لية معظم الماركات مبتهتمش بالمانبوال

**tooltool123** · 02-07-2008 11:20 AM

يا جماعة لية معظم ماركات العربيات مبتنزلش فتحة سقف في الموديل المانيوال مع ان المانيوال دة اغلب اللي بيحبة هما الشباب وفتحة السقف شبابية 100×100
يعني تقريبا مفيش غير البي ام اللي منزلة فتحة سقف في المانيوال اللي هي 316 الشكل الجديد
انما باقي العربيات زي رينو فورد ميتسوبيشي مش منزلة فتحة السقف غير في الفئة العالية اللي فيها كل حاجة

وهل يمكن عمل فتحة السقف في التوكيل ولا لا ؟؟؟؟؟؟؟؟؟؟؟؟؟

**Migo123** · 02-07-2008 12:02 PM

قمه الاستهبال
يعني المانيوال دايما بتبقى اقل فئة في العربيات

مش فاهم ايه علاقة الفتيس بمسند اليد او الكونسول او الفوج لايت
ولا فتحه السقف والجنوط و Abs
انا عايز اركب عربيه مانيوال فيها كل الكماليات انتو مالكو
حتى السوبارو اللي هي عربيه اصلا لازم تبقى مانيوال متنفعش تتركب اتوماتيك (في رأيي)
منزل فئة واحده من المانيوال وشايل كماليات

**fahd_628** · 02-07-2008 12:24 PM

حاجة تقرف بجد

يعنى انا دلوقتى عاوز اجيب لانسر سبور الاقى مينفعش غير اوتوماتيك :(

نفسى اعرف اية الحكمة !

**SAbuhashem** · 02-07-2008 12:31 PM

العك دة في مصر بس علشان تقليل الجمارك و عمل فئة قليلة الكماليات و سعرها رخيص

ال BMW الفئة الخامسة و المرسيدس و غيره بتنزل برة مانوال و فيها كل الكماليات إلي تحلموا بيها وإلي بيساعد على كدة إن في مواتير ديزل

و أعتقد الليون في مصر كسرت القاعدة دي و بجدارة

Thanks
Eng.Sherif Shaker

**Ramy_Tantawi** · 02-07-2008 04:01 PM

الموضوع ده للأسف ثقافة سوق وعرض وطلب اكتر من انه تحكم من التوكيل او المصنع للعربيات وعلى فكره مش مصر بس اللي بتعمل كده الخليج عندها نفس المرض ده بس بأعراض مختلفه شويه يعني تلاقي هناك ال 1300 شبه معدوم وبيكون يادوبك بالعافيه ممكن نطلق عليه لفظ عربيه يعني التوكيل ممكن يكون تنازل وساب في العربيه بتاعته الدركسيون والتكيف والباور وفرش الكراسي وفقط ....نيجي لفئه اعلى شويه ال 1600 تعامل معامله افضل شويه من زميلتها الأصغر لكن برضه التوكيل بيشيل من كمالياتها على قد ما يقدر اخيراً توصل لي الزميله الاكبر سي سي ومقاماً وهي ال 2000 ودي بقى تلاقي فيها كل حاجه انت عاوزها وممكن تلاقي حاجات مش عاوزها كمان.

في رأيي الشخصي الكلام ده ثقافة سوق اكتر الناس اتعودت على كده والسوق مشي على كده او ممكن السوق هو اللي عود الناس على كده ولو انه مش منطقي لكن في مصر كل شيء جائز.

الثقافه اللي اقصدها هي ان معظم الناس مجرد ما تتجه للعربيات الغاليه شويه فوق 100 الف يقولك يعني ادفع كل ده وامشي بالعربيه انقل ! لا ياعم مش جايبه همها كده ........النظره مقتصره على اني هادفع مبلغ كبير وبالتالي لازم العربيه تمشي لوحدها وكتر خير الدنيا اني هادوس بنزين اصلاً ده انا دافع 150.000 ..الثقافه دي خلت التوكيل يروج للي الناس محتاجاه. طلب وعرض السوق.

في عوامل تانيه بقى تسويقيه بحته مالهاش دعوه بالناس وفي نظري هي نقطه سلبيه في الوكلاء عندنا وهو انه بيشوف اعلى ربحيه ممكنه فاتلاقيه عمل المانيوال اقل حاجه ممكن وزي ما قلت كتر خيرهم سايبين الدركسيون والمكيف لينا في المانيوال ويجي في الاوتوماتيك يحط حاجات كتير كماليات العربيه كلها وتكلفتها تزيد 20.000 ! فا بيجبر الشاري ياتاخد من ابو 120 وترضى بقليله ياتاخد من ابو 140 ومعاك كل حاجه ......التفكير المنطقي اللي هييجي لأي واحد وقتها وانا منهم اللي هايخليني ادفع 120 ازود ال 20 دول ويكون معايا كل حاجه.وبكده يكون هو الكسبان مش انا لإن ربحيه اعلى وده في المقام الاول عنده وتاني حاجه تكتيفه للسوق في العموم.

انا فاكر زمان من 15 سنه يمكن او اكتر كانت اول عربيه والدي يشتريها كانت تويوتا كورولا 89 تقريباً الغريب بقى ان لما رحنا التوكيل (الكلام ده خارج مصر )صحيح يمكن وقتها ماكانش في اوتوماتيك من الكورولا اصلاً لكن كان في فارق كماليات المهم الراجل قال الكامله موجوده والفاضيه موجوده وجاب ورقه الورقه دي مكتوب فيها كل كماليات العربيه اللي تويوتا عملاها وقال حط صح على اللي انت عاوزه وهاحسبلك هاتتكلف كام واقولك وبالفعل والدي وقتها اختار كام حاجه كده وتم الموضوع بتأخير اسبوع او اتنين في الاستلام عشان تيجي العربيه زي ما العميل طلبها.!!

طبعا الكلام ده دلوقتي انا حاسس انه خيال لئن فين الوكيل اللي ممكن يقوللي اختار اللي انت عاوزه وانا اجيبهولك ! وحتى لو حصل ده وانا متأكد انه مش هايحصل تلاقيه رفع تمن العربيه واصبحت اغلى من الكامله حتى!!!

وعجبي.....................

**farahat** · 03-07-2008 12:29 PM

المشاركة الأصلية كتبت بواسطة Ramy_Tantawi

الموضوع ده للأسف ثقافة سوق وعرض وطلب اكتر من انه تحكم من التوكيل او المصنع للعربيات وعلى فكره مش مصر بس اللي بتعمل كده الخليج عندها نفس المرض ده بس بأعراض مختلفه شويه يعني تلاقي هناك ال 1300 شبه معدوم وبيكون يادوبك بالعافيه ممكن نطلق عليه لفظ عربيه يعني التوكيل ممكن يكون تنازل وساب في العربيه بتاعته الدركسيون والتكيف والباور وفرش الكراسي وفقط ....نيجي لفئه اعلى شويه ال 1600 تعامل معامله افضل شويه من زميلتها الأصغر لكن برضه التوكيل بيشيل من كمالياتها على قد ما يقدر اخيراً توصل لي الزميله الاكبر سي سي ومقاماً وهي ال 2000 ودي بقى تلاقي فيها كل حاجه انت عاوزها وممكن تلاقي حاجات مش عاوزها كمان.

في رأيي الشخصي الكلام ده ثقافة سوق اكتر الناس اتعودت على كده والسوق مشي على كده او ممكن السوق هو اللي عود الناس على كده ولو انه مش منطقي لكن في مصر كل شيء جائز.

الثقافه اللي اقصدها هي ان معظم الناس مجرد ما تتجه للعربيات الغاليه شويه فوق 100 الف يقولك يعني ادفع كل ده وامشي بالعربيه انقل ! لا ياعم مش جايبه همها كده ........النظره مقتصره على اني هادفع مبلغ كبير وبالتالي لازم العربيه تمشي لوحدها وكتر خير الدنيا اني هادوس بنزين اصلاً ده انا دافع 150.000 ..الثقافه دي خلت التوكيل يروج للي الناس محتاجاه. طلب وعرض السوق.

في عوامل تانيه بقى تسويقيه بحته مالهاش دعوه بالناس وفي نظري هي نقطه سلبيه في الوكلاء عندنا وهو انه بيشوف اعلى ربحيه ممكنه فاتلاقيه عمل المانيوال اقل حاجه ممكن وزي ما قلت كتر خيرهم سايبين الدركسيون والمكيف لينا في المانيوال ويجي في الاوتوماتيك يحط حاجات كتير كماليات العربيه كلها وتكلفتها تزيد 20.000 ! فا بيجبر الشاري ياتاخد من ابو 120 وترضى بقليله ياتاخد من ابو 140 ومعاك كل حاجه ......التفكير المنطقي اللي هييجي لأي واحد وقتها وانا منهم اللي هايخليني ادفع 120 ازود ال 20 دول ويكون معايا كل حاجه.وبكده يكون هو الكسبان مش انا لإن ربحيه اعلى وده في المقام الاول عنده وتاني حاجه تكتيفه للسوق في العموم.

انا فاكر زمان من 15 سنه يمكن او اكتر كانت اول عربيه والدي يشتريها كانت تويوتا كورولا 89 تقريباً الغريب بقى ان لما رحنا التوكيل (الكلام ده خارج مصر )صحيح يمكن وقتها ماكانش في اوتوماتيك من الكورولا اصلاً لكن كان في فارق كماليات المهم الراجل قال الكامله موجوده والفاضيه موجوده وجاب ورقه الورقه دي مكتوب فيها كل كماليات العربيه اللي تويوتا عملاها وقال حط صح على اللي انت عاوزه وهاحسبلك هاتتكلف كام واقولك وبالفعل والدي وقتها اختار كام حاجه كده وتم الموضوع بتأخير اسبوع او اتنين في الاستلام عشان تيجي العربيه زي ما العميل طلبها.!!

طبعا الكلام ده دلوقتي انا حاسس انه خيال لئن فين الوكيل اللي ممكن يقوللي اختار اللي انت عاوزه وانا اجيبهولك ! وحتى لو حصل ده وانا متأكد انه مش هايحصل تلاقيه رفع تمن العربيه واصبحت اغلى من الكامله حتى!!!

وعجبي.....................

الله عليك يا رامي , تحليل سليم و مقنع
ربنا يكرمك و يزيدك

**Ramy_Tantawi** · 03-07-2008 04:59 PM

ربنا يبارك فيك يا فرحات باشا ويجازيك خير .
ده بعض من ما عندكم والله ولا يسوى صفر على الشمال في بحر المعلومات والاضافه اللي عملتها في السلسله المتميزه اللي كتبتهالنا الفتره اللي فاتت دي ربنا يكرمك ويزيدك ويديم الموده والمعروف.