صني 2013 - تقرير عن استهلاك البنزين

بسم الله الرحمن الرحيم


سلام عليكم يا أحسن صقور ... ويارب تكونوا جميعاً في أحسن صحة وحال


فكرت اسافر اسكندرية اقضيلي يومين وهي بتفضى ... والحمدلله كانت رحلة موفقة

وفي نفس الوقت كانت ليا تجربة مع العربية أول ماجبتها وكنت سافرت بعد صيانة الألف ... وحكيت عن التجربة هنا http://www.nilemotors.net/Nile/304455-180.html


لكن المرة دي حبيت اعرف ازاي صيانة الـ 5000 بتفرق ... وفي نفس الوقت نعرف الاستهلاك الفعلي الطبيعي للبنزين على سرعة مظبوطة (100 كم ساعة).... وصورت العداد بعد كل عملية علشان اعرف هاتعمل معايا كام في تفويلة التانك الواحدة (41 لتر).


البداية كانت من 6 أكتوبر, فولت التانك وصفرت عداد الرحلات وتوكلت على الله, الساعة كانت 9 صباحاً ودرجة الحرارة كانت معتدلة

السرعة كانت لا تزيد عن 100 طوال الطريق, من غير حرق زيادة, وعدد الركاب كان انا وشخص تاني ... وماكانش معانا شيل كتيرة ولا شنط تقيلة.... والسير كان عكس اتجاه الرياح


بعد ماوصلت اسكندرية (بناءً على نصيحة زميل ليا -ربنا يسامحه- خدت الطريق الدائري بتاع اسكندرية , قال إيه علشان انزل على المندرة على طول من غير زحمة الكورنيش, واتضح ان زحمة الكورنيش أرحم وأفضل من بهدلة العربية بالشكل ده على طريق مدقدق مبهدل حالته كرب وفي النهاية تدخل الطريق الزراعي ثم الطريق الدولي ثم تلاقي نفسك في الآخر عند سيدي جابر !!!! ) .... طبعاً كانت المسافة زادت ودخلت وسط زحمة عجيبة ومشيت فوق حصى ومدقات وأسفلت عادي وإشارات ... بعد ماوصلت كانت قراءة العداد كما في الصورة http://www.nileup.com/uploads/13477018411.jpg

بعد كدة قررت اركن العربية واقضي اليومين مواصلات لأن اسكندرية مش كبيرة قوي ومواصلاتها أرحم من القيادة فيها !!! بعد يومين توكلت على الله وقررت ارجع وكانت قراءة العداد كما في الصورة قبل ماطلع

http://www.nileup.com/uploads/13477018412.jpg


وكما في الصورة كانت البداية سبعة إلا ربع صباحاً , الجو كان جميل ومش حر , وكانت السرعة لا تزيد عن 100 , نفس اتجاه الرياح وبنفس وزن وعدد الركاب في رحلة الذهاب , وبحمد الله وصلنا أكتوبر وكان استهلاك البنزين وعداد الرحلات كما في الصورة

http://www.nileup.com/uploads/13477018413.jpg

ولما خليت كومبيوتر العربية يحسب البنزين المتبقي يمشيها كام كيلو ... كانت النتيجة كالتالي:

http://www.nileup.com/uploads/13477019601.jpg


عن نفسي ... مش هاعمل أي حسابات هنا لمعدل الاستهلاك اللي حصل , الصورة تتكلم وكل واحد يقول هو شايف العربية كدة بتعمل كام :Ta_clap[1]:


مع ملاحظة اني كنت مشغل التكييف على سرعة 1 طول الطريق.


على الهامش: أرجو من السادة مالكي صني الجديدة توخي الحذر على السرعات فوق 100 , العربية خفيفة وثباتها مش عالي زي عربيات تانية (جيتا - رينو فلوينس - صني 2011) ... والحذر لازم يزيد مع دخول الخريف والشتاء ولازم يكون حذر شديد وقت الخماسين , لأني كنت باحس ان العربية هاتخرج عن مسارها لما أوتوبيس يعدي من جنبي, أو اعدي من جنب شكمان مقطورة على سرعة 100, بس كدة كدة لازم ماتاخدش رد فعل وتسيب العربية ترجع لاتزانها بنفسها, التحذير هنا من الشعور بالمفاجأة أو اتخاذ رد فعل مبالغ فيه


وربنا يسلم طريقنا جميعاً ويرزقنا الصحة والستر والسعادة في الدنيا والآخرة , وأرجو ان الموضوع يكون مفيد لكم جميعاً

تسلم علي المجهود و واضح ان استهلاك السيارة ممتاز
بس احب اوضع ان سرعة مروحة التكييف لا تؤثر علي استهلاك البنزين لانها مروحة كهربائية (fan) , و كل مهمتها هي سحب الهواء الساخن من المقصورة و دفعه باتجاه الكويل(coil) البارد و هكذا دورة مغلقة.

تحياتي

موضوع ممتاز وجهد مشكور عليه من حضرتك

انا حسبتها تقريبى فى القاهرة زحمه مووووووووت 9.1لتر لكل 100كم بدون تكيف فى اول 1000كم
وعلى الطريق السريع مع التكيف 6.7 متوسط سرعة 90كم

Thank you

حمدلله علي السلامه و شكرا علي التقرير و الاستهلاك شكله ممتاز

http://www.nileup.com/uploads/13477018411.jpg










على الهامش: أرجو من السادة مالكي صني الجديدة توخي الحذر على السرعات فوق 100 , العربية خفيفة وثباتها مش عالي زي عربيات تانية (جيتا - رينو فلوينس - صني 2011) ... والحذر لازم يزيد مع دخول الخريف والشتاء ولازم يكون حذر شديد وقت الخماسين , لأني كنت باحس ان العربية هاتخرج عن مسارها لما أوتوبيس يعدي من جنبي, أو اعدي من جنب شكمان مقطورة على سرعة 100, بس كدة كدة لازم ماتاخدش رد فعل وتسيب العربية ترجع لاتزانها بنفسها, التحذير هنا من الشعور بالمفاجأة أو اتخاذ رد فعل مبالغ فيه


وربنا يسلم طريقنا جميعاً ويرزقنا الصحة والستر والسعادة في الدنيا والآخرة , وأرجو ان الموضوع يكون مفيد لكم جميعاً[/QUOTE]



انا حبيت اعلق على النقطة دى لانها مهمه جدا وانا لاحظتها باردو قبل صيان الالف على سرعة 80 او 100كيلومتر /ساعة بس قولت ممكن علشان ماشى ابطى من العربيات الى ماشية جنبى فى الطريق الصحراوى للاسكندريه وانا كنت لسه فى مرحلة التليين بس لما سافرت من اسبوع وكنت بجيب من 100 الى 120على نفس الطريق واى عربيه او اتوبيس معدى صاروخ من جنبى كنت بحس فعلا ان العربية بتحدف الناحيه الاخرى مع اتجاه قوة الهواء اللى كان بينك وبين العربيه وخصوصا ان الطريق الصحراوى السرعات فيه عاليه جدا. بس فعلا دى ملحوظه اتمنى ان يعرف هذه المعلومة ملاك الصنى الشكل الجديد(خلى دائما فى مسافة معقولة بينك وبين العربية اللى جنبك)وربنا يحفظنا جمعيا من شر العربيات وشر الطريق

تقرير ممتاز و حمد الله علي سلامه حضرتك و نتعشم انك تكون استمتعت بأجازتك هناك
اسكندريه بلد جميله جدا .

طبعا الصني معروفه باستهلاكها الجيد للبنزين.

لكن ممكن حضرتك تكلمنا علي راحة القياده لمسافه طويله
وكان ايه شعورك واحساسك داخل العربيه لما دخلت طريق مدقدق مبهدل حالته كرب ولما مشيت فوق حصى ومدقات ؟؟؟؟

اقتباس:

---

المشاركة الأصلية كتبت بواسطة engamin

http://www.nileup.com/uploads/13477018411.jpg










على الهامش: أرجو من السادة مالكي صني الجديدة توخي الحذر على السرعات فوق 100 , العربية خفيفة وثباتها مش عالي زي عربيات تانية (جيتا - رينو فلوينس - صني 2011) ... والحذر لازم يزيد مع دخول الخريف والشتاء ولازم يكون حذر شديد وقت الخماسين , لأني كنت باحس ان العربية هاتخرج عن مسارها لما أوتوبيس يعدي من جنبي, أو اعدي من جنب شكمان مقطورة على سرعة 100, بس كدة كدة لازم ماتاخدش رد فعل وتسيب العربية ترجع لاتزانها بنفسها, التحذير هنا من الشعور بالمفاجأة أو اتخاذ رد فعل مبالغ فيه


وربنا يسلم طريقنا جميعاً ويرزقنا الصحة والستر والسعادة في الدنيا والآخرة , وأرجو ان الموضوع يكون مفيد لكم جميعاً

---

انا حبيت اعلق على النقطة دى لانها مهمه جدا وانا لاحظتها باردو قبل صيان الالف على سرعة 80 او 100كيلومتر /ساعة بس قولت ممكن علشان ماشى ابطى من العربيات الى ماشية جنبى فى الطريق الصحراوى للاسكندريه وانا كنت لسه فى مرحلة التليين بس لما سافرت من اسبوع وكنت بجيب من 100 الى 120على نفس الطريق واى عربيه او اتوبيس معدى صاروخ من جنبى كنت بحس فعلا ان العربية بتحدف الناحيه الاخرى مع اتجاه قوة الهواء اللى كان بينك وبين العربيه وخصوصا ان الطريق الصحراوى السرعات فيه عاليه جدا. بس فعلا دى ملحوظه اتمنى ان يعرف هذه المعلومة ملاك الصنى الشكل الجديد(خلى دائما فى مسافة معقولة بينك وبين العربية اللى جنبك)وربنا يحفظنا جمعيا من شر العربيات وشر الطريق[/QUOTE]

أنا لسة مكملتش 500 كم وفعلا بحس بكده كنت ماشى على الدائرى 90 - 100 كم وعدت جنبى ألينترا الشكل الجديد والظاهر صعبت عليه نفسه لما شفنى بجرى عدى من جنبى شمال طلقة حسيت بهواء شديد بس انا ثبت نفسى ومسكت الطارة جامد مش عارف بصراحة :shyy:

تقييم ممتاز

يعنى بحسبه بسيطه نلاقى ان العربيه فى ظروف الاستخدام د بتعمل 6.5 لتر لكل 100 كيلومتر

يعنى الصفيحه تمشيك 300 كيلو متر ودى قمة الاقتصاديه

اما بخصوص نصيحة الدخول من الدائرى فهو نصحك غلط كنت المفروض تدخل الى الدولى من الصحرواى مباشراً لان الدائرى لفه ووحش وفيه اعمل صيانه وبيبهدل اى عربيه تمشى عليه وكنت حتنزل على شارع 45 ومنه الى المندره

اما بخصوص التخذير من انحراف العربيه فأحساسك طبيعى وده راجع لان وزن العربيه كبودى حوالى 900 كيلو بس وده وزن خفيف مقارنه بموديلات تانيه زى الالمانى والفرنساوى

تحياتى

ملحوظه انا ماعنديش صني بس بركب مع واحد قريبي طريق اسيوط سوهاج صحراوي طبعا واحنا ماشين علي 120/130 بنحس فعلا انها مش ثابته بس لما بنزود ونبقي علي 170/180 بيبقي الثبات افضل من ثبات ال 100 كيلو في الساعه العربيه موديل 2008 ارجو ان اكون افدكم

الف شكر على المجهود الكبير و الشرح المفيد فعلا و اصعب حاجة ان العربية ماطلعتشى ثابتة زى ما كانوا بيقولوا

اقتباس:

---

المشاركة الأصلية كتبت بواسطة canner

الف شكر على المجهود الكبير و الشرح المفيد فعلا و اصعب حاجة ان العربية ماطلعتشى ثابتة زى ما كانوا بيقولوا

---

شوف حضرتك العربية لسه جديدة وكل ملاكها لسة فى التليين يعنى مافيش حد عدى 5000 كم يمكن واحد او أتنين بالكتير فالحكم مسبقا يبقى ظلم كبير وأعرف واحد وصل بها 175 كم سرعة وكانت فى منتهى الثبات كل ما فى الموضوع أننا بنقول ملاحظاتنا عشان الكل يستفيد بها ولك تحياتى :Ta_clap[1]:

اقتباس:

---

المشاركة الأصلية كتبت بواسطة bkaltalamana

ملحوظه انا ماعنديش صني بس بركب مع واحد قريبي طريق اسيوط سوهاج صحراوي طبعا واحنا ماشين علي 120/130 بنحس فعلا انها مش ثابته بس لما بنزود ونبقي علي 170/180 بيبقي الثبات افضل من ثبات ال 100 كيلو في الساعه العربيه موديل 2008 ارجو ان اكون افدكم

---

أحنا حضرتك بنتكلم عن الصنى الشكل الجديد 2013 :shyy:

من ضمن عوامل عدم الثبات ان صح وده بيبقى نسبى من ملاك الى الاخر هو الكاوتش وطبعا انتم عارفين ان الكاوتش فيها مش عريض بشكل كافى وكمان ماركه وجوده سيئه فبلاش تسرع فى الحكم على الجزئيه دى

اقتباس:

---

المشاركة الأصلية كتبت بواسطة hossam_elwani

من ضمن عوامل عدم الثبات ان صح وده بيبقى نسبى من ملاك الى الاخر هو الكاوتش وطبعا انتم عارفين ان الكاوتش فيها مش عريض بشكل كافى وكمان ماركه وجوده سيئه فبلاش تسرع فى الحكم على الجزئيه دى

---

كلامك مضبوط يا أ/ حسام الكاوتش سىء جداااا انا قلت أمشى به شويه وربنا يفرجها من وسع وأركب بريد جستون وأعرضه شويه 195/60-15 :_Alshmokh22[1]:

يا جماعة فى فرق كبير بين ثبات العربية على الطريق مع السرعات العالية بدون تأثيرات خارجية وبين حصول تفرييغ مفاجىء فى الهواء فى أحد أجناب العربية والى بيأدى طبعا لاختلال لحظى لا يسبب انقلاب للسيارة والحمد لله

يا ريت نفرق بين الحالتين. ومانقولش ان العربية مش ثابتة لمجرد لمجرد حصول تفريغ لحظى فى أحد أجناب العربية نتيجة مرور جسم ضخم بسرعة عالية زى اوتوبيس أو عرية نقل

شكرا على التقرير , انا التفويلة الي فاتت عملت ريست للمتوسط و للتريبات و على التفويلة الجديدة كان المتوسط 8.4 لتر لكل 100 كيلومتر و ده ما بين طرق زحمة وطرق طوالي مفتوحة وده حلو جدا بالنسبالي.
بالنسبة للثبات انا بردوا سافرت بيها اسكندرية و حسيت بردوا بعدم الاتزان و خاصة ان انا كنت قبل كدا معاير لانسر هاف اسبورت فحسيت بفرق الثبات بس انا مشيت بيها و انا راجع 175 و كانت اثبت لان الحمل كان زاد و كان في شنط كتير في العربية لاني كنت بجيب اختي من مطار برج العرب بس السحب كان تمام و كانت موفرة جدا في البنزيين بس ساعتها محسبتش المتوسط.:

اقتباس:

---

المشاركة الأصلية كتبت بواسطة engamin

http://www.nileup.com/uploads/13477018411.jpg












انا حبيت اعلق على النقطة دى لانها مهمه جدا وانا لاحظتها باردو قبل صيان الالف على سرعة 80 او 100كيلومتر /ساعة بس قولت ممكن علشان ماشى ابطى من العربيات الى ماشية جنبى فى الطريق الصحراوى للاسكندريه وانا كنت لسه فى مرحلة التليين بس لما سافرت من اسبوع وكنت بجيب من 100 الى 120على نفس الطريق واى عربيه او اتوبيس معدى صاروخ من جنبى كنت بحس فعلا ان العربية بتحدف الناحيه الاخرى مع اتجاه قوة الهواء اللى كان بينك وبين العربيه وخصوصا ان الطريق الصحراوى السرعات فيه عاليه جدا. بس فعلا دى ملحوظه اتمنى ان يعرف هذه المعلومة ملاك الصنى الشكل الجديد(خلى دائما فى مسافة معقولة بينك وبين العربية اللى جنبك)وربنا يحفظنا جمعيا من شر العربيات وشر الطريق

---

فعلاً الواحد بعد كدة لازم يطبق نظرية "تجاذب السفن في البحر" ويسيب مسافة مريحة بينه وبين أي عربية كبيرة الحجم معدية على سرعة عالية جنبه ...وربنا يحفظنا جميعاً

اقتباس:

---

المشاركة الأصلية كتبت بواسطة esam_ayad

طبعا الصني معروفه باستهلاكها الجيد للبنزين.

لكن ممكن حضرتك تكلمنا علي راحة القياده لمسافه طويله
وكان ايه شعورك واحساسك داخل العربيه لما دخلت طريق مدقدق مبهدل حالته كرب ولما مشيت فوق حصى ومدقات ؟؟؟؟

---

من جهة راحة القيادة انت بتحس انك مش ماشي لو على سرعة 90 - 100 .... الطريق واسع وكانت حالته لا بأس بها (باتكلم على اسكندرية الصحراوي) ... لو انت مش واخد بالك من العداد ممكن تصحى تلاقيك بتجري على 160 , انما العربية بسم الله ماشاء الله مريحة وتقدر تظبط ميزان سرعتك بهدوء وتسيب رجلك على الدواسة وهي هاتتعامل .... وكمان علشان وزنها خفيف (وهو من العيوب في بعض الأحيان) لو على منزل أو طريق مستوي ممكن تجيب 110 وتسيب الدواسة بتاعت البنزين وعلى ما سرعتك توصل 100 هايكون عدى ييجي نص كيلو ... أحياناً من كتر خفة الوزن بتحس ان العربية فيها مثبت سرعة لو انت شلت رجلك من على دواسة البنزين علشان مش بتحس بتباطؤ العربية غير بعد فترة


أما عن القيادة على طريق مقرف, العربية ماشاء الله مريحة وبتمتص قوة المطبات , لكن لاحظ انها بتاخد الصدمة عنك, يعني هي نفسها بعد فترة هاتتعب لو افتريت عليها وقضيتها رزع وهبد وطرق غير مستوية .... وبعدين مصر فيها مطبات من النوع "الخازوقي" ... ماينفعش معاها لا صني ولا هامر ولا حتى دبابة !! ودي أؤكدلك بشكل كبير انك هاتحس بيها .... فيه أماكن حسيت بالحزن الشديد لما العربية اترزعت فيها, لأن ده شقى عمر وحرام بجد ان إنسان ماعندوش ضمير يعمل في طريق الناس كدة ويبهدل الحاجة اللي دافعين فيها دم قلبهم علشان هو مايعرفش ربنا ومدمر طريقهم


الكاوتش الصيني العجيب اللي راكب فيها بيلم حصى وطوب وهاتسمع العربية كأنها "بترجمك بالحصى" أول ماتعدي على مدق من النوعية دي , علشان الكاوتش بينفض الحصوات اللي دخلت فيه:36_7_4[1]:

اقتباس:

---

المشاركة الأصلية كتبت بواسطة bkaltalamana

ملحوظه انا ماعنديش صني بس بركب مع واحد قريبي طريق اسيوط سوهاج صحراوي طبعا واحنا ماشين علي 120/130 بنحس فعلا انها مش ثابته بس لما بنزود ونبقي علي 170/180 بيبقي الثبات افضل من ثبات ال 100 كيلو في الساعه العربيه موديل 2008 ارجو ان اكون افدكم

---

المفروض ان ثبات العربية منظومة متكاملة بين الاتزان وقدرتك على التحكم فيها, فمش منطقي اقول ان العربية ثابتة على 180 وافرح بكدة, تخيل لو لا قدر الله ظهرت أي مفاجأة في الطريق- وما أكثرها في مصر- ... ساعتها هاتكون العاقبة سيئة .... لأن ماحدش مهما كان هايقدر يتحكم في العربية وخصوصاً نيسان صني الجديدة على سرعة 180 ...إلا برحمة ربنا وفضله بالتأكيد


نقشة السقف عليها عامل مهم في جعل الهوا يدي للعربية وزن وثبات, وممكن ده يكون تفسير زيادة ثباتها على سرعات أعلى من 160, لكن لو عربية تقيلة عدت من جنبك أو انت عديت من جنبها هاتلاقي نفسك ريشة في مهب الريح

ما شاء الله
ربنا يباركلك فيها ..

أعتفد أن علو العربية أيضا له عامل في عدم ثاباتها مع الكاوتش الصيني الغير محترم بالمره

فى احصائيات عن الحوادث وسبب وقوعها .. بس بره مصر .. نسبة كبيرة منها 60% على السائق .. و25 % على العربية .. و15% على الطريق

وطبعا فى مصر لازم نحط نسبة كبيرة على الطرق

وبعدين موضوع الهواء ده .. طبيعى اى عربية اتوبيس او مقطورة ومعدية من جنبك .. المسافة اللى بينك وبينها دى طبيعى بيحصل فيها خلخة الهواء .. وبتحس بالحكاية دى .. وكمان العربيات العالية من على الارض

بس فعلا اهم شى .. ان الواحد ميتهورش .. حتى لو راكب همر .. لان السرعة مالهاش كبير ابدا .. لازم نستعد للا مفاجاة تظهر .. عشان نعرف ونحاول نتفاداها

تحياتى ليك يا استاذ احمد على تقاريرك المفيدة

تقرير هاااااااااااااااااااااااا ايل ومهم جداااااااااااا لاستهلاك الصنى الجديدة :Ta_clap[1]:

ولكن للاسف .. ماهو معدل الاستهلاك يا استاذ احمد ؟ :shyy:

نسيت اهم نقطة فى طريقة حساب الاستهلاك بصورة دقيقة عملية وعدم الاعتماد على قراءة كومبيوتر العربية .. وهى ان تعود مرة تانية لنفس المحطة اللى فولت منها قبل سفرك وتفول تانى وتقولنا قطعت كام كيلومتر بكام لتر بنزين .. :backtotopic:

تقرير ممتاز ....

اقتباس:

---

المشاركة الأصلية كتبت بواسطة Youssef.Awad

تقرير هاااااااااااااااااااااااا ايل ومهم جداااااااااااا لاستهلاك الصنى الجديدة :Ta_clap[1]:

ولكن للاسف .. ماهو معدل الاستهلاك يا استاذ احمد ؟ :shyy:

نسيت اهم نقطة فى طريقة حساب الاستهلاك بصورة دقيقة عملية وعدم الاعتماد على قراءة كومبيوتر العربية .. وهى ان تعود مرة تانية لنفس المحطة اللى فولت منها قبل سفرك وتفول تانى وتقولنا قطعت كام كيلومتر بكام لتر بنزين .. :backtotopic:

---

ودي حتة تفوتني يادكتور يوسف .... بس انا استهبلت أكتر ورحت بيها شغلي ومشيت كمان 80 كيلو زيادة .... واتبقى في الآخر 6 لتر في التانك لما فولت امبارح بالليل


مما يعني:

اني مشيت بيها 559 كيلو

سعة التانك 41 لتر

تم استهلاك =41-6= 35 لتر

متوسط استهلاك الكيلو متر: 15.97 كيلو متر لكل لتر

مما يعني ان الصفيحة (20 لتر) تكفي للسير عدد = 319.4 كيلومتر

مما يعني ان متوسط استهلاك العربية لكل 100 كيلو متر = 6.3 لتر تقريباً

كويس كدة؟ :shyy:

اقتباس:

---

المشاركة الأصلية كتبت بواسطة the_air_devil

ودي حتة تفوتني يادكتور يوسف .... بس انا استهبلت أكتر ورحت بيها شغلي ومشيت كمان 80 كيلو زيادة .... واتبقى في الآخر 6 لتر في التانك لما فولت امبارح بالليل


مما يعني:

اني مشيت بيها 559 كيلو

سعة التانك 41 لتر

تم استهلاك =41-6= 35 لتر

متوسط استهلاك الكيلو متر: 15.97 كيلو متر لكل لتر

مما يعني ان الصفيحة (20 لتر) تكفي للسير عدد = 319.4 كيلومتر

مما يعني ان متوسط استهلاك العربية لكل 100 كيلو متر = 6.3 لتر تقريباً

كويس كدة؟ :shyy:

---

تمام اوي :tumb::tumb::tum

اقتباس:

---

المشاركة الأصلية كتبت بواسطة the_air_devil

من جهة راحة القيادة انت بتحس انك مش ماشي لو على سرعة 90 - 100 .... الطريق واسع وكانت حالته لا بأس بها (باتكلم على اسكندرية الصحراوي) ... لو انت مش واخد بالك من العداد ممكن تصحى تلاقيك بتجري على 160 , انما العربية بسم الله ماشاء الله مريحة وتقدر تظبط ميزان سرعتك بهدوء وتسيب رجلك على الدواسة وهي هاتتعامل .... وكمان علشان وزنها خفيف (وهو من العيوب في بعض الأحيان) لو على منزل أو طريق مستوي ممكن تجيب 110 وتسيب الدواسة بتاعت البنزين وعلى ما سرعتك توصل 100 هايكون عدى ييجي نص كيلو ... أحياناً من كتر خفة الوزن بتحس ان العربية فيها مثبت سرعة لو انت شلت رجلك من على دواسة البنزين علشان مش بتحس بتباطؤ العربية غير بعد فترة


أما عن القيادة على طريق مقرف, العربية ماشاء الله مريحة وبتمتص قوة المطبات , لكن لاحظ انها بتاخد الصدمة عنك, يعني هي نفسها بعد فترة هاتتعب لو افتريت عليها وقضيتها رزع وهبد وطرق غير مستوية .... وبعدين مصر فيها مطبات من النوع "الخازوقي" ... ماينفعش معاها لا صني ولا هامر ولا حتى دبابة !! ودي أؤكدلك بشكل كبير انك هاتحس بيها .... فيه أماكن حسيت بالحزن الشديد لما العربية اترزعت فيها, لأن ده شقى عمر وحرام بجد ان إنسان ماعندوش ضمير يعمل في طريق الناس كدة ويبهدل الحاجة اللي دافعين فيها دم قلبهم علشان هو مايعرفش ربنا ومدمر طريقهم


الكاوتش الصيني العجيب اللي راكب فيها بيلم حصى وطوب وهاتسمع العربية كأنها "بترجمك بالحصى" أول ماتعدي على مدق من النوعية دي , علشان الكاوتش بينفض الحصوات اللي دخلت فيه:36_7_4[1]:

---

[ دا بيبقي صوت مستفز جدا وبيحسسك ان زي مايكون في مسامير دخلت في الكاوتش .....ربنا يرحمنا من الطرق دي....بس العربيه ماشاء الله انا كنت ماشي بيها 110 وانا جاي من المعرض ومحستش بعدم الثبات الي بتكلموا عليه ده :shyy:
ربنا يدينا خيرها ويكفينا شرها

السلام عليكم
انا معايا صني 2014 لسه عامله حوالي 400 كم فقط

المشكله هي ان استهلاك البنزين داخل البلد حوالي 11.3

هل ده طبيعي ولا في مشكله

مع العلم انه كان 13 بس قلت اجرب اجري في طريق مفتوح فوصل في النهايه الي 11.3

http://file:///C:/Users/user/Desktop...22546769_n.jpg

الاستهلاك ممتاز الى حد ما

بس حول تخلي مشيك 90 كيلو ومتعديهمش هتلاقي توفير خيالي وهتتجنن من الارقام اللي هتشوفها انا مرة كنت راجع من القاهرة دمياط طول الطريق 90 كيلو بالضبط الاستهلاك كان 4 لك كيلو متر البنزين كان قايل هيمشيني 800 كيلو ههههههههههه انا بقيت اتجنن ومن يومها نفسي اسافر تاني وامشي 90 كيلو

ههههههه
شكرا لحضرتك يا فندم علي المعلومه وربنا يكفيك شرها :)