اية رايكم فى الاسكوداa4

**mando2002m** · 18-09-2012 10:57 AM

السلام عليكم
اية رايكم فى الاسكوداa4لانى بفكر اجبها ومحتار بينها وبين البى ام 316 موديل98كنت عاوز رايكم فى اسعار قطع الغيار والسرفيس وتوفر قطع الغيار
وشكرا

**mando2002m** · 19-09-2012 05:48 AM

ماشاء الله 49مشاهدة ومحدش علق دى حاجة جميلة اوى

**sala7** · 19-09-2012 10:08 AM

شوف حضرتك
كنت زمان بحب البي ام بس بصراحة من بعد ما ركبت من مجموعة فولكس عرفت يعني ايه العربيات دي
طبعا لا غبار على البي ام ، لكن من وجهة نظري المتواضعة انا شايف اللي ينفع معانا في ام البلد دي هي العربيات اللي من انتاج شركة فولكس مع ان قطع الغيار في العربين مش رخيص و لكن عن تجربة
لو اختارت a4 هتلاقي 4 سكك تجيب منهم قطع غيار (فولكس و اودي و سيات و سكودا) لانهم تقريبا كلهم بيشتركوا في نفس بناء المحركات مع تشابه سنوات الصنع

لو اخترت بي ام مش هتلاقي غير سكة قطع غيار البي ام فقط ناهيك عن بقا قطع غيارها يا مش موجوده يا اما غالية
انا ديما بامتثل للي بيحصل لاصحابي و باخد اللي بيحصل معاهم عبرة و المثال
ليا صديق كان معاه بي ام 96 كشف - اتوماتيك - ركن العربية تحت البيت بيطفي العربية و طالع الا و العربية مش راضية تطفي ، خالع سلك البطارية لحد ما يشوف فيه ايه ..
تاني يوم راح لميكانيكي متخصص بي ام قاله لازم تغير الكونتاك بس لازم تغير معاه الفتيس و الكمبيوتر !!!
و كانت هي

زي ما قلتلك لا غبار على البي ام بس الرفاهية الزائده ليها ثمن
انا بعشق اسكودا a4 لانها بتتسم بعدة ميزات (ثابته جدا - رياضية جدا - موتورها قوي جدا) و دي بردوا تعتبر رفاهية
بس و انت بتشتري حاول انك تنتقي عربية مش متهانة .. لان القديم بردوا مهما كان اسمه مستعمل و قديم
اسف على الاطالة

**charming** · 19-09-2012 01:30 PM

عربية محترمة وبتاعت سفر فى المقام الاول بما تمتاز بة من ثبات وقوة ماتور قطع غيار متوفرة

**mando2002m** · 19-09-2012 02:31 PM

شكرا يا غالى وربنا يسهل والله نا قدامى واحدة 2007 بس عاوز95الف انا شايف ان دة كتير عليهااية رايكوا

**mohamed ic** · 20-09-2012 12:50 PM

غالية شوية

**Madabimo** · 21-09-2012 04:01 PM

غالية طبعا دة ٢٠٠٩ ب٩٢٠٠٠

**Ahmed.Fahmy** · 22-09-2012 07:52 PM

شوف هى عربية ممتازة جدا جدا وهتعجبك خصوصا انها موديل احدث من البى ام ب10 سنين
بس لازم تكشف فى التوكيل

على فكرة انا بايع واحدة مانوال 2009 84000 كم ب77000 وفيها جنوط مومو 17 وبودى كيت وكل ما تشتهى الانفس يعنى الاسعار اللى انت كاتبها دى خيال، هى لو اوتو اخرها لو حالة الزيرو وعداد قليل 85-87 مش اكتر