استفسار بخصوص البطارية

**إسلام شاهين** · 02-07-2008 12:41 PM

دلوقتي أنا عربيتي يو 6/24 تمت سنة بالضبط (من الزيرو) وأنا سايبها ومسافر بقالي شهرين بالضبط أو شهرين ونص ، وكانت المدام كل يوم بدورها نص ساعه كده ويوم الجمعه تاخدها لفه حوالين البيت ، المهم النهارده مكلماني بتقولي العربية عايزة بطارية لأنها مش عايزه تدور ولا الريموت عايز يشتغل وجابت أخوها وغعلا أكد كلامها إن العربية عايزه بطرية

حسب معلوماتي المتواضعه إن البطارية على الأقل عمرها الافتراضي من سنتين لثلاثة إزاي ديه بقه ضابطها نفسها على سنة بالضبط ؟؟؟؟؟؟؟؟؟؟؟

**fahd_628** · 02-07-2008 12:47 PM

اهلا بيك يا اسلام باشا

المهم حكاية التدوير كل يوم ملهاش لازمة

يعنى كل اسبوع كدة المدام تنزل بيها مشوار كويس علشان البطارية تشحن و خلاص مش لازم

و لو مينفعش تروح بيها مشوار يبقى لازم لما المدام تدورها تعلى ال Rpm شوية مش تسيبها على السلانسية علشان الدينامو يشحن و تدورها اكتر من 10 دقائق كدة يعنى ربع ساعة و تمام كدة

لاكن ممكن لما كانت بتدورها و تسيبها على السلانسية الدينامو مبيشحنش و كانت بتدور و البطارية بتفضى كل مرة

والله اعلم برضة استنى رأى الخبراء

02-07-2008 01:23 PM

اسلام باشا شاهين بحاله بيسأل ؟؟؟ ياباشا داحنا نجيبلك بطاريه ونروح نركبهالك كمان:)
فهد حبيبى الدنامو بيشحن اول ما العربيه تدور حتى فى السلانسيه طبعا...

انا مش شايف مشكله يااسلام باشا...عادى خالص البطاريه نامت فيها ايه ؟؟؟
ممكن بس حد يجيب كهربائى يجى ياخد البطاريه ويشحنها ويجبها تانى

**hazem_khidr** · 02-07-2008 03:08 PM

ماهي يا اسلام باشا البطاريه لو ما اخدتش بالك من الميه بتاعها و تابعتها ممكن تبوظ بسرعه مش شرط سنتين تلاته
انا البطاريه ما شاء الله بتقعد معايا بالاربع و الخمس سنين كمان(فارتا)
عموما زي ما فلاينج قال خلي كهربائي يجي يشحنها و ممكن تكون الميه ناقصه يزودها و يشحنها و تقوم تاني

**sherif_84** · 02-07-2008 04:15 PM

اسلام باشا ايه أخبارك ؟
بص لو البطارية عندك بطارية عادية من النوع اللى بتزوده ميه مقطرة لازم تدور العربية على الأقل كل 3 أيام عشان البطارية متنامش
لو البطارية عندك بطارية جافة يبقى ماتقلقش خالص انك تسيب العربية من غير تدوير فترة مثلا كل أسبوع تدورها شوية
وزى ماقال الإخوة الكرام تجيب الكهربائى يشوف مالها ويشحنها ويظبطها وان شاء الله تبقى تمام

**SAbuhashem** · 02-07-2008 04:25 PM

كل يوم تشغلها نص ساعة على الواقف !!
كدة غلط جداً
كفاية لفة يوم الجمعة وخلاص على كدة .

لو العربية شغالة كل يوم والبطارية ماتت وهي لسة جديدة يبقى أكيد نسيوا أي حاجة شغالة زي النور مثلاً ؟
ويفضل انهم يفصلوا كابل البطارية من أساسه طول ما العربية مركونة

Thanks
Eng.Sherif Shaker

**إسلام شاهين** · 03-07-2008 08:35 AM

والله يا جماعه شاكر ليكم كلكم بس المهم إن كل اللي قولتوه ده كان بيحصل يعني العربية كانت بدور كل يوم مش أقل من 20 دقيقة وكل أسبوع كان بيتراح بيها مشوار والكهربائي جه وغير الميه وشحنها وبرضه بعديها بيومين نامت تاني ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟