الموضوع: نيسان صنى ex 2008

المشاركة الأصلية كتبت بواسطة roma_romio2000

انا الحمدالله ربنا وفقنى انهارده فى نيسان صنى ex 2008 ودى اول عربية امتلكها.
العربية جميلة جدا جدا جدا بس فى حاجات عاوزه تتظبط فيها بس انا لسة بدرس العربية ........ المهم انا فى زرار لاقيتة جنب كورسى السائق بس مش عارف ده اية وكمان اللى لاحظتة ان مافيش اى سلك متوصل للزرار ده ياريت لو حد يعرف ده اية يقولى.

الحاجة التانية انها للاسف وانا بخلص فيها واحد ريح على العربية كسر الفانوس الخلفى شمال :( فاكنت حابب اعرف هو يعمل كام.

ثالثاَ فى زرار فى الفيتس انا مش عارف ده اية او اية فايدتة ؟؟؟؟؟

رابعاَ الزجاج الخلفى بيفتح من الزراير اللى فى باب السائق لكن مش بيرضى يقفل لازم ارجع اقفلة من الزرار اللى فى الباب الخلفى نفسة.........

خامساَ العربية اوتومتك و وانا ماشى بيها بحس بالنقلات العربية غير اللانسر ماتحسش بى ده خالص فاهل ده طبيعى ولا فى حاجة فى العربية ؟؟؟؟؟

شكراَ وفى انتظار الرد وارائكم

قبل الرد على اى سؤال ..

اقولك 100000000 مبرووووووووووووووك واهلا بيك معانا فى نادى ملاك الصنى فى مصر

أولا: الزرار اللى جنب كرسى السواق على الشمال فى الارضية ده زرار فتح غطاء تانك البنزين .. اما لو تقصد البكرة اللى جانب الكرسى نفسه يبقى زى ما بيشوى PeaceMan قالك للتحكم فى ارتفاع وانخفاض القعدة نفسها .. غير كده مفيش .

ثانيا: ثمن الفانوس الخلفى زى ما استاذ محمد ابراهيم قال 200ج تقريبا تايوانى ماركة ديبو Depo

ثالثا: الزرار ده الاوفر درايف o/d .. ازاى ما تعرفوش وكنت راكب لانسر اتوماتيك ؟!!!
وفايدته زى ما استاذ محمد قال برضه انه بينقل بس لحد الغيار الثالث ويقفل الرابع لحد اما تقفل الزرار واللمبة فى التابلوه تطفى.

رابعا: مشكلة التحكم فى الزجاج الكهرباء من باب السواق دى غالبا ما تكون قافلة فى المفاتيح ويلزمها تغيير وحدة مفاتيح باب السواق (ثمنها 450ج فى التوكيل وبتتغير فى الضمان لكن فى حالتك انتهى) .. او ممكن المفاتيح تكون محتاجة تنضيف من التراب ببلاور الهواء فى اى مغسلة ويشتغل تانى بدون مشاكل .

خامسا: فيه فرق طبعا بين فتيس الصنى التقليدى المزود ب4 نقلات تروس وبين فتيس اللانسر الcvt بدون تروس اصلا
لمزيد من المعلومات .. من فضلك قم بقراءة الموضوع التالى:
http://www.nilemotors.net/Nile/27146...nsmission.html

المشاركة الأصلية كتبت بواسطة roma_romio2000

حاجة جديدة خنقانى ومش عارف اعمل اية فى الحوار ده :( :( :( :(

العربيو واطية قوى قوى على الارض لدرجة ان اى مطب يخبط فى العربية من تحت وانا واحدى فى العربية و بيخبط جامد جدا وانا معايا اهلى فى العربية مع العلم ان كنت بركب نفس العدد فى اللانسر وعمرها ماخبطت خالص................ اية الحل بقى فى العيب ده.

انا بدات اتخنق من العربية :'(

انسى موضوع الحك ده تماااااااااااما فى الصنى وخاصة من اول 2007 .. انا معايا 2010 وعمرها حكت لا لوحدى ولا العربية محملة ولا والشنطة مليانة على اخرها وعمرى من اول ما ركبتها ما اخدت اى مطب بالجنب زى ما اكون راكب هيونداى ولا هوندا ولا اى عربية واطية ع الارض .. ولما بتخبط باكون ما هديتش اوى وكلت المطب بسرعة شوية ع الثانى فالعربية بتعمل مرجحة dumping فى الارض بعد اما العجل الامامى يعدى المطب.

واكيد السبب مش هايخرج عن الاتى:
1. اتاكد ان الكاوتش والجنوط اللى راكبة هى الاوريجنال والمقاس الاستوك بتاعها 185/65 r15 وليس 14 بوصة زى جنوط اللانسر او الصنى قبل 2006 او مقاس اطار مختلف (لو لقيته 195/60-15 يبقى شغال برضه مصرح بيه)
2. اتاكد من ضغط الاطارات زى ما الكتاب بيقول وملزوق على قايم العربية عندك من باب السواق (32 امامى - 29 خلفى) .. اكيد الضغط ناقص وعاوز يتزود وياريت تحط نيتروجين لو الكاوتش سليم اصلا
3. مشكلة بالعفشة (مساعدين - سوست) وده وارد لأنها مستعملة والله اعلم اللى قبلك يمكن كان سواقته غشيمة او قالبها نص نقل بعد الظهر .. وتكلفتها زى ما بيشوى حاطط لينكات المواضيع الخاصة بقطع الغيار داخل وخارج التوكيل