إستهلاك البنزين الطبيعى ... وتسريب البنزين

حبايبى وأخوانى جميع الأوبيلاويه
بما اننا ايد واحده ومجتمعين على الخير دايما فأنا بصراحه مش بتردد فى أى سؤال أو مشكله عندى
بدايه انا عربيتى فيكترا ٢٠٠٢ .... ١٦٠٠ سى سى مانيوال
اكتشفت ان عندى تسريب فى البنزين من كام يوم وكنت خايف جدا ان التنك يكون مخروم ... روحت للميكانيكى وكان شكله مش عاوز يشتغل ولما لقى التانك فيه ٤٠ ليتر قاللى مش هاعرف اشتغل ( كان واضح انه بيتلكك )
قلتله طيب شوفلى فيها ايه ... قاللى انا بصيت ولقيت ان الكاوتشه بتاعه الخرطوم عاوزه تتغير ودى لازم نحل التانك كله
بصراحه انا مش واثق فى كلامه خاصه انه قاللى ان لما يكون فيها ٣٠ ليتر وانت نازل مش هاتسقط
انا عاوز اعرف الاتى لو سمحتوا :-
ايه موضوع الكاوتشه والتسريب ده
سعرها كام واجيبها منين
ممكن اى حد يعملها ولا لازم متخصص اوبيل
وبالمره ماهو الاستهلاك الطبيعى للعربيه اللى معايا داخل وخارج المدينه
ولو كان استهلاكها عالى ممكن يكون من ايه
انا عارف ان أسئلتى عاوزه أسبوع للرد عليها بس ده عشمى فى عصابتنا الجميله
وشكرا مقدما للردود

بس انا هقولك تجربتي فى موضوع تسرب البنزين
الاول كان عندي تسريب من خرطوم البنزين اللي تحت العربية من الجنب الشمال لوواقف ووشك للعربية وصلة خرطوم وبتسرب عادي يعني قرط على الافيز وتحلت المشكلة عندي الجراج عالي شوية وممكن يحك من تحت رجعت تاني المشكلة غيرت خرطوم البنزين اللي تحت العربية كام يوم ولقيت تسريب تاني من عند الفلتر غيرت الفلتر وربط الافيز جامد كام يوم والاقي بنزين جاي من على التانك ومش عارف مصدره رحت لميكانيكي قالي لازم نفك التانك ونشوف منين ولازم التانك يبقى فاضي وهيفوك الشكمان ويخرج التانك برة افلام يعني غمني سيبته ومشيت
المهم رحت لميكانيكي فى الحرفيين عتد هاني العايدي اسمه مصطفى قالى العيب من خرطوم البنزين اللى رابط فى التنك قلتله تاخد قد ايه شغل قاللي اقل من ساعة يدوب فك صامولتان للتنك من تحت وسقط التنك شوية وبعدين ركب خرطوم بنزين جديد واصل من التنك الى اسفل العربية وبعد كده ربط الصامولتان وخلاص منع تسرب البنزين
واضح ان طلمبة البنزين بتاعة الفيكترا ضغطها قوي جدأ علشان لو الافيزات مش مربوطه كويس علطول يحصل تسرب




طيار

اقتباس:

---

المشاركة الأصلية كتبت بواسطة Tiar

بس انا هقولك تجربتي فى موضوع تسرب البنزين
الاول كان عندي تسريب من خرطوم البنزين اللي تحت العربية من الجنب الشمال لوواقف ووشك للعربية وصلة خرطوم وبتسرب عادي يعني قرط على الافيز وتحلت المشكلة عندي الجراج عالي شوية وممكن يحك من تحت رجعت تاني المشكلة غيرت خرطوم البنزين اللي تحت العربية كام يوم ولقيت تسريب تاني من عند الفلتر غيرت الفلتر وربط الافيز جامد كام يوم والاقي بنزين جاي من على التانك ومش عارف مصدره رحت لميكانيكي قالي لازم نفك التانك ونشوف منين ولازم التانك يبقى فاضي وهيفوك الشكمان ويخرج التانك برة افلام يعني غمني سيبته ومشيت
المهم رحت لميكانيكي فى الحرفيين عتد هاني العايدي اسمه مصطفى قالى العيب من خرطوم البنزين اللى رابط فى التنك قلتله تاخد قد ايه شغل قاللي اقل من ساعة يدوب فك صامولتان للتنك من تحت وسقط التنك شوية وبعدين ركب خرطوم بنزين جديد واصل من التنك الى اسفل العربية وبعد كده ربط الصامولتان وخلاص منع تسرب البنزين
واضح ان طلمبة البنزين بتاعة الفيكترا ضغطها قوي جدأ علشان لو الافيزات مش مربوطه كويس علطول يحصل تسرب




طيار

---

الف الف شكر يا طيار على الرد الجميل ده ... انا فعلا حاسس ان العيب فى الخرطوم اللى انت غيرته ده .... ياريت تقولى جبته بكام ... وانا ملاحظ ان فيه خرطومين مش واحد بس ... واحد منهم بتاع الراجع على ما اعتقد ... انا عربيتى فيكترا b ... مستنى ردك

دول خرطومين البنزين بيتغيرو كل ١٠ سنين هتلاقيهم مشققين هم اعلى التانك ولو واحد فاهم وعندو صبر هيركبهم منغير فك تنك لأنهم مزنزقين والاصلى فى حدود ٢٥٠ جنيه وهم بيسربو وانت بتحط بنزين بس او لو فولت لأنهم فوق بعد الزور بتاع التنك وطه موضوع عادى لا تقلق

ahmed_fahmy الله ينور عليك

اقتباس:

---

المشاركة الأصلية كتبت بواسطة ahmed_fahmy

دول خرطومين البنزين بيتغيرو كل ١٠ سنين هتلاقيهم مشققين هم اعلى التانك ولو واحد فاهم وعندو صبر هيركبهم منغير فك تنك لأنهم مزنزقين والاصلى فى حدود ٢٥٠ جنيه وهم بيسربو وانت بتحط بنزين بس او لو فولت لأنهم فوق بعد الزور بتاع التنك وطه موضوع عادى لا تقلق

---

شكرا يا احمد باشا وتسلم ايدك ... بس انت بتقول انهم بيسربو ساعه التفويل بس وانا ملاحظ ان التانك بيفضى بسرعه ... ممكن يكون من ايه مع العلم ان سحب العربيه مش عاجبنى اوى

اقتباس:

---

المشاركة الأصلية كتبت بواسطة hesham.h

الف الف شكر يا طيار على الرد الجميل ده ... انا فعلا حاسس ان العيب فى الخرطوم اللى انت غيرته ده .... ياريت تقولى جبته بكام ... وانا ملاحظ ان فيه خرطومين مش واحد بس ... واحد منهم بتاع الراجع على ما اعتقد ... انا عربيتى فيكترا b ... مستنى ردك

---

التسريب عندي من خرطوم البنزين اللي مودي للماتور غيرته بـ خرطوم بنزين ايطالي متيل من الداخل المتر كان فى حدود 10 جنيه جبت 3 متر

التسرب ملهوش علاقة بمفول ولا لا طول ما فيه بنزين فى التنك والعربية دايرة كان فيه تسريب

يارب اكون افدتك



طيار

اقتباس:

---

المشاركة الأصلية كتبت بواسطة tiar

التسريب عندي من خرطوم البنزين اللي مودي للماتور غيرته بـ خرطوم بنزين ايطالي متيل من الداخل المتر كان فى حدود 10 جنيه جبت 3 متر

التسرب ملهوش علاقة بمفول ولا لا طول ما فيه بنزين فى التنك والعربية دايرة كان فيه تسريب

يارب اكون افدتك



طيار

---

تسلم ايدك يا طيار .... انت كده جبت من الاخر ... يعنى اجيبه ب ٣٠ جنيه احسن اما اجيب ابو ٢٥٠ جنيه ... بس هو شغال معاك تمام ولا لازم الاصلى ؟؟؟ وهل بيعوز تعديل ولا بيركب على طول ؟؟؟ اسف على الاطاله

اقتباس:

---

المشاركة الأصلية كتبت بواسطة Hesham.H

تسلم ايدك يا طيار .... انت كده جبت من الاخر ... يعنى اجيبه ب ٣٠ جنيه احسن اما اجيب ابو ٢٥٠ جنيه ... بس هو شغال معاك تمام ولا لازم الاصلى ؟؟؟ وهل بيعوز تعديل ولا بيركب على طول ؟؟؟ اسف على الاطاله

---

طبعا لو جبت الاصلي افضل بس اللي ركبته شغال تمام ولا تعديل ولا حاجة خرطوم وافيزان (2 افيز) :F_eyeb1[1]:


طيار

الأحسن تتأكد من مكان التسريب الأول لأنه واضح أن الوضع عندك مختلف عن عند طيار.

اقتباس:

---

المشاركة الأصلية كتبت بواسطة dr.m_baz

الأحسن تتأكد من مكان التسريب الأول لأنه واضح أن الوضع عندك مختلف عن عند طيار.

---

والله يا دكتور الوضع مش هيبان الا لما التانك يتفك ... بس هو فيه واحد ميكانيكى بص عليها على الماشى وقاللى التانك سليم والخراطيم هى اللى فيها مشكله