الموضوع: مشكلة تكيف الافيوا

تكييف الهواء بتاع الافيو مفيهوش ثرموستات .....يعني انت مبتظبطشي درجة الحرارة علي درجة معينة و هو بيشتغل و بيفصل عليها ....
احجز ميعاد في الصيانة و قبل ما تروح تكون مشغل التكييف فترة طويلة عشان يشوفوا المشكلة بعنيهم ....و ربنا يعينك

الحقيقه مش عارف الحل بيكون ازاي للمشكله دي لكن انصح حضرتك بزيارة التوكيل وهم هايعملوها على طول ان شاء الله ده عيب دارج وبيحصل كتير وتفسيره كالآتي :-

اذا كان العرض زي ما انا فهمت ان الهوا بيقل جداً وبتحس حضرتك ان التكيف بيكون مكتوم بعد فتره طويله من تشغيله ده بيكون سببه تكون تلج على السربنتينه المداخليه الموجوده في كابينه العربيه من الداخل او ما يسمى ايضاً بالكويل الداخلي للمكيف التلج ده بيتكون لما الكمبريسور بيفضل فتره طويله شغال من غير ما يفصل ومجرد ما التلج ده بيتكون على السربنتينه الداخليه الطبيعي ان الهوا هايقل طبعاً ويتكتم ....ده بس تفسير بسيط للي بيحصل وبيكون نتيجه ليه ان الهوا يقل ويتكتم.

على فكره ممكن يكون الموضوع ده حاجه عرضيه ولا تستدعي زيارة التوكيل اذا لم تتكرر اوقات بيكون فيه غلط وبتختفي عموماً العلاج الفوري ليها اول ما يحصل كده مش شرط حضرتك تطفي المكيف كله ممكن بس تقفل ال Ac لمده دقيقه واحده بس وشغله تاني هتلاقي الموضوع طبيعي جداً ان شاء الله ...لو اتكرر الموضوع ده يبقى زيارة التوكيل افضل الحلول .

اعتقد انك لازم تروح التوكيل فى اقرب وقت

و ان شاء الله تطلع حاجه بسيطة

المشاركة الأصلية كتبت بواسطة Ramy_Tantawi

الحقيقه مش عارف الحل بيكون ازاي للمشكله دي لكن انصح حضرتك بزيارة التوكيل وهم هايعملوها على طول ان شاء الله ده عيب دارج وبيحصل كتير وتفسيره كالآتي :-

اذا كان العرض زي ما انا فهمت ان الهوا بيقل جداً وبتحس حضرتك ان التكيف بيكون مكتوم بعد فتره طويله من تشغيله ده بيكون سببه تكون تلج على السربنتينه المداخليه الموجوده في كابينه العربيه من الداخل او ما يسمى ايضاً بالكويل الداخلي للمكيف التلج ده بيتكون لما الكمبريسور بيفضل فتره طويله شغال من غير ما يفصل ومجرد ما التلج ده بيتكون على السربنتينه الداخليه الطبيعي ان الهوا هايقل طبعاً ويتكتم ....ده بس تفسير بسيط للي بيحصل وبيكون نتيجه ليه ان الهوا يقل ويتكتم.

على فكره ممكن يكون الموضوع ده حاجه عرضيه ولا تستدعي زيارة التوكيل اذا لم تتكرر اوقات بيكون فيه غلط وبتختفي عموماً العلاج الفوري ليها اول ما يحصل كده مش شرط حضرتك تطفي المكيف كله ممكن بس تقفل ال Ac لمده دقيقه واحده بس وشغله تاني هتلاقي الموضوع طبيعي جداً ان شاء الله ...لو اتكرر الموضوع ده يبقى زيارة التوكيل افضل الحلول .

كلام حضرتك مضبوظ 1000% هوا دة الى بيحصل لكن انا سوالى دلوقتى المفروض الكباس بيفصل كل اد اة و هل فعلا مافيش ثرموستات و ازاى اعرف ان الكباس فصل

المشاركة الأصلية كتبت بواسطة samehafez

تكييف الهواء بتاع الافيو مفيهوش ثرموستات .....يعني انت مبتظبطشي درجة الحرارة علي درجة معينة و هو بيشتغل و بيفصل عليها ....
احجز ميعاد في الصيانة و قبل ما تروح تكون مشغل التكييف فترة طويلة عشان يشوفوا المشكلة بعنيهم ....و ربنا يعينك

مفهوش ثرموستات يعنى الكباس مبيفصلش خالص انا سالت واحد بتاع تكيف قلى المشكلةعندك ان ثرموستات مبيخليش الكباس يفصل علشان كدا بيحصل تكوين تلج على الكويل و ثرموستات راكب فى الكويل و سعرة 110

محدش رد عليا