اولا شكرا لاعضاء المنتدي اللذيذ ده لانهم بجد ناس بتساعد مش كلام و خلاص
واحب اقول ان انا اتعلمت معلومات مهمة جدا عن العربيات من هنا

لكن انا حاليا محتاج مساعدتكم

انا بفكر اشتري عربيه اوبل استرا 2007 او 2008
ومحتاج شويه معلومات

1- الفروق بين 2007 و 2008 وهل الفرق يستاهل
2- لو العربيه هاي لاين بيكون نازل معاها زينون ولا لا (لان في ناس بتقول هاي لين ومن غير زيون)
3- هو فيه فرق بين كل الكماليات و هاي لاين
4- لو جبت عربيه بالبصمه هل فيها مشاكل
5- عداد الكيلو متر دايما كبير بيعدي ال 80000 غالبا هل ده عيب ولا مفيش مشاكل
6- العربيه دسك و اسطوانه هل ده عيب ولا ميزه
7- ناس كتير بتشتكي من سحب العربيه ده حقيقي ولا ايه -هل فيها خاصيه ال kickdown )
8- ناس كتير بتشتكي من الفتيس برضه وبتقول انه بيضايق في النقل

اللي فات ده حماده واللي جاي ده حماده تاني خالص
اسعار الصيانه و قطع الغيار
انا قريب من المنصوره علي فكره

اسعار قطع الغيار اسمع انها عاليه اوي بس لما قريت شويه اسعار لقيت انها مقاربه للياباني شويه مع فارق طول العمر طبعا
فياريت لو حد يقوللي ايه اغلي قطع و ممكن يتغيروا بره التوكيل ولا لا

ولو حد معاه العربيه و يفيدني بخبرته يبقي تمام اوي

سوال اخير انا لو قلبت العربيه غاز طبيعي ايه العيوب