السلام عليكم .. كيفكم يا شباب ...

ندخل ف الموضوع طوالى لانى حاسس انى هفرقع دلوقتى ...

العربيه بقالها فتره صوت موتورها مش عاجبنى وعالى شويه .. ده غير انها بتجيب 160 بالعافيه وحلو اوى على كده .. المارش كان باظ .. وغيرته .. وبعد ما غيرته فيه صوت نعره بيطلع مع دوسه بنزين مره واحده وساعات لا .. وروحت للميكانيكى العربيه كانت فله وشمعه منوره .. زيرو .. مفيهاش حاجه !! .. اروح انا بيها الهبل يشتغل .. مش عارف انا راكبنى عفريت ولا مبعرفش اسوق بقا

امبارح عملت كام مشوار من الزقازيق لفاقوس للزقازيق تانى لبنها للقاهره وبعدين رجعت الزقازيق .. مسافه 250 كيلو .. عملت فيه 40 لتر .. وده رقم مش طبيعى خالص .. انا كنت بعمل 200 كيلو ف 20 لتر .. ده غير تزييق التابلوه العجيب اللى طلعلى امبارح .. !!

النهارده بقا .. ودى المشكله الاهم والمصيبه الكبرى .. ( انا قلت الكلام اللى فات عشان لو ليه علاقه ) ...
الدنيا زى الفل.. الحراره مظبوطه .. التكييف تمام ... فجأه .. الحراره بقت 93 مش 90 .. قلت مش مشكله الزحمه وطلوع المدارس اكيد خانق العربيه .. الموتور ما بيشمش غير عادم العربيات اللى حواليه .. يدوب نص ساعه اروح الاقى الحراره بقت 98 .. وده موووش طبيعى ... ركنت وطفيت العربيه.. قلت شويه تهييس . .. بس قلت افتح الكابوت ابص اشوف فيه ايه ..
الاقى صوت "" فسسسسسسسسسسسسسس "" زى ما يكون كاوتش مخروم بالظبط .. طالع من خرطوم تبع دوره الميا .. هوريلكو مكانه ف الصور .. وبينقط نقط ميا .. قربت ايدى منه .. لقيته بيطلع هوا جامد سخن .. بخار ميا .. ونقط الميا جايه على الموتور .. مسكت قماشه وفتحت الاربه بالراحه .. لقيتها بتفضى ميا لما جابت اخر !!

ايييييييييييييييييييييييي ييييه ده بقاااااااااااااااااا !!! .. مع العلم انا مغير بوجيهات وسيور وفلاتر وبليه الكاتيه وبليه الشداد و طرمبه الميا ( هيبو ) ونضفت دوره الميا والسرتنينه و شيكت على ساعات وترموستات المراوح وسلك الارضى من شهر ونص او اقل كمان .. والعربيه كانت كويسه دايما ما عدا موضوع اخر تسارعها ل160 ده .. و كنت دايما بقول مش مشكله اهو 160 حلو ومش تهور جامد .. طالما العربيه مظبوطه وماشيه حلو تكييف وحراره وبنزين تمام .. بس هو فجأه مشكله الحراره والميا دى ظهرت النهارده !! .. قفلت العربيه وطلعت وربع ساعه كده نزلت اصورها

حد يفهمنى فيه ايه عشان انا زهقتتتتتتتتتتتتتتتتتتتتتت ت ..


الصور ..

ده لما فتحت





الدايره البيضا مكان التنقيط والصوت .. والاسهم والدايره الزارقه مكان ما طرطشه الميا الخفيفه كانت رايحه .. كان فيه ميا ونشفت فعملت الصفار ده !!







ده لما شلت الخرطوه الاسود اللى ماشى بالعرض .. لقيت التنقيط والتفته وبخار الميا مع الصوت طالعين مكان ما السهم الازرق مشاور







ده شكل الزيت ...






حد يقولى فيه ايه بقا عشان انا جبت جاااااااااااااااااااااااا ااااااز !!!!