العربيه لفت 180درجه بس ربنا سترها
فى البدايه عربيتى موديل 2010 مشتريها فى 5-2010 وعامل بيها حوالى 26 ألف كيلو ومتابع صيانات دوريه فى التوكيل
المهم انا من اسبوع كنت مسافر مطروح بالعربيه كنت ماشى على سرعه 160تقريبا المهم سمعت صوت دادقه كده افتكرت ان الطريق متعرج انتوا عارفين الطرق بتاعتنا فجاه انت بتلاقى نفسك الطريق بيسفلتوه والارض زفت الكلام ده فى طريق وادى النطرون الساعه 9صباحا المهم روحت دوست فرامل خفيفه عشان اهدى بس للاسف الدقدقه دى طلعت مش بسبب ان الطريق متعرج لا طلع ان العجل اللى وراه شمال ضرب سلك واتقطع وللاسف بعد ما اديت فرامل العربيه عامت منى وهربت منى جريت شمال وانا كنت فى الحاره الشمال حاولت المها يمين هربت منى خالص وراحت لفه 180درجه وبقه وش العربيه للطريق القادم الحمد لله مكنش ورايه غير ميكروباص واول ما شاف كده راح داخل فى الرمل فى الناحيه الشمال من الطريق لان عربيتى وقفت فى الناحيه اليمين من الطريق ربنا ستر وحصل كملت بالاستبن للعالمين واشتريت عجل جديد من هناك وركبته بس انا الان مش مطمن لان فيه ناس قالولى مدام وحده عملت كده يبقى كله هيعمل زيها والعربيه لما بتشتريها جديده بيكونوا حاطين فيها عجل قديم من عندهم عشان يقللوا فى التكاليف وخاصه انها تقفيل مغربى مش فرنسى هيخافوا على اسمهم :_Alshmokh22[1]:
وناس قالولى لا عادى بتحصل وكمل بالعجل عادى
وناس قالولى غير العجله التانيه اللى قدام اضمن
عايز اعرف رايكم ايه اغير عجله كمان قدام ولا اغير التلاته الباقين ولا استنه لحد ما اكمل ال40 أو ال60 ألف؟؟؟ :shyy:
وانا عندى صيانه فى التوكيل يوم الخميس هل ممكن اطلب منهم حاجه هناك او يفيدونى فى حاجه؟؟؟