة دى كلفت 220 الملف + الطفاية ( الطفاية زى ما قلنا بـ 140 و الباقى مش فاكر ليه

يمكن النمر التجارية )
و روحنا بأة نخلص الملف و الرخصة
دفعنا تأمين 320 جنيه ده 3 سنين و بعدين المندوب اتصرف مع الموظفات
المهم دفعت 830 جنيه ضربية + ملف + اللوحات الجديدة (منهم مبلغ الضريبة 3 سنوات

660 تقريبا + 115 لوحات ده اللى فاكره)
لغاية كده القصة دى كلها أخدت ساعة و نص المهم أخدنا وقت فى موضوع ان الملف

يخلص و الطلب يروح للكمبيوتر و تطبع الرخصة ساعة ونص تانيين و الحمد لله طلعنا

علقنا اللوحات بعدها و كده تمام

المصاريف كلها كالتالى

220 الفحص الفنى و الملف و الطفاية
320 التأمين الاجبارى 3 سنوات
830 الضريبة و اللوحات و الملف و اكراميات
________________________________
1370 المجموع

أخدت تقريبا فى كله حوالى 3 ساعات
طبعا اللى يروح ياخد معاه مبلغ أكبر بتاع 1600 كده و لاحاجة علشان الشئ لزوم الشئ و

فتح مخك يا باشمهندس فاهمنى طبعا

المشكلة ان احنا فى اسكندرية عندنا 3 قلاع للظلم
1- سجن الباستيل فى الفراعنة ( مقر أمن الدولة فى شارع فؤاد )
و ده اللى حرقوا الورق فيه فى آخر أيام شفيق و تم اقتحامه و الظباط هناك

الأهالى ظبطتهم ضرب لغاية لما جابوا دم
2- مبنى محافظة اسكندرية ( عزبة عادل لبيب و ملحق بها حضانة للعربيات إذا كان

عاجبك)
طبعا دى شوفتها بنفسى بتولع شباك شباك و كانت عاملة سحابة سوداء مغطية

وسط اسكندرية لغاية البحر و وقع المبنى لوحده بعد الحريق على مرتين أصل شغلى جنبها

3- مرور محرم بك - طبعا تم حرقه بالكامل (وتم حرق محكمة الدخيلة وجميع أقسام

الشرطة عدا واحد ) لتفشى الفساد فيه و حاليا مش كل المبانى شغالة و طبعا الفيزيتا ارتفعت

لتخليص أى حاجة و لا كأن فى ثورة على الفساد فى البلد و الشهادة لله الظابط اللى هناك مش

بيعد على مكتبه فعلا محترم جدا و بيحل للناس مشاكلها و وبيقوم بنفسه و الله كان عامل زى

النحلة ربنا يكرمه
أسف للخروج عن الموضوع

المهم نسيت أقولكم ان عربيتى القديمة كنت جددت رخصتها باسمى و بعتها علطول من كام

شهر و كنت قلقان من موضوع ضريبة الرفاهية و قلت للمندوب قالى ولا هتدفع حاجة و لو

حسوا بحاجة آخرها 75ج و فعلا ما دفعتش حاجة

على فكرة عديت على سموحة عند سعيد نصار لقيت واحد معاه أخت عربيتى بيفرشها

أرضية و شنطة و صالون
طبعا شوفت السروجى خالع كراسى العربية و فك وش الفتيس البلاستيك و العربية فاضية

من جوا بصراحة قلبى اتخلع و وجعنى على عربيتى و خوفت ليعمل فيها كده فجريت

بعربيتى حبيبتى و قلت يا فكيك
بس ان شاء الله ربنا يكرم و أعملها

فرش الأرضية بالشنطة كان 450 تقريبا
وطقم فرش للكراسى جاهز جلد ألمانى مطرز من الداخل بـ 675

ولو حد عنده استفسار أنا فى الخدمة و هأرفع صور مكان البصمة ان شاء الله
و أنا ليه استفسارات كالتالى:

1- ايه صوت التكة كأن حاجة بتفصل كل ثوانى اللى قلت عليها مع جزئية التكييف فى أول الموضوع

2 - ما هو ضغط الاطارات المناسب لان مكتوب على القايم ان الاطارات الأمامية مرتين جنب بعض 33

و الخلفى مكتوب أداماها 30 و 44 فمش عارف ايه الكلام

3- مين أحسن واحد بتاع فرش فى اسكندرية و هل افرش الكراسى تفصيل و لا جاهز و جلد

و لا لأ
نفسى فى الجلد بصراحة علشان الأولاد بيبهدلوا العربية بس خايف من الجلد فى الصيف أنا

سمعت ان فى نوع ألمانى كويس بالنسبة للحرارة بس أعرفه ازاى انه اصلى فياريت حد

ينصحنى بالتفصيل فى موضوع الفرش و الدواسات ده
ولو حد طالع على جينز كار فى القاهرة ياخدنى معاه ينوبوه فيا ثواب أصل أنا مليش ف القاهرة خالص

على فكرة أنا أخدت كوبى من الموضوع آه الواحد دلوقتى ما بقاش يضمن يلاقى موضوعه


و السلام ختام

المشاركة الأصلية كتبت بواسطة hossam_elwani

مليون مبروك عليك

بخصوص اللون هو فعلا بيقلب فى الشمس

وكان نفسى اتعرف بحضرتك وخصوصا انى كنت المفروض استلم معاك فى نفس اليوم والساعه لكن مفيش نصيب ولعله خير

تحياتى ليك وحافظ عليها على قد ماتقدر وبلاش تطلع بيها بدون لوحات

ومبروك مره تانيه

الله يبارك فيك يا باشا

أنا لسه كنت هأرد عليك تانى على الخاص علشان لقيت الرسالة اتحذفت مع مشكلة المنتدى
وأنا اللى يشرفنى اتعرف بحضرتك و ان شاء الله ربنا يرزقك و تجيب الهاى لاين

المشاركة الأصلية كتبت بواسطة dodyam

الله يبارك فيكم جميعا و عقبال كل

اللى لسه حاجز وربنا يبارك للى معاه

بخصوص تساؤلى عن النمر التجارية كان دكتور يوسف جاوب فى الموضوع المحذوف و

نصحنى انى ما اتحركش من غير ما أرخص خاصة و أنا معيش حتى ورق يثبت ملكيتى

للعربية و انا أخدت بنصيحته
شكرا دكتور يوسف

المهم نيجى بأة لتجربتى مع المرور

الصبح لما نزلت لقيت الكاوتش فعلا بيلم زلط و كان الكاسيت السى دى مش شغال بعد كده

عرفت من مندوب المعرض انك لازم تزق السى دى لغاية لما تختفى تماما جوه الكاسيت

بصراحة الكاسيت صوته جميل و الراديو تمام و كمان جربت التكييف و أنا واقف عند

كارفور سيتى سنتر لمدة 5 دقايق على سرعة 2 لقيته تمام وكنت واقف الدنيا حر فى عز

الشمس كل ده و العربية واقفة نزلت منها و هى دايرة لانى سمعت صوت تكة كده كل ثوانى

جنب الفردة اليمين ناحية كومبرسور التكييف مش عارف دى عادى كده و لا ايه
و فى حاجات عجبيتى زى ان العربية لما بأفتحها بالريموت بتستقبلنى بفتح نور الصالون قبل

ما افتح الباب و برضه لما تخرج منها توطى النور واحدة واحدة ولو نسيت المفتاح جواها او

سبت نور التابلوه و فتحت باب السواق تديك انذار
فى حاجة كانت خنقتنى ان لما تدور العربية بدون وضع حزام لسائق بتديك صوت انذار و

اشارة فى التابلوه بس بعد فترة لقيتها فجأة بطلت صوت الانذار ده لوحدها و الاشارة فى

التابلوه لسه بتنور فعجبتنى مع انى اساسا مش باعرف اسوق غير لما اربط الحزام بس كنت

فى شوارع صغيرة مش باجرى يعنى


وانا طالع على المعرض قلت اجرب الـ ABS زى ما أستاذ حسام قالنا فى موضوعه عن

التسليم وانا على سرعة 60 ضغطت فرامل بس لنص الدواسة بس ماحسيتش بحاجة فى

الدواسة فمش عارف بأة
المهم طلعت على المعرض استلم الورق اللى فاضل زى ما دكتور يوسف وضح فى موضوع

بالصور لينا كالتالى

1- شهادة الملكية من نيسان للموزع مختومة
2 - جواب المرور (المبايعة) مختوم
3- صورة من فاتورة بيع بالضريبة
4- كتيب الضمان ( لسه ما استلمتوش)

الترخيص 3 سنوات
روحت لمندوب الشركة فى المرور وأنا قلقان من موضوع انى معيش نمر تجارية طبعا

المندوب قالى ما ينفعش نخش عل المهندس كده المهم هو اتصرف و جاب توقيع ظابط على

الملف كتب على الورق تجارية
وروحنا سيبنا العربية فى البصمة و روحنا نجيب الطفاية و المندوب جابها بـ 140 بس

المفروض بـ 200 الطفاية الكبيرة بس هو اتصرف يعنى وفر 60 و ما جابش مثلث و شنطة

اسعاف يعنى وفر 75 رجعنا لبتاع البصمة ركزوا معايا بأة
1- مكان بصمة الشاسيه فوق وحدة الـ ABS يعنى تحت المساحة اليمين كده
2- رقم الماتور كان من ناحية البطارية كده تحت الموتور خالص مكان مدارى كده
هأحاول أصورلكم الأماكن دى و أرفعها ان شاء الله
روحنا لمهندس الفحص شاف العربية من بعيد و طلعنا على الظابط يمضى و كده خلصنا

الفحص الحمد لله
القصة دى كلفت 220 الملف + الطفاية ( الطفاية زى ما قلنا بـ 140 و الباقى مش فاكر ليه

يمكن النمر التجارية )
و روحنا بأة نخلص الملف و الرخصة
دفعنا تأمين 320 جنيه ده 3 سنين و بعدين المندوب اتصرف مع الموظفات
المهم دفعت 830 جنيه ضربية + ملف + اللوحات الجديدة (منهم مبلغ الضريبة 3 سنوات

660 تقريبا + 115 لوحات ده اللى فاكره)
لغاية كده القصة دى كلها أخدت ساعة و نص المهم أخدنا وقت فى موضوع ان الملف

يخلص و الطلب يروح للكمبيوتر و تطبع الرخصة ساعة ونص تانيين و الحمد لله طلعنا

علقنا اللوحات بعدها و كده تمام

المصاريف كلها كالتالى

220 الفحص الفنى و الملف و الطفاية
320 التأمين الاجبارى 3 سنوات
830 الضريبة و اللوحات و الملف و اكراميات
________________________________
1370 المجموع

أخدت تقريبا فى كله حوالى 3 ساعات
طبعا اللى يروح ياخد معاه مبلغ أكبر بتاع 1600 كده و لاحاجة علشان الشئ لزوم الشئ و

فتح مخك يا باشمهندس فاهمنى طبعا

المشكلة ان احنا فى اسكندرية عندنا 3 قلاع للظلم
1- سجن الباستيل فى الفراعنة ( مقر أمن الدولة فى شارع فؤاد )
و ده اللى حرقوا الورق فيه فى آخر أيام شفيق و تم اقتحامه و الظباط هناك

الأهالى ظبطتهم ضرب لغاية لما جابوا دم
2- مبنى محافظة اسكندرية ( عزبة عادل لبيب و ملحق بها حضانة للعربيات إذا كان

عاجبك)
طبعا دى شوفتها بنفسى بتولع شباك شباك و كانت عاملة سحابة سوداء مغطية

وسط اسكندرية لغاية البحر و وقع المبنى لوحده بعد الحريق على مرتين أصل شغلى جنبها

3- مرور محرم بك - طبعا تم حرقه بالكامل (وتم حرق محكمة الدخيلة وجميع أقسام

الشرطة عدا واحد ) لتفشى الفساد فيه و حاليا مش كل المبانى شغالة و طبعا الفيزيتا ارتفعت

لتخليص أى حاجة و لا كأن فى ثورة على الفساد فى البلد و الشهادة لله الظابط اللى هناك مش

بيعد على مكتبه فعلا محترم جدا و بيحل للناس مشاكلها و وبيقوم بنفسه و الله كان عامل زى

النحلة ربنا يكرمه
أسف للخروج عن الموضوع

المهم نسيت أقولكم ان عربيتى القديمة كنت جددت رخصتها باسمى و بعتها علطول من كام

شهر و كنت قلقان من موضوع ضريبة الرفاهية و قلت للمندوب قالى ولا هتدفع حاجة و لو

حسوا بحاجة آخرها 75ج و فعلا ما دفعتش حاجة

على فكرة عديت على سموحة عند سعيد نصار لقيت واحد معاه أخت عربيتى بيفرشها

أرضية و شنطة و صالون
طبعا شوفت السروجى خالع كراسى العربية و فك وش الفتيس البلاستيك و العربية فاضية

من جوا بصراحة قلبى اتخلع و وجعنى على عربيتى و خوفت ليعمل فيها كده فجريت

بعربيتى حبيبتى و قلت يا فكيك
بس ان شاء الله ربنا يكرم و أعملها

فرش الأرضية بالشنطة كان 450 تقريبا
وطقم فرش للكراسى جاهز جلد ألمانى مطرز من الداخل بـ 675

ولو حد عنده استفسار أنا فى الخدمة و هأرفع صور مكان البصمة ان شاء الله
و أنا ليه استفسارات كالتالى:

1- ايه صوت التكة كأن حاجة بتفصل كل ثوانى اللى قلت عليها مع جزئية التكييف فى أول الموضوع

اعتقد ان الفريون زياده ومحتاجة تزبيط فى صيانة الالف كيلو لان من اعراضه ان الكباس يفصل كل شويه ومصاحب ليه تكه

2 - ما هو ضغط الاطارات المناسب لان مكتوب على القايم ان الاطارات الأمامية مرتين جنب بعض 33

اعتقد ان المقصود بيه ان 33 فى الحالتين اذا كانت فاضيه او مليانه ركاب بكامل العدد

و الخلفى مكتوب أداماها 30 و 44 فمش عارف ايه الكلام

والخلفى فى حالة التحميل الاقصى تزبط على 44 و 30 لو العربيه فاضيه

3- مين أحسن واحد بتاع فرش فى اسكندرية و هل افرش الكراسى تفصيل و لا جاهز و جلد

و لا لأ
نفسى فى الجلد بصراحة علشان الأولاد بيبهدلوا العربية بس خايف من الجلد فى الصيف أنا

سمعت ان فى نوع ألمانى كويس بالنسبة للحرارة بس أعرفه ازاى انه اصلى فياريت حد

ينصحنى بالتفصيل فى موضوع الفرش و الدواسات ده
ولو حد طالع على جينز كار فى القاهرة ياخدنى معاه ينوبوه فيا ثواب أصل أنا مليش ف القاهرة خالص


مفيش غير جينز كار اايك والعك بتاع الجاهز وتفصيل النص كم الحاج احمد حيروقلك العربيه هو انت حتعمل فرش كل يوم

واذا كان على المشاور الى يسأل ما يتهوش وعلى فكره لازم تروح مرتين مره عشان تختار نوع الجلد ومره عشان التركيب ده لو حضرتك معندكش طولة بال للانتظار

او مره واحده بس على كلام الحاج احمد لازم مش اقل من 10 ساعات تفصيل وتركيب

على فكرة أنا أخدت كوبى من الموضوع آه الواحد دلوقتى ما بقاش يضمن يلاقى موضوعه


و السلام ختام

الف الف مبروك يا باشا و ربنا يبارك لك فيها

ألف مبروك يا باشا بالنسبة لضغط الكاوتش أمامى 33 وخلفى 30 بالنسبة للتكتكه لاحظ كويس جاى منين بالضبط؟؟؟ انا كان عندى تكتكة وأكتشفت أنها من السى دى وصلحوه فى التوكيل حاول تلاحظ كل شىء فى العربية وكمان نصيحة مهمة روح أملى الكاوتش نيتروجين وظبط ضغط الكاوتش عشان ده هيقلل شويه سوء الكاوتش الماكسس

الف مبروك عليك الصني الجميلة000وربنا يديك خيرها ويكفيك شرها

مبروووووووووووووووووووووو وووووووك