الموضوع: هى الشرطه دى بحالات O.o

السلام عليكم

امبارح واحنا بنتمشى فى امان الله انا والحج بحثاً عن البنك المركزى المصرى ال فى احمد عرابى تصادفنا بوجود لجنه فيها مقدم وشوية عساكر فقولنا نسأل
الحج : لو سمحت البنك المركزى المصرى فين ؟؟؟
العسكرى : اهه الناحيه التانيه من الطرريق قدام على الشمال
الحج : ماشى شكرا سلام عليك.....
المقدم : رخصك ؟؟؟
الحج : اتفضل رخصة العربيه ورخصتى دقيقه واحده
المقدم : اطلع بالعربيه قدااام ورخصتك
الحج :خد الرخصه وقالى اطلع انت يا احمد بالعربيه على بال ما انزل
انا ( كنت بتكلم فى الموبايل ) : حااااضر
المقدم : العربيه دى مش مطابقه المواصفات شوووف الدخان ال طالع منها عامل ازاى يا استاذ
الحج : انا والله اخدت الميكانيكى ورحنا نظبط العربيه فى المرور على الجهاز ده ومكنش موجود
المقدم فى مشهد كوميدى : مسك الحج من ايده وراح وقف فى نص الطريق شوووف يا فندم العربيات شايف فى دخااان زى ده انا مش بفترى عليك شايف اتفرج ها يا فندم ههههه ولا انا واقف اهزر
انا كنت بضحك وخلاص
الحج : والله ما ينفع خلاص حضرتك هظبط الموضوع ده ان شاء الله
المقدم : الرخص يا ابنى
الحج : متشكر يا فندم
المقدم : اتمنى اشوووفك قريب بس فى خير ان شاء الله
الحج : ان شاء الله . سلام عليكم
المقدم : وعليكم السلام طريق السلامه
وكان فى واحد بيصور بكاميرا فيديو ال بيحصل
الحج : التصوير ده تبع الاداره
الرجل : اه
انا : لو مش تبع الاداره هتزعل
الرجل : لا تبع الاداره
الحج : سلام عليكم
واتكلنا على الله مشينا رحنا البنك وظبطنا وروحنا الحمدلله على خير وعملنا العربيه كمااان

المهم يعنى دى حاله انا مريت بيها مع ظابط كان عسل وسكر وكل حاجه فى موضوع لسه حااصل قريب على وااااحد كل علقه تمام عشان الرخص وGhost ال اتروووق عشان ال 700 جنيه مخالفات
طب دلوقتى نفهم الشرطه ان هما ايه نظامهم افترى ولا كوسيين ولا ال نفسى كلنا نفهموو ان دوول زى اى حد شغاال فى الدوله فى منهم طوااائف الكويس والوحش
وبس !!