الموضوع: القول الفصل في مقابلة المنتدي لشهر اكتوبر براس سدر 5/10/2012

المشاركة الأصلية كتبت بواسطة cryptonx

الكلام ده كان في 2011 في شم النسيم تقريبا.
و اضطرينا ننزل السويس نجيب اكل بدل مناكل في المطعم الي عامل زي المراكب (خشب ابيض غريب الشكل) .

عموما هو اي مكان في شم النسيم بيكون زحمه ودون المستوي
فيا ريت لو حد راحه وشافه قريب او في ايام عاديه يقولنا ان كان ده مستواه في جميع الاوقات

كلمت كريم كريبتون وعرفت انه كان هناك في عيد الاضحي وطبعا عارفين الناس في العيد بتبقي عايزة ازاي خاصة لو كان في حجوزات شركات
رجعت كلمت استاذ محمد عبد الجليل اللي نظم الموضوع مع مدير الفندق
هو كان بنفسه هناك اطمن على كل التفاصيل واصر ياكل من الاكل اللي هانكل منه وحدد بنفسه الكميات للشيف
وصاهم على نضافة حمامات السباحة
كريم واضح انه كانت اول مرة ليه في راس سدر

راس سدر يا جماعة للي مايعرفش الشواطيئ بتاعتها بتكون حجرية صخرية عشان كدة استاذ محمد نبه على وجود احذية نزول البحر لان الشواطيئ هناك مش رملية زي اسكندرية والسخنة
كمان بيكون فيها ظاهرة المد والجزر وطبعا كلنا خدناها زمان في اعدادي فتلاقي الصبح البحر بقي شاطيئ كيلو وبليل المية وصلت لحد عندك دي ظاهرة طبيعية ولما كنت بروح راس سدر والسخنة كنت بشوفها كتير :-)

انا مشترك في نادي المقاولين اكثر نوادي مصر صرامة في التعامل مع الاعضاء
في الاعياد بيفقدو السيطرة فعلا وده المتوقع انه حصل وانت هناك

ان شاء الله يكون يوم كويس زي ما وعدنا استاذ محمد على مسئوليتة