الموضوع: تقرير مقابلة نمور كيا السادسة ....... عودة الزمن الجميل

السلام عليكم و رحمة الله و بركاته ......................


الحمد لله إنى أول واحد أرد زى ماكنت من أول 3 وصلوا الرحاب و صلوا الجمعة هناك مع أبو ليلى و أحمد السويدى و الله ناس كلها واحشونى و نفسى أشوفهم تانى

ما تظبطلنا مقابلة تانى الجمعة الجاية حتى لو عندنا فى البيت أصلكوا واحشتونى جدا جدا جدا

المشاركة الأصلية كتبت بواسطة ابو ليلى

ونسيت تقول انى اللى وصلتك ..... بص يامعلم مقابلة لكيا يعنى خروجة لمراتى والاولاد
وفين ياعم الانطباع عن المقابلة ده انت لوحدك واخد هدييتن ولو كنت صبرت
كنت اخدت مج كمان .... بس انت خلعت مع غازى
صحيح شفت السويدى بيعامل العربية ازاى .... يا حببتى يا سوسو

بص يا عمدتنا يا حبيبنا أنا مقر و معترف بجمايلك عليا و مهما وصفت و شرحت مش هقدر أوفيك حقك - أما بالنسبة عن إنطباعى عن المقابلة فأحب أقول إن إللى بيرغمنى على الحضور هو الأسماء إللى بتبقى حاضرة و السمعة الطيبة إللى يتمتع بها نايل موتورز متمثلة فى أقسامه و رواده فطبعا لسانى يعجز عن وصف مشاعرى قبل و أثناء و بعد المقابلة بس على العموم بصوا يا جماعة أبو ليلى حبيبى فالله هو إللى وصلنى و إحنا رايحيين و كان معانا أحمد السويدى ( شخصية فوق الوصف مؤدب جدا محترم أوى أحسبه على خير و لا أزكى على الله أحدا و أحمد الله تعالى الذى عافاه من الحادث الأليم الذى وقع به و بسيارته سوسو الجميلة ربنا يحفظهاله و أسأل الله أن يتم شفاءه من كسر الترقوة الذى مازال يعانى منه أللهم أتم شفاءك عليه شفاءا لا يغادر سقما ) بس كان لوحده فى عربيته بعد لما وصلنا روحنا صلينا الجمعة بره المسجد و كانت الدنيا شمس و حر فإحقاقا للحق أبو ليلى راح جاب مصليتين من عربيته ( ربنا يباركله ) و روحت أنا و هو قعدنا فى الظل و بعدين بعد ماتوهنا كتير وصلنا بحمد لله للهدف و كنا أول تلاتة نوصل و كان فى إستقبالنا أستاذ شريف و ده general manager للكافيه و هو بصراحة راجل جنتل و خدوم و عمل معانا الصح علشان إحنا فى منطقته و من هنا أود أن أشكره و أقوله جزاك الله خير ( معلش أصله موصينى أجيب سيرته هنا على المنتدى لما نعمل التقرير ) بعد ما أ/ شريف إستقبلنا و ورانا المكان المحجوز لنايل موتورز - المقابلة شوية كده و جالنا المهندس سمير راجل ذوق جدا و محترم جدى و حدث و لا حرج بعد كده بدأت أول فواصل ال creativity من الأستاذ شريف على حد وصفه و هذا ماسنعرفه لاحقا تابعونا .................................
....................... To be continued ........................

معلش قبل مانقفل بقى أحب أقول إن زى ما أبو ليلى وصلنى و إدانى مصلية أصلى عليها أنا كمان ربنا وفقنى إنى أجيبله إزازة ميه كبيرة من نوع مش هاقول عليه علشان ماتبقاش دعاية بس على العموم زىهإ زى إللى أحمد حلمى بيشربها و كمان جيبتله عصير خوخ بتاع الحبيبات ده بس مش رانى يعنى بس برده مش هاقول على نوعه يعنى علشان متبقاش دعاية بس بقى - أما بالنسبة لمعاملة أحمد للعربية دا عشم والله و هى عمرها مابتكسفه أنا ركبت معاه و إحنا رايحين ناكل البيتزا و يدوب هو معملش غير 2 كيك داون بس من أكتر يعنى و لا حاجة فمتقلقش يا وائل باشا الراجل حاطط سوسو فى عنيه و أنا ماليش دعوة إنا عايز مج ماليش دعوة