على فكرة باب الحجز اتفتح و السعر الرسمى ما زال بـ 100 و استلام بعد شهر و بـ 104 و استلام بعد أسبوع أى لون
رقم العضوية : 43925
تاريخ التسجيل : 24Jul2009
المشاركات : 489
النوع : ذكر
الاقامة : Alexandria
السيارة: 127& Lanos 2
السيارة[2]: SUNNY 2013 الحمدلله
دراجة بخارية: لا
الحالة :
الحمد لله استلمت الصنى امبارح الخميس بس فضلت مستنى من وقت ما وصلت التريلا بتاع 3 ساعات لغاية ما العربية اتغسلت و اتركبلها الطاسات و الورقيات تخلص
فنصيحة للى عاوز يستلم ما يروحش علطول أول ما تيجى العربية يديهم فرصة يظبطوا نفسهم
أنا كنت حاجز اللون البرونزى و فرش بيج . لون الفرش جميل مع لون العربية بس المشكلة انه فعلا بيتوسخ بسرعة جدا
الغريب فى لون العربية انى كنت شوفته بالنهار فى المعرض كذا مرة لكن امبارح و العربية واقفة فى الشمس برة المعرض تشوف اللون مع انعكاس الضوء كأنه رمادى ميتالك تحس اللون بيتغير مع الضوء يمكن لان اللون البرونزى فى الكتالوج اسمه Brownish Gray
وأنا بأكد على معلومة ان البطارية أصبحت جافة
نيجى بأة لتجربتى مع الأتوماتيك
\"؟
بالنسبة للأعضاء اللى زيى اللى كانوا متعودين على المانيوال و قلقانين من سواقة الأتوماتيك
أحب أقولهم مفيش أسهل من كده
وأنا بأريح دماغى وبأشتغل السهل دلوقتى و ربنا يسهل بعدين لما الواحد ياخد على العربيىة
أنا بأجيب على الـ D وبأخف رجلى على الفرامل علشان أطلع ولما بأحب أغير الجير بأقف خالص الأول و بعدين أجيب الـ N فى حالة التوقف فى إشارة أو الـ P فى حالة الركنة وبعدها بأشد الهاند بريك فى الحالتين
أحلى حاجة فى الأتوماتيك انك مش شاغل نفسك غير بالدريكسون و الطريق و رجلك مرتاحة
ولو الدنيا بطيئة صباح الأنتخة بأة لانى كنت بأشيل رجلى من على البنزين و الفرامل و العربية بتمشى لوحدها و طبعا بأكون مستعد برجلى اليمين تحتهم وفى الزحمة بأستعمل الفرامل بس
و طبعا نخلى بالنا فى الأول ان مفيش دبرياش
و حاجة تانية غلطت فيها فى الأول كنت بأضرب فرامل لقيت رجلى جابت دواسة الفرامل و البنزين مع بعض بس ربنا ستر الحمد لله
حاجة جديدة بقى عرفتها ان فى زرار جنب العصاية اسمه شفت ده بيستخدم لو فى حالة عاوز تسيب العربية للسايس بدون المفتاح يزقها للامام و الخلف كان فى فيديو على المنتدى بيشرح الطريقة بس اعتقد الطريقة فى النيو صنى اسهل والطريقة هى
1- الفتيس على الـ P
2- المفتاح معاك فى ايدك برة الكونتاكت أصلا يعنى
3 - نضغط زرار شيفت جامد لتحت
4- نضغط لوك العصاية و ننقل الى الـ N
بس خلاص
وأعتقد دى مختلفة عن الفيديو لان كان بيشرح و المفتاح فى الكونتاكت و انت بتضغط فرامل تقريبا بتعمل حاجة معينة مش فاكرها علشان تطلع المفتاح
مرحلة الاستلام
نيجى بأة لمراحل الاستلام هأقولكم اللى حصل معايا
1- فى الأول تم الاتصال بى للتأكيد على انى هأستلم العربية و طريقة الدفع والتأكيد على اللون
2- كذا مكالمة لعرض ألوان أخرى على و لكنى رفضت وأصريت على البرونزى
3- تم إبلاغى يوم الثلاثاء بوجود اللون المطلوب فى المخزن بالقاهرة و انها هتيجى بالتريلا الخميس
وإن العادى الورق يجيى بعدها بيومين يعنى على الاحد او الاتنين لان المصنع اجازة جمعة و سبت ولكن إذا دفعت يوم الثلاثاء أو بالكتير الاربعاء قبل الضهر ممكن يجيى ورقها معاها بس برضه مش هألحق أرخص الخميس بس كده هيكون ورقها طلع من المصنع فأقدر أرخص السبت ان شاء الله ادعولى
4- دفعت يوم الاربعاء كامل التمن بالاضافة الى مبلغ رمزى كرسوم اعتماد للورق بالمرور
5- العربية وصلت الخميس بعد الضهر فطبعا روحتلهم فى ساعتها بس للأسف قعدت حوالى 3 ساعات مستنى طلتها عليا لانهم كانوا بيغسلوها و بيخلصوا اجراءتها المهم استلمت العصر بس كان الورق لسه ما خلصش على وعد آخده السبت الصبح علشان أرخص ان شاء الله
للأسف وقت الاستلام مش عارف مركزتش مع انى كنت طابع ورق بنقاط الاستلام بس الدنيا كانت زحمة و كنت صدعت و عاوز آخد العربية أروح بيها فما استلمتش زى ما بيقول الكتاب بس عملت اللى افتكرته بسرعة
اللى حابب يسأل أى سؤال يتفضل أنا تحت أمره
بس أنا كنت قلقان من حاجة ان العربية حاليا مفيش عليها حتى نمر تجارية و أنا مش معايا اى حاجة تثبث ملكيتى للعربية اللهم الا صورة محضر استلامى للعربية و دلوقتى عندى مشوار عائلى ضرورى و نفسى آخدهم بالعربية الجديدة فمش عارف ايه رأيكم عادى أطلع بيها على البحر فى اسكندرية وقت المغرب كده و لا ايه ولو ظابط وقفنى أعمل ايه و لو فى حد نزل النهاردة على البحر يطمنى ايه الأخبار فى مرور و لا مفيش لان الجمعة اللى قبل اللى فاتت كان فى حملة مرور قبل الصلاة بطول الكورنيش كله لقيت كل اللى راكن على البحر من كامب شيزار للمنتزة مكلبش و أوناش بالهبل و كل الدوارانات على البحر تلاقى عليها ظابط قافل الطريق جوا الدوران و بيشوف رخص كله و بعدها المرور نام تانى وصحى الاسبوع ده شوية
فايه رأيكم شباب و لو وقفنى ظابط عادى و لا ايه
وكمان ليا واحد صاحبى حذرنى قالى ما ينفعش تروح ترخص فى المرور من غير ما يكون عليها نمر تجارية
طب حد يعرف حد بيأجر نمر تجارية فى اسكندرية و بكام
الموضوع ده تم عمله اليوم بعد الضهر
لكن واضح انه اتمسح لما رجعوا بكب المنتدى لما وقع النهاردة
بس أنا الحمد لله كنت عامل كوبى من الموضوع علشان أنسق فيه براحتى
رقم العضوية : 43925
تاريخ التسجيل : 24Jul2009
المشاركات : 489
النوع : ذكر
الاقامة : Alexandria
السيارة: 127& Lanos 2
السيارة[2]: SUNNY 2013 الحمدلله
دراجة بخارية: لا
الحالة :
على فكرة باب الحجز اتفتح و السعر الرسمى ما زال بـ 100 و استلام بعد شهر و بـ 104 و استلام بعد أسبوع أى لون
رقم العضوية : 71514
تاريخ التسجيل : 25May2010
المشاركات : 26,773
النوع : ذكر
الاقامة : EgYpT-ⵍⵎⵖⵔⵉⴱ-
السيارة: -- -- all FiaT ---
السيارة[2]: ToYoTa CorOllA ---
دراجة بخارية: - - - - - - -
الحالة :
الف مبروك يا باشا
وفعلا في مواضيع كتير راحت فدمج الاجتماعي ..
رقم العضوية : 11655
تاريخ التسجيل : 27May2008
المشاركات : 983
النوع : ذكر
الاقامة : Cairo
السيارة: sunny 2013
السيارة[2]: peageot 504
دراجة بخارية: no
الحالة :
مبرووووووووووووك يا جميل
و ربنا يكرمك بيها و تكون فاتحة خير عليك
[sor2]http://www.runpapa.com/Accessories/Images/ProductDefaultImages/354/Car-Door-Sill-Step-Plate-for-NISSAN-SUNNY-Blue-Led--354-221.jpg[/sor2]
mollaELolla سابقا
رقم العضوية : 122948
تاريخ التسجيل : 10Apr2012
المشاركات : 254
النوع : ذكر
الاقامة : cairo/abu dhabi
السيارة: santafe/camry
السيارة[2]: beetle69/filicia 96
دراجة بخارية: no
الحالة :
مبروك يا باشا
و يبارك لك فيها و يكفيك شر الطريق
رقم العضوية : 107820
تاريخ التسجيل : 16Jul2011
المشاركات : 1,679
النوع : ذكر
الاقامة : cairo
السيارة: Fait127
السيارة[2]: Nissan Tiida 2012
دراجة بخارية: no
الحالة :
مبروك يا باشا وربنا يباركلك فيها ويرزقك خيرها ويكفيك شرها
رقم العضوية : 84889
تاريخ التسجيل : 03Jan2011
المشاركات : 473
النوع : ذكر
الاقامة : Cairo
السيارة: Nissan Sunny '13
السيارة[2]: ---------
دراجة بخارية: --------
الحالة :
ألف مبروك ليك وربنا يرزقك خيرها ويكفيك شرها ... وخد بالك من سواقين اسكندرية لأني لسة راجع من هناك ومافيش ..... أحسن من كدة !!1
رقم العضوية : 102079
تاريخ التسجيل : 04Jun2011
المشاركات : 1,222
النوع : ذكر
الاقامة : cairo
السيارة: NEW SUNNY2013
السيارة[2]: REGATA
دراجة بخارية: no
الحالة :
ألف مبروك وربنا يديك خيرها ويكفيك شرها ومتنساش تسجل نفسك فى رابطة مالكى الصنى الشكل الجديد
رقم العضوية : 29567
تاريخ التسجيل : 08Jan2009
المشاركات : 150
النوع : ذكر
الاقامة : cairo
السيارة: nissan sunny 2013
السيارة[2]: fiat 131
دراجة بخارية: no
الحالة :
الف مبروك وربنا يكفيك شرها
رقم العضوية : 30571
تاريخ التسجيل : 20Jan2009
المشاركات : 5,542
النوع : ذكر
الاقامة : EGYPT
السيارة: Toyota Corolla 1996
السيارة[2]: Nissan Sunny 2OO9
دراجة بخارية: I Don't Like It
الحالة :
الف الف مبروك العربية الجديدة صني .. ربنا يديك خيرها علي طول
المفضلات