سيات ابيزا 94 ولا ابيزا 98

**ibiza50** · 09-01-2013 03:01 PM

دة لينك لموضوع قديم ممكن يساعد
http://www.nilemotors.net/Nile/179538-94-99-a.html
http://www.nilemotors.net/Nile/167877-98-3.html

**SYD** · 11-08-2013 06:01 PM

ودة لينك لموضوع فيه مقارنة بين الموديلين يمكن يساعد

http://www.nilemotors.net/Nile/371045-94-98-a.html

تحياتي

**Mahmoudelsayed** · 12-01-2014 01:30 PM

شوف 98 موتور 1400 انجكشن
ويا سلام بقى لو فيها باور وتكييف

وربنا يوفقك

**mohammad isdf** · 03-05-2014 12:40 PM

لاء وفى حاجه كمان ال98 فيها تكييف وباور وال 94 مفيهاش وده بقى اوبشن مهم جدا جدا جدا

**ensan_71** · 12-09-2014 09:00 AM

المشاركة الأصلية كتبت بواسطة SYD

انت كدة عايز مقارنة وتقييم للسيارتين
مش مسألة سؤال او استطلاع رأي

انا هجاوبك بأختصار شديد جدا والأختيار في النهاية ليك

من حيث السعر
الأبيزا 94 اولها 25 واخرها 30 الف جنيه
ال98 اولها 27 للفاضية تماما وأخرها 36 للكاملة وحالة نظيفة

من حيث المحركات
ال94 الأستوك بتاعها 1300 كربراتير بقوة 55 حصان
ال98 الأستوك بتاعها 1000 انجيكشن كامل بقوة 50 حصان
الأتنين بينفع يتسقطلهم مواتير لحد 2400 مع مراعاة تغيير اللازم

من حيث الفروقات الظاهرية بينهم

ال94 ايريال في الرفرف الشمال الأمامي
ال98 ايريال فوق السقف

ال94 4 مساند رأس مفرغة
ال98 4 مساند رأس مصمتة

ال94 العدادات مافيهاش ار بي ام غير في فئة واحدة فيها والكيلومتر انالوج والساعة انالوج مكان الأر بي ام وديجيتال للي فيها ار بي ام
ال98 عدادات ار بي ام وساعة وكيلومتر ديجيتال

ال94 مفتاح عادي
ال98 مفتاح خريطة وايموبلايزر وبعض موديلاتها ريموت في المفتاح وانذار

ال94 مانزلش منها تكييف
ال98 في منها تكييف فبريكة
والأتنين بيركبلهم تكييف

ال94 الولاعة داخل درج الطفاية
ال98 الولاعة منفصلة عن الطفاية

ال94 الأكصدام افضل وامتن
ال98 أكصدام فيبر سهل الكسر

الحجم واحد والتعليق واحد وكل شئ من حيث العفشة والفرامل والشاسيه والبودي تقريبا واحد وبعض اجزاء المحرك متشابهة

السرعة القصوي للأتنين واحدة 145 كم/ساعة (حسب الكتالوج وفي ناس كسرت ال160 بسيارة 1000 سي سي)

استهلاك البنزين لصالح ال98 لكونها 1000 انجيكشن

قطع الغيار ومدي توافرها واسعارها تقريبا متشابهة جدا للأتنين

الصيانة والميكانيكية - الأتنين لازم يروحوا لميكانيكي فولكس

التعقيد وصعوبة الصيانة لصالح ال98 في مقابل البساطة وسهولة الصيانة لل94 والأختلاف لكون ال94 مافيهاش كنترول وبالتالي مفيش حساسات لأنها كربراتير

بالنسبة للسفر - الأتنين يسافروا عادي جدا لأي مكان في مصر دون حد اقصي للسرعات او المسافات وعن تجربة لأحد الأعضاء بسيارته ال1000 سي سي عمل 1300 كم في يوم واحد لصعيد مصر ذهاب واياب في نفس اليوم

مفيش وقت مناسب للشراء - وقت لما السوق بيريح بيريح علي الكل ولما بيشد بيشد علي الكل

تحياتي لحضرتك ولو في اي استفسار انا تحت امرك في اي تساؤل

والله المستعان
،
،

تشلم ايديك يا مستر سيد ايه الحلااااااااااااااااااااا ااااااااااااااااااااااااا ااااااااوة دى ..... ممتاااااااااااااااااااااا از

**ensan_71** · 12-09-2014 09:18 AM

المشاركة الأصلية كتبت بواسطة أميرة بهجت

والله العظيم انا احترت ومبقتش عارفة اشترى ايه مع انى محتاجة عربية ضرورى
كنت استقريت على الابيزا 94 ويكون متركب لها تكييف وتكون فى حدود 25 او 27 كدة. بس بعد الكلام دة انا مبقتش عارفة اشترى ولا استنى كام سنه لحد ماعرف احوش تانى

اللى بيتجكم فى توع العربية .... المبلغ اللى معاكى مش الماركة اللى انتى عايزة تشتريها للاسف

**حسين فتحى** · 28-01-2015 05:20 PM

لو سمحتم يا جماعه انا عايز اشترى سيات ابيزا موديل 94 لكن فى مشكله انى بلاقى كتير ناس مغير موتور عربيه الى موتور جولف فكنت عايز اعرف اى سبب مشكله فى موتور الاصلى واى الافضل موتور عربيه ولا عربيه ال تم تعديل موتور الى موتور جولف وشكرااا

**Medo.alexawy** · 23-11-2015 03:06 PM

شباب قسم الابيزا بعد اذنكم انا محتاح مستعدتكم ضروري لان عربيتي فيها شغل كتير هي ابيزا 98 والموضوع بالنسبه لي بقى عامل زي الشوكه ف ظهري ف ياريت الاهتمام اللى فاضي منكم بعد اذنكم يكلمني واتس عشان محتاج نصايحكم وده رقمي 01003905911