الموضوع: نيسان صنى ex 2008

مساء الفل عليكم جميعاَ........
انا الحمدالله ربنا وفقنى انهارده فى نيسان صنى ex 2008 ودى اول عربية امتلكها.
العربية جميلة جدا جدا جدا بس فى حاجات عاوزه تتظبط فيها بس انا لسة بدرس العربية ........ المهم انا فى زرار لاقيتة جنب كورسى السائق بس مش عارف ده اية وكمان اللى لاحظتة ان مافيش اى سلك متوصل للزرار ده ياريت لو حد يعرف ده اية يقولى.

الحاجة التانية انها للاسف وانا بخلص فيها واحد ريح على العربية كسر الفانوس الخلفى شمال :( فاكنت حابب اعرف هو يعمل كام.

ثالثاَ فى زرار فى الفيتس انا مش عارف ده اية او اية فايدتة ؟؟؟؟؟

رابعاَ الزجاج الخلفى بيفتح من الزراير اللى فى باب السائق لكن مش بيرضى يقفل لازم ارجع اقفلة من الزرار اللى فى الباب الخلفى نفسة.........

خامساَ العربية اوتومتك و وانا ماشى بيها بحس بالنقلات العربية غير اللانسر ماتحسش بى ده خالص فاهل ده طبيعى ولا فى حاجة فى العربية ؟؟؟؟؟

شكراَ وفى انتظار الرد وارائكم

المشاركة الأصلية كتبت بواسطة محمد ابراهيم 1

الف مبروك ربنا يديك خيرها وتستخدمها فى الخير دايما إن شاء الله
.. المهم انا فى زرار لاقيتة جنب كورسى السائق بس مش عارف ده اية وكمان اللى لاحظتة ان مافيش اى سلك متوصل للزرار ده ياريت لو حد يعرف ده اية يقولى. أنا مش عارف إنت قصدك على ايه وهل هو على اليمين ولا الشمال ولا راكب فى الكرسى نفسة

الحاجة التانية انها للاسف وانا بخلص فيها واحد ريح على العربية كسر الفانوس الخلفى شمال :( فاكنت حابب اعرف هو يعمل كام.
الفانونس يعمل حوالى 200 جنية ديبو تايوانى

ثالثاَ فى زرار فى الفيتس انا مش عارف ده اية او اية فايدتة ؟؟؟؟؟
الزرار ده بيلغى الرابع ويخلى العربية تنقل بين النقلات التلاتة الأول فانت خليه دايما للداخل واللمبة بتاعته اللى فى التابلوه مطفية وممكن تشغله لو حبيت تسقط نقله لو عايز تسارع وانت بتعدى عربية نقل مثلا لكن خد بالك إنه بيزود استهلاك البنزين
رابعاَ الزجاج الخلفى بيفتح من الزراير اللى فى باب السائق لكن مش بيرضى يقفل لازم ارجع اقفلة من الزرار اللى فى الباب الخلفى نفسة.........
كده فيه مشكلة فى المجموعة اللى فى الباب - شوف كهربائى يكشف لك لعى المجموعة وإن شاء الله بسيطة
خامساَ العربية اوتومتك و وانا ماشى بيها بحس بالنقلات العربية غير اللانسر ماتحسش بى ده خالص فاهل ده طبيعى ولا فى حاجة فى العربية ؟؟؟؟؟
النقلات طبيعية وبتحس بيها عادى وكده مفيش مشكلة

يا باشا واللهى الف شكر بجد.

بالنسبة لموضوع الزرار ده موجود على الشمال بين الكورسى و الباب او العتب فى الارض

حاجة جديدة خنقانى ومش عارف اعمل اية فى الحوار ده :( :( :( :(

العربيو واطية قوى قوى على الارض لدرجة ان اى مطب يخبط فى العربية من تحت وانا واحدى فى العربية و بيخبط جامد جدا وانا معايا اهلى فى العربية مع العلم ان كنت بركب نفس العدد فى اللانسر وعمرها ماخبطت خالص................ اية الحل بقى فى العيب ده.

انا بدات اتخنق من العربية :'(

الزرار اللى حضرتك بتتكلم عليه ده فى الاغلب بيفتح غطاء تنك البنزين . بالنسبه لحكايه الحك فى المطبات الموضوع ده غريب شويه لان الصنى ما بتحكش فى المطبات و دى من مميزاتها. هى ايه اخبار المساعدين اللى ورا و سوست العربيه؟ و بعدين عندى سؤال بسيط هو حضرتك قبل ما تشترى كشفت على العربيه فين علشان تطمن على حالتها؟ انصحك كمان تودى العربية التوكيل (اوتو ايجيبت او السبع) و هما هيحلولك اى مشاكل فيها ان شاء الله ما تقلقش

المشاركة الأصلية كتبت بواسطة roma_romio2000

حاجة جديدة خنقانى ومش عارف اعمل اية فى الحوار ده :( :( :( :(

العربيو واطية قوى قوى على الارض لدرجة ان اى مطب يخبط فى العربية من تحت وانا واحدى فى العربية و بيخبط جامد جدا وانا معايا اهلى فى العربية مع العلم ان كنت بركب نفس العدد فى اللانسر وعمرها ماخبطت خالص................ اية الحل بقى فى العيب ده.

انا بدات اتخنق من العربية :'(

ألف مبروك وغريبة قوى موضوع وطية دية أكيد فى حاجة عند غلط راجع العفشة الصنى تعتبر من أعلى العربيات الموجودة على الارض

شكرا يا جماعة على اهتمامكم بس بالنسبة للزرار اللى بتكلم علية ده جنب الكورسى على طول مش بتاع البنزين لان بتاعى البنزين تحت الكورسى على طول.

بالنسبة للمساعدين والسوست لو قولنا فيهم حاجة دول يكلفوا كام لو انا هغيرهم