فى حد عدل فى الكاسيت او السماعات صنى 2013

**GRADER** · 18-09-2012 09:41 AM

يا جماعة انا مش فاهم حاجة!!
يعنى لما هنخرم فى الصاج الخلفى يبقى ليه نحط خشب وموكيت وفووم؟؟؟؟
قصدى ماهو كده هنسقط السماعات فى الفراغ الى اتخرم ونربط المسامير وخلاص!!
الموضوع عايز شرح يا جماعة

**GRADER** · 18-09-2012 09:54 AM

فى حل تانى انك تغيرالسماعات الخلفية الى فى الابواب بسماعات أعلى وات بس تكون نفس المقاس
وبكده نبقى علينا الصوت من غير ما نكسر ولا نخرم ولا نطلع حاجة من الضمان
خصوصا ان فى سماعات بتركب فى الابواب وبتطلع صوت و بيز أحسن كمان من السماعات الى بتركب فى الرف الخلفى وده انا شوفته فى عربيات كتير زى الأوكتافيا مثلا نازله أصلا بسماعات فى الابواب الخلفية صوتها أكتر من رائع

أعتقد ان ده أنسب حل

**wella3330** · 18-09-2012 09:56 AM

المشاركة الأصلية كتبت بواسطة grader

يا جماعة انا مش فاهم حاجة!!
يعنى لما هنخرم فى الصاج الخلفى يبقى ليه نحط خشب وموكيت وفووم؟؟؟؟
قصدى ماهو كده هنسقط السماعات فى الفراغ الى اتخرم ونربط المسامير وخلاص!!
الموضوع عايز شرح يا جماعة

الكلام ده سهل لو كان الصاح مسطح او مستوي واحد لكن كونه غير كده فا محتاجين رأي متخصص.

تحياتي

**eng_pet_zama8** · 18-09-2012 10:03 AM

المشاركة الأصلية كتبت بواسطة grader

فى حل تانى انك تغيرالسماعات الخلفية الى فى الابواب بسماعات أعلى وات بس تكون نفس المقاس
وبكده نبقى علينا الصوت من غير ما نكسر ولا نخرم ولا نطلع حاجة من الضمان
خصوصا ان فى سماعات بتركب فى الابواب وبتطلع صوت و بيز أحسن كمان من السماعات الى بتركب فى الرف الخلفى وده انا شوفته فى عربيات كتير زى الأوكتافيا مثلا نازله أصلا بسماعات فى الابواب الخلفية صوتها أكتر من رائع

أعتقد ان ده أنسب حل

اه الموضوع ده هيبقي احسن بكتير بدل منخرم في الرف ونعمل القصص دي----بس هستأزنك لو تعرف احسن نوع ايه وبكام تبقي شاكر جدا......لأن الصوت فعلا مش قوي

**GRADER** · 18-09-2012 10:12 AM

المشاركة الأصلية كتبت بواسطة eng_pet_zama8

اه الموضوع ده هيبقي احسن بكتير بدل منخرم في الرف ونعمل القصص دي----بس هستأزنك لو تعرف احسن نوع ايه وبكام تبقي شاكر جدا......لأن الصوت فعلا مش قوي

ان شاء الله لما اركبهم هعمل تقرير مصور و أذكر فيه السعر والماركات الكويسة كمان

**szaalouk** · 18-09-2012 11:36 AM

بصوا يا شباب
طبعا انك تركب سماعات في الأبواب نوعهم انظف و وات اعلي
ده هو الحل السهل اللي يديك صوت جيد جدا ( اكرر جيد جدا ) لكن اني اركب رف خشب MDF فوق الرف الصاج بتاع الفابركيه ( و اشيل الرف الفبر الأصلي بتاع العربيه علشان الأخ اللي كان بيسأل )
ده بيخللي الرف مسطح و لو مش عاوز تقطع في الصاج تخللي الخشب بوصه كامله مش نصف بوصه
ميزه السماعه اللارجر الكينوود اللي ذكرتها في الأول أولا هي 7 * 10 مش 6 * 9 زي باقي الماركات
فالمقاس ده بيدها راق اكبر و بالتالي تضرب باص احلي و بتستجيب لأقل باور من الكاسيت يعني مش محتاجه جي ام ( للي عاوز يلم الميزانيه مبدئيا ).
ثانيا السماعه دي فيها Mid Range كبير شويه و بالتالي صوت ال Vocal بيقي واضح و نقي جدا
و ده يهمني انا شخصيا يعني احب الصوت يبقي مزبوط مش باص عالي و خلاص
و طبعا فيها Tweeter اكثر من رائع لدرجه ان انا حاليا زابطه علي 0 و انا عندي لحد 6 في النغمات الهاي .
انا عارف ان ناس كتير مش بتحب تقطع في الصاج و تحس ان الصنايعي بيقطع فيك شخصيا مش في العربيه لكن في النهايه النتيجه اكثر من رائعه .

تحياتي .