السلام عليكم

انا من فتره كنت عملت حادثه بالعربيه فا حصلى مشكله فى انفى
كان حصلها انعواج ليها وللحاجز الأنفى
فا كنت رحت لكذا دكتور
وكلهم اجمعوا على انها عايزه عمليتين واحده لتعديل العوجه اللى حصلت فى شكلها وواحده لتعديل الحاجز الانفى
فا انا لأنى اساسا خفت من موضوع تعديل الشكل دة بسبب انهم بيكسروا العضم للانف كاملا وبعد كده بيزبطوه بالشكل المزبوط تانى ماعملتهاش وقلت اتعايش بيها عادى
اما بالنسبه للحاجز الأنفى فا انا عملت العمليه علشان كنت بقدر اتنفس بفتحه واحده فقط من الفتحتين الموجودين فى الانف
المهم واحد من الدكاتره اللى رحتلهم عملولى العمليه
كنت تابعت معاه وادالى قطره بحطها على حاجة للانف وبستنشقها فى مناخيرى فا فضلت ماشى عليها لفتره
واشتكيت من موضوع ان الشم عندى مش مزبوط وقالى كل حاجة هاتتزبط مع الوقت
دلوقت الموضوع عدى عليه حوالى 3 شهور
المشكله دلوقت ان حاسه الشم بقت ضعيفه جدا اوقات بشم شويه واوقات مش بشم خالص
+ ان حتى التنفس عندى اوقات بيكون من الفتحه اليمين بس او الشمال بس

فهل كان فيه مشكله فى العمليه ودى اثارها وخصوصا انه شالى غضاريف كتير من اللى موجوده فى الانف !!

أرجو النصيحه

شكرا جدا