ساعدوني في سخونة البيكانتو!!
شباب نايل موتورز...اتمني تكونوا بخير..
عندي مشكلة عويصة في البيكانتو و محتاج مساعدتكم فيها
احكيلكم شوية تاريخ الاول.... العربية قعدت فترة متبرجلة و بتسخن جامد و من كتر ما كانت بتسخن و المياة بتتبخر... كانت بتوصل انها تقف و ماترضاش تدور
المهم علشان ماطولش.... وديناها لميكانيكي و غيرنا لها طرمبة المياة و اتظبطت بعدها زي الفل
الاسبوع اللي فات عامل بيها بتاع ٥٠٠ كيلو بالتكيف و الحر و الوقفة في الزحمة بدون اي مشاكل ...بعد كدة ركنتها اسبوع و استخدمتها النهاردة...
في نص المشوار فجاة لقيت التكييف بيطلع هوا عادي و بعدها الاقي لمبة الحرارة الحمرا بتنور ... قمت ركنت و فتحت الكبوت لاقيت صوت المياة بتغلي!!!مع ملاحظة ان المروحة شغالة عادي
المهم سبتها تبرد شوية و زودت مياة و اتحركت تاني مفيش دقيقة و اللمبة نورت تاني.... فعلطول روحتها البيت و ركنتها لحد ما اعرف اتصرف ازاي
تفتكروا العيب يكون منين؟!؟ مع ملاحظة انها عاملة ٩٥٠٠٠ كم دلوقتي
شكرا مقدماً علي الردود