القول الفصل في مقابلة المنتدي لشهر اكتوبر براس سدر 5/10/2012

اخوتي واخواتي اعضاء منتدانا الكريم بتاع كريم واسرهم الكريمه بتاعتهم هما
تم عمل استطلاع منذ عده ايام
ايه الي بكتبه ده
لغه عربيه وبتاع
فككم من الي فات
بص اساحبي منك ليه ليها ليهم لهم
عملنا اسطتلاع ديمقراطي شفاف ولا الفي كول في زمنه
المهم استقر الاستطلاع علي اننا حنروح قريه ولا فندق ولا معرفش ايه كده في راس سدر
هي حاجه 5 نجوم عموما يعني
استنوا حجيب اسمها كوبي علشان مش حعرف اكتبه لوحدي
اهيه
sina way lagoon

هي دي الي حنروحها
ودا اخر كلام وتظبيط لاخونا كريم منير
وللسيد الغالي محمد عبد الجليل اللي تعب معانا في انه يجيب عرض كويس للمنتدي من الفندق

اقتباس:

---

المشاركة الأصلية كتبت بواسطة Karim_Monir

الكلام النهائي ومعلش فيه تغييرات بسيطة لاننا فهمنا غلط
المقابلة هاتكون في راس سدر عشان الاستطلاع قال كدة
يوم 5/10/2012 يوم جمعة باذن الله
الفرد اوبن بوفيه ب 120 لكن 100 سيت مينيو والتفاصيل هاتكون في رد استاذ محمد بعدي لاحقا
قررنا نحجز اوبن بوفيه عشان نضرب براحتنا واللي شاف اكل جراند بيراميدز في عيد ميلاد المنتدي السابق عرف اننا اتغابينا (انا مش معاهم) :-)
اللي هايبات وده لازم يتحدد مسبقا اول مايدخل الاوتيل الصبح
الغرفة دبل بالفطار وخروج متاخر ب 400 جنيه
يعني لو خدت فردين في الداي يوز يكلفوك 240 جنيه
تدفع 160 جنيه للفردين وتاخد بيهم غرفة من اول اليوم وبيات وفطار تاني يوم وخروج متاخر

وبليل لو عايز تتعشي في اسعار ممتاز بتخفيض خاص للاعضاء للعشا
شكر خاص لاستاذ محمد عبد الجليل في مجهودة الكبير لاتمام الموضوع بالشكل الائق

بخصوص ترتيب التجمع هاترك امرها لمهندس سمير الشهاوي لان ليه قدر عليى تحديد الطرق والمسافات واماكن التجمع على الطريق افضل مني وفعلا يا ريت يكون من بدري عشان ندخل بدري ونستمتع باليوم اكتر
رقم الحساب اللي تقدر تعمل بيه ايداع في البنك الاهلي سوستية جنرال من اي فرع
736-10029904283-96
كريم سراج منير
البنك الاهلي سوستية
----------------------------------------------------------

تفاصيل رسالة استاذ محمد لي :

معلومات عن عرض راس سدر
1/ الموقع
sina way lagoon
2/قضاء يوم من الساعه الثامنه الى السادسه شامل وجبه الغذاء بدون مياه او مشروبات الفرد سيت منيو 100
الست منيو سلطه / خضار / ارز / عيش / مشويات جريل و ليس فحم 1/2 فرخه 450 جرام متوسط و 2 صباع كفته و 2 قطعه كبده بالاضافه الى الحلو الشرقى او وجبه فاهيتا فراخ او فاهيتا لحوم او شاورما فراخ او لحوم او كبده اسكنندرانى او فيليه اسماك و كاليمارى مع ماسبق من ارز و سلطه و حلو
الاوبن بوفيه 3 صنف لحوم - فراخ - سمك - ستيك - و ارز و شوربه و سلطات و خضار و مكرونه و حلويات شرقيه و جيلى ....الخ
الفرد 120 جم الزياده اللى هيا 20 دى حاجات انا زودتها بالبوفيه بعد مشاركات الزملاء و اتطمن البوفيه معقول جدا و كويس

المشروبات الساخنه من شاى و قهوه و نسكافية 6 جم 8
المياه المعدنيه الزجاجه الكبيره ب 6 بدل 8.5 جم

اسعار الساندويتشات مع البوم فريت و المخلالات
تونه فاهيتا - شاورما بنوعيها - بانيه فراخ - كفته مشويه جريل من 16 14 الى 18
المقبلات و السمبوسك و ورق العنب و الكبده اللبنانى .....الخ ب من 8 الى 12
السباجيتى بانواعه من 18 الى 25 حسب الصوص و اللحوه او السى فود
البيتزا بانواعها من 16 الى 20 تقريبا
الاطباق الرئيسيه من 19 الى 30 بعد الخصم
المميزات
كل 25 فرد غرفه مجاما للراحه و الاستحمام و تغيير الملابس او السلطحه
شريط سينما - فيلم حديث- حديث على حمام السباحه من 6 المغرب - و دى ميزه علشان كنا هنغادر الساعه 6 - الى الساعه 8 مساء مجانا
الساونا و الجاكوزى و الالعاب باسعار معتدله جدا جدا و مفاجاه

سيتم منح الزملاء بالمنتدى - نايل موتورز - خصم خاص جدا كالتالى
1/ الغرفه المزدوجه 1/2 اقامه 400 جم لليله بدل 550 جم
2/ اللى هيبيت و يفطر تانى يوم هيدفع 80 جم الفرق بين 200 اللى هو السعر بعد الخصم معاه افطار تانى يوم و مغادره متاخره
يعنى الغرفه 400 يبقى الفرد 200 و لو حاجز داى يوز باوبن بوفيه ب 120 جم المتبقى للبيات و الافطار و المغادره المتاخره 80 جم:satelite:يا حيلاوه
ممكن برضه ناخذ قاعه الاجتماعات برسم بسيط او قاعه الشاى لو عاوز تعمل حاجه برايفيت و تجهيزات
3/ خصم طوال السنه على الاسعار العاديع بشرط وجود ملصق او كارنيه يحمل شعار المنتدى بشرط الحجز مسبقا.
ارجو يكون الموضوع مناسب
تحياتي
محمد عبد الجليل

---

ودي خريطه لراس سدر الي مهندس سمير الشهاوي عملها

اقتباس:

---

المشاركة الأصلية كتبت بواسطة SE_coralsea

من الاسكندرية عبر الطريق الدولي الساحلي الي بورسعيد ثم الي الاسماعيلية و منها امامك خيارين :
- الأول : تكمل علي السويس و منها الي النفق ثم الي رأس سدر
- الثاني : تأخد الكوبري من القنطرة شرق أو معدية الفردان الي الضفة الشرقية من القناة و تكمل بعد كده في الطريق المتجه جنوبا الي شرم حيث تمر علي رأس سدر

دي خريطة بتبين موقع رأس سدر و موقعها من شبكة الطرق بشبه جزيرة سيناء

http://www.al-7up.com/vb/imgcache/2/6683love.jpg


خريطة توضيحية للطريق من الاسكندرية الي راس سدر بأستخدام الطريقين :
- الأسكندرية / القاهرة / السويس
- الدولي الساحلي
http://travel-end.com/egp00.jpg

برضه هاتلاحظوا في الخريطة الثانية أن المسافة من القاهرة الي السويس تقريبا نفس المسافة من القاهرة للاسماعيلية
الشئ اللي بيؤكد أن الفرق مابين رأس سدر و فايد من القاهرة يادوب عبور النفق

---

======================================
بدون اي احراج بقي
تاكيد الحجز حيكون بتحويل مالي لحساب كريم منير
وابلاغه عن طريق الميل الموجود في توقيعه

Karim.Serag@GMail.com



-----------
تعديل بتاريخ 19-9 بواسطة كريم منير

رسالة استاذ محمد عبد الجليل بعدما راح امس للاوتيل يظبطلكم كل حاجة
----------------------------

ما تم الاتفاق عليه بالنسبع للبوفيه
1/ سلطات متنوعه
2/ارز
3/ مكرونه بصوص احمر
4/ سمك فيليه صوص ابيض بالمشروم - تحفه
5/ ستيك تريبيانكو مشوى جريل / فراخ اجزاء مشويه على الجريل
6/ شوربه لسان
7/ خضار سوتيه
8 عيش فريش
9 حلو متنوع شرقى و غربى
10/طواجن شرقى او بطاطس صوانى
وان شاء الله الاكل يعجبكم.و تقضوا يوم سعيد .

و طبعا نبعت العدد الاجمالى يوم 1/10/2012 و كمان الفلوس .
تحياتى...
متنساش تنوه عن حذاء البحر- الكريمات - الكابات - البطاريات للكاميرات - الشواحن لاب و تليفون - شماسات السيارات- اكراميه العاملين.اتفاق الخصم لاعضاء المنتدى بالتعاون مع الاداره هناك اذا حبيت..

نيهههههههههه
منك لله يا شيخ
هو انا جايب اساحبي يبقي منسق اجتماعي :-)

اقتباس:

---

المشاركة الأصلية كتبت بواسطة Karim_Monir

نيهههههههههه
منك لله يا شيخ
هو انا جايب اساحبي يبقي منسق اجتماعي :-)

---

بتقول حاجه اكيمو؟ http://2.bp.blogspot.com/-k9IkGqRdl3...17443595_n.jpg

علم و جاري التأكيد أساحبي :))))))))))))))))

احم احم

كنت معدى وقولت اسلم

بجد كنت اتمنى اكن على ارض الغاليه مصر عشان اكون اول الحاضرين


تتعوض ان شاء الله

سلامي للجميع

انا عن نفسي بأكد حضوري ان شاء الله
هعدي عليك الفلوس يا كريم ان شاء الله أساحبي :d

الله ينور عليكم أأصدئائي
عاوزين الناس تظبط بقي والعدد يزيد

شكرا يابرنز

توضيح معلش


لو انا عايز احجز غرفه 2 فرد ادفع كدا 400 جنيه شامله الغداء يوم 5/10/2012 والمغادره هتكون يوم السبت عصرا مثلا 6/6/2012 صح كدا ولا انا غلطان ولو فى اى توضيح اكون شاكر جداااااااااااااااااااا

ثانيا :- الطريق هيكون اذاى من مدينه 6 اكتوبر ..... وتقريبا هيكون كام ساعه

اقتباس:

---

المشاركة الأصلية كتبت بواسطة احمد المصرى

توضيح معلش


لو انا عايز احجز غرفه 2 فرد ادفع كدا 400 جنيه شامله الغداء يوم 5/10/2012 والمغادره هتكون يوم السبت عصرا مثلا 6/6/2012 صح كدا ولا انا غلطان ولو فى اى توضيح اكون شاكر جداااااااااااااااااااا

---

ايوة 400 شامل الداي يوز والغدا معانا وتفطر تاني يوم وتغادر الغرفة الساعة 12 لكن تغادر الاوتيل الساعة 3

اقتباس:

---

المشاركة الأصلية كتبت بواسطة karim_monir

ايوة 400 شامل الداي يوز والغدا معانا وتفطر تاني يوم وتغادر الغرفة الساعة 12 لكن تغادر الاوتيل الساعة 3

---

الف مليون شكر يا باشا .... معلش توضيح اخير ال 400 شامل 2 فرد يعنى انا وزوجتى صح كدا ولا انا فهمت غلط


اصلى عندى شويه مشاكل مع المدام وعايز اخرجها واهم من دا انى عايز اتعرف عليكم لانى بجد عايز اتعرف على الناس المحترمه ال بتعامل معاها هنا من غير ما اشوفهم خالص

تم التاكيد يا باشا والفلوس سلمتها لاحمد مصطفى (منسق قسم نيسان ) 400 جنيه للمبيت انا والمدام ان شاء الله

اقتباس:

---

المشاركة الأصلية كتبت بواسطة احمد المصرى

توضيح معلش


لو انا عايز احجز غرفه 2 فرد ادفع كدا 400 جنيه شامله الغداء يوم 5/10/2012 والمغادره هتكون يوم السبت عصرا مثلا 6/6/2012 صح كدا ولا انا غلطان ولو فى اى توضيح اكون شاكر جداااااااااااااااااااا

ثانيا :- الطريق هيكون اذاى من مدينه 6 اكتوبر ..... وتقريبا هيكون كام ساعه

---

مستحيل
تغادر فى الميعاد اللى كاتبه
ههههههههههههههه

اقتباس:

---

المشاركة الأصلية كتبت بواسطة a.saad

مستحيل
تغادر فى الميعاد اللى كاتبه
ههههههههههههههه

---

علشان كدا بسال من باب التوضيح علشان محرجش نفسى ولا احرج حد معايا وعلشان اكون عارف ورايح على نور ودا شى طبيعى جداااااااااااااااااااا

اقتباس:

---

المشاركة الأصلية كتبت بواسطة احمد المصرى

علشان كدا بسال من باب التوضيح علشان محرجش نفسى ولا احرج حد معايا وعلشان اكون عارف ورايح على نور ودا شى طبيعى جداااااااااااااااااااا

---

يا احمد
انا بهرج
انت كاتب المغادرة 6/6
يعنى شهر يونيو اللى فات

اقتباس:

---

المشاركة الأصلية كتبت بواسطة a.saad

يا احمد
انا بهرج
انت كاتب المغادرة 6/6
يعنى شهر يونيو اللى فات

---

انا فاكرك بتتكلم على بعد العصر يعنى هيكون متاخر والمفروض امشى على الظهر مثلا هههههههههههههههههههههه معلش يا باشا نعمل ايه بس مشاكل الشغل والحياه بتخلى الواحد نايم انا اقصد 6 اكتوبر


معلش عندى انا الخطا دا يا باشا

ايوة انت والمدام 400 جنيه شامل غداء يوم الجمعة وفطار يوم السبت
العشاء عليك انت
مغادرة الغرفة 12 ظهرا يوم 6 اكتوبر عشان ما تتحسبش يوم تاني على السيستم
لكن مغادة الاوتيل 3 عصرا لو حبيت

انا بأكد حضوري .. وليا اقتراح مهم جداَ
انا متواجد ف العبور واقترح التجمع فى كارفور العبور ونشوف عدد العربيات وعدد الناس ونجمع نفسنا فى اقل عدد
عربيات .. بعد كدة يأما العربيات تتركن عندي فى البيت " مكان امان " يأما فى كارفور " فية حراسة وامن فى جراج كارفور"
ومفيش داعي ننتظر عند بوابة الشروق لان مفيش مكان امن هناك نسيب فية العربيات " فية ناس مش هتقدر تسوق مسافات طويلة " هاة اية رأيكم ؟؟

دى شوية صور للفندق

https://fbcdn-sphotos-g-a.akamaihd.n...03020793_n.jpg


https://fbcdn-sphotos-g-a.akamaihd.n...2_559963_n.jpg


https://fbcdn-sphotos-d-a.akamaihd.n..._4477625_n.jpg



https://fbcdn-sphotos-g-a.akamaihd.n..._6365290_n.jpg




https://fbcdn-sphotos-f-a.akamaihd.n...48441796_n.jpg


https://fbcdn-sphotos-a-a.akamaihd.n...91900244_n.jpg



https://fbcdn-sphotos-a-a.akamaihd.n..._4744298_n.jpg



https://fbcdn-sphotos-c-a.akamaihd.n..._2107447_n.jpg


https://fbcdn-sphotos-d-a.akamaihd.n..._6050557_n.jpg


https://fbcdn-sphotos-e-a.akamaihd.n...42435733_n.jpg

عاوزين نعرف ايه طرق الترفيه داخل الفندق؟؟
لو في ملاهي مائيه-عروض ...والاسعار لنايل موتورز؟
شكرا مقدما

كريم انا ان شاء الله جاي و بأكد حضور انا و واحد صحبي كمان يعني اتنين فرد
بس الفكره اني احتمال احجز يوم لاني هابات يومين تلاته فاليسه مش عارف ايه النظام
بس فهاعرف و اقولك و أعدي عليك الفلوس علطول

ان شاء الله بنسبة كبيرة معاكوا ان شاء الله اظبط ظروفي بامر الله

اقتباس:

---

المشاركة الأصلية كتبت بواسطة hellboy

عاوزين نعرف ايه طرق الترفيه داخل الفندق؟؟
لو في ملاهي مائيه-عروض ...والاسعار لنايل موتورز؟
شكرا مقدما

---

دي وسائل الترفيه من موقع الفندق علي النت

اقتباس:

---

مسرح روماني للحفلات

ديسكو بار

سينما صيفي

بلاي ستيشن وشطرنج و wii

جيم وكمال أجسام

صالات بلياردو وبينج بونج

بيبي فووت وركن لألعاب الأطفال

شاطيء خاص للفندق

برنامج ترفيهي يومي

مارينا 250م مضيئه لليخوت والصيد

حمامات سباحة متعددة و3 للأطفال

ألعاب مائية وشاطئية
طرق خاصة للدراجات

مركزرياضات بحرية وغطس

مسرح عرائس وأفلام أطفال

---

والعرض اللي أ/محمد عبد الجليل جابهولنا ان فيه خصومات لنايل موتورز علي كل الخدمات بس معرفش الخصم حيكون ايه
المهم يكون البار عندهم كويس بس هههههههههه

بالتوفيق وان شاء الله تقضوا يوم سعيد وتروحوا وترجعوا بالسلامة في حفظ الله

اقتباس:

---

المشاركة الأصلية كتبت بواسطة shnory

دي وسائل الترفيه من موقع الفندق علي النت



والعرض اللي أ/محمد عبد الجليل جابهولنا ان فيه خصومات لنايل موتورز علي كل الخدمات بس معرفش الخصم حيكون ايه
المهم يكون البار عندهم كويس بس هههههههههه

---

السلام عليكم
ازيك يا استاذ شنورى
ان شاء الله الزملاء كلهم يتبسطوا فى المقابله دى و المكان يعجبكوا
و باذن الله اسعار الخدمات عليها خصم جامد وعدى بيه المالك و مدير الفندق - بس لسه متحددش - حسب العدد النهائى باذن الله.
تحياتى للجميع ...

اقتباس:

---

المشاركة الأصلية كتبت بواسطة gelgel2004

السلام عليكم
ازيك يا استاذ شنورى
ان شاء الله الزملاء كلهم يتبسطوا فى المقابله دى و المكان يعجبكوا
و باذن الله اسعار الخدمات عليها خصم جامد وعدى بيه المالك و مدير الفندق - بس لسه متحددش - حسب العدد النهائى باذن الله.
تحياتى للجميع ...

---

والله يا باشا مش عارفين نشكرك علي ايه ولا ايه
من الواجبات والحاجات اللي بتعملها معانا
ربنا يكرمك ويقدرنا نسدد جزء من واجباتك علينا

محدش من اسكندرية ناوى يروح

اقتباس:

---

المشاركة الأصلية كتبت بواسطة shnory

والله يا باشا مش عارفين نشكرك علي ايه ولا ايه
من الواجبات والحاجات اللي بتعملها معانا
ربنا يكرمك ويقدرنا نسدد جزء من واجباتك علينا

---

العفو يا باشا
انا تحت امر اعضاء المنتدى الكرام .

طيب لو هاقعد يومين زيادة هيبقى السعر 400 برضه ولا هيبقى كام اكيد هيزيد لان الخصم على اول يوم

وبعدين الفندق ده قريب من المدينة للخروج ولا كل الوقت هيبقى داخل الفندق

اقتباس:

---

المشاركة الأصلية كتبت بواسطة karkor30

طيب لو هاقعد يومين زيادة هيبقى السعر 400 برضه ولا هيبقى كام اكيد هيزيد لان الخصم على اول يوم

وبعدين الفندق ده قريب من المدينة للخروج ولا كل الوقت هيبقى داخل الفندق

---

السلام عليكم
ان شاء الله السعر ثابت عند 400 نصف اقامة لاعضاء المنتدى الكرام.- كام يوم بعد المقابله
وان شاء الله اداره الفندق ترتب خصم للاعضاء مع اداره منتدانا .
المسافه بين الفندق و المدينه كام كيلو للى عاوز ينزل راس سدر.
و انصح الزملاء بالمرور على النقاط الحصينه و مشاهده مدافع ابو جاموس - عند العوده
تحياتى...

السلام عليكم و رحمة الله و بركاته
ياريت لو في رقم حساب بنك اهلي او .cib او بريد مصري
لان ده اللي متاح عندي

اقتباس:

---

المشاركة الأصلية كتبت بواسطة gelgel2004

السلام عليكم
ان شاء الله السعر ثابت عند 400 نصف اقامة لاعضاء المنتدى الكرام.- كام يوم بعد المقابله
وان شاء الله اداره الفندق ترتب خصم للاعضاء مع اداره منتدانا .
المسافه بين الفندق و المدينه كام كيلو للى عاوز ينزل راس سدر.
و انصح الزملاء بالمرور على النقاط الحصينه و مشاهده مدافع ابو جاموس - عند العوده
تحياتى...

---

تعبناك معانا ياباشا ربنا يكرمك
بالنسبه لعيون موسي قريبه ولا بعيده؟؟

اقتباس:

---

المشاركة الأصلية كتبت بواسطة hellboy

تعبناك معانا ياباشا ربنا يكرمك
بالنسبه لعيون موسي قريبه ولا بعيده؟؟

---

العفو مفيش اى تعب
المهم نتقابل كلنا و نستمتع بالمقابله ان شاء الله.
عيون موسى 1/3 ساعه بالعربيه
بس محتاجه عربيه عاليه شويه علشان الطريق و ممكن كمان تروح حمام فرعون بس ده عاوز جيب علشان الطرق موش ممهده كويس - بس تستاهل :Ta_clap[1]:الزياره.
تحياتى...

العرض هايل والمكان تحفه ... ان شاء الله هاظبط ظروف عندي كدة واعلن تأكيدي للحضور

شكراً جزيلاً

علم و جاري التأكيد أساحبي :)))))))))))))))

هو ليه دخول الموضوع اجباري ؟؟؟؟؟؟؟؟

مايتعمل علي الاجتماعي والناس المهتمة او اللي ظروفها تسمح تدخل براحتها.

اقتباس:

---

المشاركة الأصلية كتبت بواسطة eng.m mahran

محدش من اسكندرية ناوى يروح

---

والله انا نفسى بس المشكله ان مش عارف مصير القبض ايه

ايه يا شنورى ناوى ولا ايه ؟

اقتباس:

---

المشاركة الأصلية كتبت بواسطة haysam2000

والله انا نفسى بس المشكله ان مش عارف مصير القبض ايه

ايه يا شنورى ناوى ولا ايه ؟

---

يا راجل
انت لسه عايش يا واد ؟؟
ليك واحشه كبيره والله
فينك وفين اراضيك
انا باذن الله طالع بس معايا ناس في العربيه
ظبط مع مصطفي ونطلع ورا بعض