مش عارفة ليه جه فى دماغى موضوع الضريبة دة لكنه شئ مستفز جدا
مش عشان بدفع فلوس و بيطلعوا منى بحس أننا عايزة أعيط
لكن الفكرة أننا ممكن أدفع ضعفهم 4 مرات بس ألاقى طرق نضيفة
هيا فلوس الضرايب لما بتتجمع من كل العربيات بتروح فين ؟
يعنى عايزين نفهم شوية بتروح فى الأسفلت و تنظيف الطرق ولا بتروح مصدر تانى
ماهى لو بتروح للأسفلت و تنظيف الطرق يبقى أحنا بيتضحك علينا
أنا قصدى على الضريبة السنوية

حوار تانى من بداية دخول العربيات و فى الأخر الناس بتقول أل أية معارضين لتخفيض الجمارك والضرايب ماهما لو درسوا أو متعلمين من أصلة كانوا عرفوا أن الجمارك و الضرايب بتزيد لو عندك منتج محلى و أحنا معندناش و سلملى على الزحمه عشان دى غلطة الدولة مش غلطة الشعب

معلش أنا مقهورة شوية لأنى تعبت من المطبات و الأسفلت الزبالة و فى الأخر العربيه لو قعدت شهر متغيرش فيها حاجة ممكن يجيلى القلب من الفرحه