-
صنى 1600 فى رابى هى الافضل لقوة ماتورها وازدياد انتشارها كثيرا فى الفترة الاخيرة وقلة سعرها مقارنة بباقى الانواع الاخرى وعموما التقفيل المصرى لها ليس عيب لانها تحت اشراف اليابانيين وكمان وجود بعض الاخطاء فى السيارات بتكون حالات فردية لاتقلل من القيمة الحقيقية للسيارة
-
والله الإلنترا أحسن منهم كلهم هاتلك إلنترا خليجي بفتحة وجنوط وabs ب 115 ألف جم فقط
يكفي إن الإلنترا تاكسي في السعودية من سنة 2002 وماشية بال 300 ألف وال 400 ألف زي الفل وتكييف جامد ومساحة داخلية رهييييييييبة وكراسي مريييييحة وده مش موجود في قريناتها
سيبك من اللانسر إللي كلها عيوب كتكييف وحش وفرامل ضعييييفة وعزل زبالة وكرسي غير مريح بالمرة إلخ........
سيبك من الصني المصري
والكوردبا حلوة طبعا
والياريس دي شكلها زي لعب الأطفال إللي برموت كنترول وماتنفعش تبقى عربية حقيقية أبدا
-
شوف يا سيدي
انا من رأيي انك تتوكل على الله وتشتري تويوتا ياريس اوتوماتيك فوول اوبشنز
انا بصراحة ركبت المانيوال ودي بعض الملاحظات:
ناعمة جدا على الطريق وسحبها ممتاز مع انها 1300 سي سي
عفشة تستحمل الطرق الجميلة
استهلاك بنزين غريب (تقارن بالعربيات الـ 1000 سي سي )
التكييف جميل جدا جدا (سحب العربية لا يتأثر خالص)
شكلها انسيابي ومقبول جدا
ABS + EBD + 2 Air Bags
وعلى فكرة الكراسي مريحة لدرجة انك تحس انك عاوز تنام
توكيل تمام + سعر اعادة البيع كويس + الانتشار الملحوظ
وربنا يوفقك ان شاء الله
رامي (ابو احمد) ....... مؤقتا
-
توكل علي الله واشتري اليارس
وياتري صاحبك بتاع التوكيل اللي في اكتوبر مكانه فين
انا من اكتوبر وكنت عايزه اسال علي التويوتا الكورولا بس الياباني 1600
سعرها كام النهارده
ياريت تسالي وترد عليا وشكرا مقدما
-
معلمومة فقط لصاحب الموضوع انا امبارح كنت في توكيل سيات بتاع جامعة الدول عندهم 2 ابيزا 2008 يعني الابيزا مخلصتش من مصر و هتلاقي تاني في توكيل رمسيس
-
و رأيي هات الياريس بس خلي بالك ثبات متوسط عشان العربية وزنها خفيف و للعلم الابيزا سعر اعادة بيعها مش في الضياع ولا حاجة موديل 2006 اللي هي 75 حصان عاملة دلوقتي حوالي 75 الف موديل 2008 اللي هي بالتعديلات الجديدة abs+esp+ebd+tcs و 85 حصان بتلعب من 80-85 الف يعني مش ضايع ولا حاجة بس السعر هينزل لما ابيزا 2009 تنزل لانها هتبقي خلاص موديل قديم
Content Relevant URLs by
vBSEO 3.6.0 PL2