الموضوع: أحنا بندفع ضريبة ليه ؟ و هل دفعنا للضريبة بيكون مقابلة طرق نضيفة ؟

الاردن هنا سياستها في الموضوع ده عجيبه
الجمارك هنا ضعف مصر!!!

لكن في المقابل
خلو سواقين التكاسي يبدلو تكسياتهم القديمه بجديده بدون جمارك!! الكلام ده كان في 97 لو انا مش ناسي ده للتاكسي

وكل سنتين تلاته يعملو حركه جميله للملاكي
اي واحد عنده عربية بقالها اكتر من 10 سنين بيطلع قرار اسمه قرار الشطب

بيروح يشطبها ويسمحوله ياخد عربيه في نفس الفئه اللتريه وهايبرد كمان وبدون جمرك او بجمرك 12 % لو هيعلي الفئه اللتريه!!!

ومفيش هنا عربيات قديمه فعلا
وخلو بالكم من موضوع العربيات الهايبرد دي لانها خطيره جدا جدا من حيث التوفير عالحكومه وعلى مالكها حيث انها عربيات تحت سرعه 80 بتشتغل بطاقه بديله كهربا او غيره وفوق ال80 بتشتغل بالبنزين!!!!!!

اما عن الترخيص للعربيات فهو صارم جدا لدرجة ان معروف عربيات السولار بتطلع دخان
ليها عندهم مقياس ولو اتعدته متترخصش لحد اما يصلح المشكله


الحاجات دي مش صعبه والله
لكن في مصر لما بيحبو يعملو حاجه كده بيعملوها غلط!!!!!!!!!!

وكلنا شفنا مشروع التاكسي والاعلانات والاقساط المبالغ يها وطبعا منتجش عنه حل للمشكله وفضلت العربيات القديمه مرطرطه في كل مكان

وطبعا احنا مبنحبش نتعلم من جيراننا
لكن نجرب على شعبنا الغلبان كل هم الحياه ونزهقه اسهل!!!!

وبالمناسبه

التخلص من السيارات القديمه هو اول حل للازمه المروريه في مصر....


تحياتي