ممكن بعد أذن عتاوله السواقه؟عاوز ارجع الكرسى ورا واسوق براحتى من غير م اشوق جناب العربيه ولا بوز العربيه ولا أخبط حد؟
انتو عارفين ان العربيات الحديثه مهما تقدم فى الكرسى مش هتشوف بوز العربيه
ممكن بعد أذن عتاوله السواقه؟عاوز ارجع الكرسى ورا واسوق براحتى من غير م اشوق جناب العربيه ولا بوز العربيه ولا أخبط حد؟
انتو عارفين ان العربيات الحديثه مهما تقدم فى الكرسى مش هتشوف بوز العربيه
الموضوع طبعا محتاج تعود على ابعاد العربية في الاول وفي الاخر
الممارسة هى الحل
وتاعب نفسك قوي كده ليه ياراجل
متسوق وانت منيم الكرسي احسن!!!!!!!!!
بالنسبالي ده تصرف مستهتر وغير مدروس العواقب بالذات في مصر اللي السواقه فيها اصلا دفاع عن النفس!!!
تحياتي
لو حضرتك هتقدر تخللى بالك من الاتى و انت سايق ساعتها ممكن ترجع الكرسى و تغمض عينيك حتى :-
١- تخللى بالك من الطرق المكسره و المضلمه و البلاعات و المطبات و الحفر و النقر و إشارات المرور و الرادارات
٢- تخللى بالك من السيارات اللى حواليك و أمامك و خلفك و ممكن تقف فى اى وقت او تكسر عليك او حتى تقع عليك من فوق الكبارى و كذلك جميع وسائل المواصلات الاخرى زى العجله و الموتوسيكل و التوكتوك و الاتوبيس و النقل و الميكروباص و احيانا المترو و العربيات الكارو و الحيوانات البائسه اللى ممكن تلاقيها بتعدى فجأه من قدامك
٣- تخللى بالك من السائقين لوسائل المواصلات اللى حواليك و تكون متوقع منهم اى حاجه ممكن تتخيلها او لا تتخيلها حتى و مش بس السائقين طبعا لَا عندك كمان الناس اللى ماشيه على رجلها و بتكسر على العربيات او بتعبر الطريق دون ان تنظر بثقه جامده قوى مش عارف على اساس ايه و كمان عسكرى المرور اللى اذا كان موجود ما بيبقاش عايز يزعل حد و بالتالى ممكن يفتح الطريق فى الاتجاهين عادى ده غير كمان الحراميه و قطاع الطرق اللى لازم تبقى محرص منهم طول ما انت ماشى
٤- اى حاجه تانيه غير متوقعه زى واحد ماشى عكس الاتجاه مثلا او سواق نايم او عربيه عطلانه فى نصف الطريق او فى الحاره الشمال و مش مشغل انتظار او حاطط اى حاجه تبين ان العربيه عطلانه و لا بيتكلم فى الموبايل و مش باصص للطريق اصلا او حد بيقف فجأه او بيرجع بضهره على مطلع كوبرى
لو عرفت تخللى بالك من كل ده ابقى رجع الكرسى براحتك و اكيد ده طبعا من رابع المستحيلات لان مع المرور فى بلدنا مش هتقدر تغمض عينيك :)
الله يباركلكم
م أنا قولت كده بردو!!!
بس على فكره أنا بشوف كل الناس اللى سايقه العربيات الحديثه مرجعه الكرسى ورا ومبتشبش عشان تشوف بوز العربيه ولا جناب العربيه
يعنى حافظين أبعاد العربيه بالظبط
ممارسه
تعود ... وجرب وانتى قاعد فى العربيه بدون تحريكها .
هو فين الاستهتار وفين الصعوبة في كده
فيه إيه ياجماعة الموضوع بكل بساطة إنك عندك 4 ابعاد منهم 3 اللي هم الجنب وورا لو قعدت على الكنبة اللي ورا ولا خدت الدركسيون في حضنك مش هتشوفهم اللا بالمرايات
ظبط مراياتك وخلاص
قدام كده كده مش بتشوف آخر الكبوت بس بتبقى عارف إن فاضل فيه x cm مسافة معينة إنت متعود عليها
رجع الكرسي وقدر المسافة كويس قرب شوية عشان تتأكد من البعد وخلاص مرة مع مرة
مشوارين وهاتعرف تظبت قدام
وكده خلاص
(ويحسبون انهم يحسنون صنعا)....
عزيزي فيما يبدولي ان حضرتك مش مستوعب فكرة المرايات اصلا!!
اذا كانت المرايه وهيا مظبوطه فيها نقط عمياء ومبيبانش فيها حاجه وبتبقى العربية التانيه جنبك بالظبط
نقوم احنا ننام بقا في الكرسي ونقول هو ده ده الكلام مراياتنا ميه ميه!!!
ياسيدي لو حضرتك ميفرقش معاك عربيتك تتخبط وبعيد الشر يحصلك حاجه براحتك
لكن طالما انك ركبت العربية فللي حواليك حقوق عليك واهمها انك كسواق متستهينش بحياتهم وتعرضهم للخطر!!!
وعموما كل واحد يعمل اللي يريحه ويريح ضميره وربنا موجود
تحياتي
بلاش فلسفة الله يكرمك
الواحد لو شغل عقله شوية هيستريح ويعرف إن النقط العامية دي مش عشان قعدة السواق
اعرف إيه هي النقاط العامية الأول وإيه سببها وبعدين رد
نوم السواق أو لأ ميفرقش معاك في حاجة ولما تلاقي واحد نايم ابقى ابعد عنه
أنا هخاف على نفسي قبل مااخاف على غيري
ربنا موجود برحمته وستره قبل مايبقى موجود بانتقامه
ياريت تشوف مشكلتك إيه وتحاول تحلها قبل متضايق الناس بكلامك الهجومي الغير مبرر نهائيا
واحدة واحدة كدة عشان واضح ان في لبس في الموضوع وناس دخلت شمال في صاحب الموضوع مع انه عنده حق في كتير من كلامه وطلبه مشروع جدا
دلوقتى السواقة عمرها ماكانت مرتبطة برؤية الكبوت من عدمه ، تمام ؟ ، دى حاجة .. ، ودى حاجة بتيجى بالتعود وكل ما اكون مش شايف الكبوت اكتر كل ما اكون شايف الطريق اكتر !ّ مش العكس ! ، ولو كل واحد جرب واستحمل في الاول هيعرف ان ده الصح ، هى بالممارسة اولا واخيرا
الحاجة التانية ، اه غلط انام على الكرسى وارجعه اوى وابقى راسى مش باينة اساسا ، بس غط برضه الزق في البربريز ! ( زي سواقة الجداد وسواقة بعض السيدات !)
( كمثال اخر : غلط مثلا ابص على شاشة الكمبيوتر من على بعد 16 متر او اقعد تحت المكتب ! ، بس برضه غلط اقرب اوى لدرجة انى اكون تايه في الشاشة و شايف نصها او ربعها ومش شايفها على بعضها بصورة اجمالية ، زي واحد مثلا اول مرة يتعلم كمبيوتر تلاقيه سرحان في الشاشة ، لو طلعله notification ما ياخدش باله منه ! ، اللى بيركز في البربريز بس بيعمل كدة بالظبط ! لو حاجة ظهرتله في الطريق مش في الحتة اللى زانق نظره فيها مش بياخد باله منها )
الحاجة التالتة ، نظبط البعد المناسب للكرسى بحيث يرجع شوية عند القايم الوسطانى تقريبا او واره بحاحة بسيطة والضهر بزواية على الاقل 110 درجة ، وطبعا الطول بيفرق في موضوع بعد الكرسى بس الضهر من رأيي ما يقلش عن 110 الى 120 درجة ، 130 ، بس مش اكتر من كدة .. وهو ده اهم ما في الموضوع
بعد ما تظبط الكرسى هتكون يدوب شايف اخر التابلوه ومش شايف الكبوت ( في اغلب العربيات ) بس في نفس الوقت لازم تكون رجلك طايلة الدواسات ومتحكمة فيها بسهولة وايدك مش متشعلقة وهى ماسكة الدركسيون ( الحاجات دى بتفرق جدا في سفر المسافات الطويلة )
بعد ما نظبط الوضع ده :
زي ما قلنا مثال شاشة الكمبيوتر ، في العربية برضه هتشوف برؤية زي ما تكون بانوراما ، يعنى شايف الازاز اللى قدام كله ، وشايف جزء من الازاز اليمين والشمال ( الناس اللى بتقول نقط عمياء ) بدون ما تبص يمين او شمال كل شوية (الى حد ما )
ووضعية الراس غالبا هتشوف المرايات الجانبية ومراية الصالون بطريقة افضل
مش هتلاقى حد طالعلك من اليمين او من الشمال من غير ما تاخد بالك منه ! ، مستحيل تحصل لو اتعودت على القعدة دى
يعنى انت دلوقتى هتبقى ماشى على الطريق ومجال رؤيتك الجانبية افضل بكتير واي حد معدي جنبك او حاجة على جنب الطريق هتحس بيها وتتخايل بيها بسرعة ، من غير ما تشوف بالمراية الجانبية ده غير ان المراية اصلا بقت تجيب مدى اكبر وتقدر تظبطها بزاوية قايمة بالظبط ( تقلل النقط العمياء ) وعينك بقت طبيعى كأنها باصة ناحيتها على طول
رؤيتك للجوانب افضل بكتير جدا صدقنى ، بدل ما انت مركز على الكبوت والرفارف اللى قدام ، انت قاعد حاسس بالجنبين كلهم قدامك
يعنى في اي حتة ضيقة شايف نص العربية القدمانى الرفارف بالابواب والنص اللى ورا تجيبه بلمحة في المرايات ، فتقدر تعدى بين عربيتين مثلا مهما كانت المسافة ضيقة بمنتهى السهولة وبلمحة في المراية تقدر تعرف هتجيبك ولا لا، بالاعتماد على الرؤية الاجمالية والمرايات بدل ما تفضل تشب كل شوية وتبص على الكبوت والرفارف بس وما تقدرش تتابع المرايات في نفس الوقت ، وفي الاخر تلاقى العربية حكت من ورا ! عشان لفيت على الضيق اكتر من اللازم مثلا !
طبعا في الاول الموضوع بيتطلب حرص شديد ، ومفيش مانع في بعض الاماكن الضيقة جدا وخصوصا في الاول ، انك تقوم تبص على جنبك اليمين مثلا او تبص لقدام شوية لو بتاخد يوتيرن مثلا في حتة ضيقة ومش عارف هتجيبك ولا لا ، مفيش مانع ، بس بجد مش هتاخد وقت وهتتعود وكمان هتسوق اي عربية تانية ولاول مرة بنفس الطريقة ،( طالما اتعلمت قواعد يبقى هتعرف تطبقها على اي حاجة ، عكس ما تكون حافظ عربيتك وبس )
امثلة كدة وتلميحات سريعة بتساعد في الموضوع وخصوصا في الاول :
* وانت داخل حتة ضيقة مثلا ، حاول تقدر بالنظر من بعيد هتجيبك اصلا ولا لا وبتبقى سهلة جدا من بعيد قبل ما تقرب وتزنق نفسك، لو هتجيبك يبقى خليك في اللى انت تقدر تشوفه ، يعنى حاول تدخل وانت جايبها ناحية الجنب الشمال بالمللى ، وبما انك كنت مقدرها صح من بعيد ، وفي نفس الوقت لازق في الشمال ( اللى انت شايفه كويس اوى ) ، فاكيد مش هتخبط من اليمين ( لان فعلا صعب تظبط رؤية الجنب اليمين بالمللى من قدام وده من الاسباب اللى بتخلى الناس تلزق عشان تشوف الرفرف اليمين .. )
* وانت بتركن عمودى ، قبل ما تدخل تخيل العربية هتقف في مساحة قد ايه ومكان باب السواق هيبقى فين ، ساعتها تقدر تخش بقلب جامد من غير ما تشوف الرصيف ولا الكبوت وتقف قبل ما الاكصدام يلمس الرصيف ..،بمجرد ما تلاقى نفسك بقيت في المكان اللى انت تخيلت نفسك واقف فيه ..
دى شوية حاجات كدة ، بتسهل كتير على الواحد
الخلاصة:
رجع الكرسى عادى ، ما تخافش ، واحدة واحدة وبحرص شديد هتتعود وهتلاقى ده الصح والاسلم والايام هتثبتلك ، بس طبعا مش لدرجة انك تنيم الكرسى .
عايز تخلى الكرسى قدام وتشوف الكبوت عادى برضه ، ، بس اهم حاجة ماحدش يلززق في البربريز ويفضل باصص لللكبوت ومش شايف اي حاجة جنبه ولا قدامه وقاعد راسه في مستوى افقى بعيد عن المرايات وعمال يعوج راسه لورا وللجنب عشان يبص كل شوية وبعد ده كله يفتكر انه كدة بيركز و اللى بيعمل غير كدة هو اللى مستهتر !
اسف جدا جدا للاطالة ، تصبحوا على خير ::)
وكم من عائب قولا سليما وآفته من الفهم السقيم...اقتباس:
المشاركة الأصلية كتبت بواسطة mailo
انا ولا جبت سيرة في كلامي كله ان النقط العمياء عشان قعدة السواق!! نفسي اشوف ده جبته منين في كلامي...
انا مش هقولك شغل عقلك انا بس هقولك ياريت تقرا الكلام المكتوب الأول وبعدين ترد...
ثم ان الشخص اللي بينيم الكرسي مش هشوفه وانا جنبه عارف ليه ؟
عشان هو نفسه اللي بيبقى مفيم سوبر دارك ويبقى حاطط زينون بدون عدسات و و و الخ من مظهر الشخص المستهتر في نظري...
ورحمة ربنا وستره موجودة مع الاخذ بالأسباب ومحدش مبيذاكرش ويطلب من ربنا النجاح...
عارف مشكلتي ايه؟
اني اشوف ناس مثقفه تأخذها العزة بالاثم!! وزي مقال المثل اللي على راسه بطحا.... وصدقني مش هيتضايق من كلامي غير اللي كلامي مش ماشي على هواه!!
تحياتي....
في أجزاء من كلام حضرتك سليمة وفي أجزاء مش دقيقة....اقتباس:
المشاركة الأصلية كتبت بواسطة amrelsaqqa
من الناحية الصحية.. الظهر يتأذي عن الجلوس بزاوية اقل من 100 واكتر من 130 (في حالة ان الرقبه عغير مرتخيه وعامله زاوية مع الظهر)
فرضا السواق حط الكرسي 130 اذا لابد لرقبته ان تأخذ زاويه للامام لمعادلة الرؤية وهو الامر المرهق جدا والؤذي لفقزات الرقبه... ده من الناحية العلميه...
محدش بيقول الزق في الدركسيون
القاعده بتقول ان الواحد يمد ايده عالدركسيون بحيث لاتكون مشدوده ولا متنيه انما تكون مرتخي بانحناءه بسيطه.. وهذا الوضع لا يمكن تحقيقه بزاوية كرسي 130...
ثم ان الشئ المتحكم برؤيه الكبوت والرفاف من عدمه هو الارتفاع وليس البعد والقرب!! وعشان كده كراسي العربيات الممتوسطه والعاليه بيبقى فيها بكره او زرار لرفع وخفض الكرسي او القعده بتاعته..
السواق مهما كان متمرس للاسف في لمح البصر ممكن حد يطلع جنبه وميشوفهوش مهما كان وبالتالي لا يوجد قعده معينة تقلل من وجود النقط العمياء انما توجد وسائل أخرى مش مجالها دلوقتي...
وبالمناسبة موضوع قياس الملف والدخلات الضيقة ده مش دقيق ابدا وياما الواحد من بعيد يشوف مكان يركن فيه ولما ييجي يلاقيه ضيق!! انما افضل طريقة للتقدير هي التواجد الفعلي عن قرب...
تحياتي
وبالمناسبة موضوع ان السواق يتلفت ورا وهوا سايق دغري مشفتهاش غير في مصر وبالذات سواقين التكاسي اللي معنهمش مرايات وبيعتمد عالتلفت والاستماع وهو ما يعتبر مصيبه كبرى وليست تركيز!!
الطريقة دى فعلا تعتبر الاحسن و بتكشف كل حته فى العربيه و مع التعود بتبقى مش محتاج للمرايات عشان الاماكن الضيقه بتحفظ ابعاد عربيتك
بس زاويه الكرسى على 110:120 كفايه اكتر من كده هاتتعب فعلا الرقبه عشان تبقى شايف قدامك و اهم حاجة فى الموضوع طول السواق
فى ناس مبتطلش الدواسات الا و هيه مطلعه الكرسى قدام للاخر و تبقى طايله بالعافيه :) :shyy:
اما الناس الى بتبقى عامله الكراسى شيزلونج و ممدده فى العربيه دى ابعد عنهم :36_7_4[1]:
زمان كانوا بيقولوا الجلسة الصحيحة 90 درجة ـ وبعد سنين من الابحاث ثبت ان الصح 110
طبعا اكتر من 130 غلط ، وانا قلت بالكتير اوى 130 وده في حالة واحد طويل جدا والمكان بيبقى ضيق عليه او العربية اصلا ضيقة شوية
بالنسبة للبعد والقرب او الارتفاع ومستوى الضهر
بيفرق في رؤية الكبوت ، لان لما تكون مرجع الكرسى والضهر على الاخر اكيد هتكون بعيد ومستوى الراس منخفض ( كانك عدلت الارتفاع ) بحيث ما تشوفش الكبوت او تقلل الجزء الظاهر منه ، انما لما تقرب او تقلل زاوية الضهر هيبقى كانك باصص على الكبوت من فوق فطبعا هتشوف جزء كبير منه حسب نوع العربية
وانا كمان قلت ( في اغلب العربيات ) مش كل العربيات عشان في عربيات مهما عملت لازم كدة كدة هتشوف الكبوت وعربيات لو وقفت على راسك عمرك ما هتشوفه ( بيجو 307 وتويوتا كورولا شكل 2001-2007 مثلا )
انا عن نفسى لما ببقى قاعد شايف الدنيا كدة
http://www.allstephenmoyer.com/wp-co.../04/driver.jpg
او كدة
http://image1.masterfile.com/em_w/04...-04729980w.jpg
احسن بكتير من كدة
http://i.ytimg.com/vi/4HocOOtNbNE/0.jpg
او كدة مثلا
http://i3.ytimg.com/vi/PtCu34Tq94I/hqdefault.jpg
والقعدة نفسها بتفرق معايا في الموضوع ده وخصوصا مستوى الضهر ،
في اخر صورتين دول ببقى حاسس انى مش شايف اي حاجة ولو الكبوت طالع في الصورة بتبقى حاجة تيت ( عربية مثلا زي الفيرنا ، لما اركبها الاقى نفسى مش شايف قدامى غير كبوت ، ويبدأ يختفى شوية لما ارجع الكرسى ، وابدأ اشوف الدنيا بقى :D )
يمكن يكون الكلام ده بيحصل معايا انا بس ومش قاعدة عشان انا طويل 184 سم ( يعنى الناس العادية ممكن يكونوا بيشوفوا زي الصورة الاولى حتى لو مقدمين الكرسى وقافلين الضهر مثلا ) الله اعلم
من الاخر مش كل اللى مرجع الكرسى بيبقى تركيزه اقل او مش شايف حاجة
ومش كل اللى مقدمه يبقى هو الصح على طول او هو الغلط على طول
الصح هو الوضع المناسب للسواق حسب طوله وملاءمة العربية لجسمه وبالوضع اللى يخليه شايف الطريق بأفضل طريقة ممكنة
لما تحب تتفزلك وتكتب بيت شعر ابقى اكتبه صح الأول
وأنا قلتلك قبل كده مشكلة الفهم عندك إنت مش عندي
أنا واحد من الناس بريح الكرسي عشان ضهري يستريح وفنفس الوقت رقبتي متتعبش
إنت بقى عندك مشكلة أو منفسن من حد مركب زينون أو مفيم متجيش تطلعها علينا بقى
الناس قالولك 130 بالكتير بطل جدال بقى عالفاضي بقي
ياريت إنت تقرأ البيت اللي إنت كاتبه ده كويس وتحاول تفهمه و تحكم عقلك شوية قبل متخوش فالناس شمال بالغلط
كلامك ميه ميه
انت استاذ ماشاء الله عليك
بس عندى استفسار فى حاجتين هما:
يعنى في اي حتة ضيقة شايف نص العربية القدمانى الرفارف بالابواب والنص اللى ورا تجيبه بلمحة في المرايات ، فتقدر تعدى بين عربيتين مثلا مهما كانت المسافة ضيقة بمنتهى السهولة وبلمحة في المراية تقدر تعرف هتجيبك ولا لا، بالاعتماد على الرؤية الاجمالية والمرايات بدل ما تفضل تشب كل شوية وتبص على الكبوت والرفارف بس وما تقدرش تتابع المرايات في نفس الوقت ، وفي الاخر تلاقى العربية حكت من ورا ! عشان لفيت على الضيق اكتر من اللازم مثلا !
* وانت بتركن عمودى ، قبل ما تدخل تخيل العربية هتقف في مساحة قد ايه ومكان باب السواق هيبقى فين ، ساعتها تقدر تخش بقلب جامد من غير ما تشوف الرصيف ولا الكبوت وتقف قبل ما الاكصدام يلمس الرصيف ..،بمجرد ما تلاقى نفسك بقيت في المكان اللى انت تخيلت نفسك واقف فيه
معلش عاوز توضيح أكتر
ومشكووووررررررررر جدا
محدش قال ان حضرتك قلت كده!!
عزيزي انا بقولك البعد والقرب لا يؤثر ومجبتش سيرة الظهر اللي اكيد لما بينام زاوية الرؤيه بتقل!!
ثم ان كل الكلام اللي بتقول عليه في حالة حضرتك مش لاقيله تفسير بسبب
انا طولي 197 سم وركبت عربيات واسعه وضيقه جدا وعمري مقدرت انزل الكرسي لانه مبيبقاش مناسب
اه برجع الكرسي عالأخير عشان رجليا تبقى مفروده لكن مش بنيم الظهر اكتر من 110 وببقى كاشف المنظر اللي انت حاطه في اول صوره
بغض النظر يعني انت كل حاجه بررتها لقيت عكسها معايا انا شخصيا... وبغض النظر برضو كل واحد بينام عالجنب اللي يريحه لكن مفيش كتاب تعليم سواقه ولا اي دليل سواقه ولا مدرسة سواقه بتقول حط الكرسي زي محضرتكم عايزين!! واتحدى!!!!
وبجد خلاص كل واحد يعمل اللي يريحه انا مالي ياعم
هههههههههههههههههههههه
عزيزي انا يا سيدي عديم الفهم شاكر ليك انك خليتني اعرف اني مبفهمش يا اخي فعلا كتر ألف خيرك
وطبعا لاني مش فاهم مش هكمل الجدال العقيم الحاصل وطوبى لمن ترك الجدال وهو محق وانت بقى اعمل اللي يريحك جزاك الله خير ياسيدي انا مش عايز مصلحتك انما انا منفسن منك بقا ومتغاظ يا حرام وبغلي والزينون هموت واركبه بقا ومش هقولك عالفاميه اللي مستعد ابيع نفسي عشان يركب!!!
ههههههههههههههههه
والله عجب
ده اخر رد ليا في الموضوع
تحياتي للجميع
هههههههه الاختلاف في الرأي لا يفسد للود قضية
وده اللى انا عاوز اوصل له ان محدش قال لازم الكرسى يبقى في زاوية معينة ، انما في رينج بتتحرك فيه وعشان كدة اصلا الكرسى بيتغير وضعيته
بس اهم حاجة لا ننام اوى ولا نلزق اوى ، وبس
و110 زاوية كويسة
انا بتكلم في اللى بيخليه 90 مع تقديم الكرسى و في ناس كمان بتخليه 80 ! ، دول فعلا في خطر !
انا بقى للاسف لسة متعلم السواقة جديد زكمان الاصغب من كدا انى طويل شويتين فاما بركب العربية بحس انى مخنوق اوى ومش متحكم ف الدواسات حلو ورجلى متنية جامد فغصب عنى برجع الكرسى لورا خالص اخر حاجة فية ع فكرة العربية ام 11 بس انا اكتشفت ان دا فعلا احسن من القاعدة قدام مع انى لسة متعلم بس الحمد لله تحس انك متحكم جامد شايف الجوانب كويس ومرياتك متظبطة كاشف المنطقة كلها وقدامك بتتعامل معاه بهدوء انا كنت مفكرها حركة جامدة ترجيع الكرسى دا بس اما اتعلم وسوقت اكتشفت انى مش هعرف اسوق الا كدا وبجد فرق كبير لانى اول مرة مكنتش مرجعه كنت خايف وحاسس انى مش كاشف الطريق وكنت فعلا هخبط ف واحد جنبى لكن اما رجعتة كان جامد فنصيحتى لك جرب ترجعه وتظبط مرياتك الجانبية وكلة هيبقى تمام معاك
أنا من رأيك
علي فكرة تعود وبعد كده مش هتعرف تتطلع الكرسي تاني قدام
في وجهة نظري انك ترجع الكرسي لورا -- بس بطريقة معقوله شويه -- اامن كتير في حالة الحوادث لا قدر الله
وبتسوق العربيه بالتقدير وعن نفسي بكون متحكم اكتر
في العربيات اللى فيها ايرباج بيبقى فيه تحذير من خطورة انك تلزق في الدركسيون
:hlopaet_prv::w6266d