استفسار فى اجراءات تغيير اللون

**hany63** · 19-09-2012 09:37 AM

المشاركة الأصلية كتبت بواسطة yasser.essam

مع احترامى لجميع الردود

يعنى لما تبقى العربيه من برا مثلاً نبيتى من جوا زيتى هيبقى المنظر من مناسب حتى لإستخدامى الشخصى

واى حد هيشوف العربيه هيقول ده عكّ

حتى لو مش هيشترى

وفى الاول والاخر دى ازواق :)

بس حضرتك هو لونها ايه ؟

الله ينور عليك
وفي الحاله دي لازم يرش الدواخل يعني تقييمها في السوق عامله حادثه
وبعدين الشباب الروش اخره ستيكر عشان لما شكله بيبقى وحش يشيل و يلمع على لونها
و فيه ناس بتغير لون بمزاجها بس مش في هوندا سيفيك 2007 لا موأخذه ده بيبقى في العربيات اللي رخيصه جدا فمش فارقه او حاجه لاحمه نصين

**hany63** · 19-09-2012 09:41 AM

المشاركة الأصلية كتبت بواسطة ahmed_dinamo

وعلى فكره انا معايا عربيه 504 مبتتبعش عشان غيرت لونها عارف رأيى الشخصى رشها لونها وبيعها وهات واحده اللون التانى افضلك سعرها هينزل كتير والله

ودي تجربه عمليه للناس اللي شايفه ان تغيير اللون عادي و بيس
ياريت اللي يقول كلمه يكون متأكد منها بالكامل عشان فيه حاجات ممكن تودي في داهيه

**م/محمد صلاح** · 19-09-2012 01:01 PM

اولا متشكر ليكو جدا لانكم خايفين على مصلحتى ... وعشان كده انا قولت اخد رأيكوا فى البدايه قبل ماعمل حاجه
هى العربيه لونها سيلفر ... هاغيرها احمر ... وطبعا الاحمر مش موجود فى السيفيك خالص فماينفعش ابيعها واجيب الاحمر اللى انا عايزه

العربيه من جوه مافيهاش اى صاج باين ... انا قصدى طبعا على الصالون ... فاللون مش هايبقى مقزز او عك زى مالبعض شايف ... بالنسبه للقوايم او دواخل الباب ممكن تترش عادى ... وزى مالبعض قال برضه دى حاله وبتتعرض واللى عاجبه يشترى مش عاجبه مع السلامه

او ممكن كمان تتعمل استيكر احمر وبرضه هايبقى شكلها كويس ومش وحش

الفكره كلها انى هاعمل نسخه طبق الاصل من الصوره دى

ثالثا اه انا ناوى اورثها لاحفاد احفادى ان شاء الله

**Karim_Monir** · 22-09-2012 10:00 PM

مش هافيدك في الاجرائات بس سهل جدا لو هو عايز يرجع العربية لونها الاصلي هاتكلفه تكلفه رشها
والفضي من الالوان الحلوة لو فتح باب العربية الاحمر لقي فضي
يعني مثلا مش احمر ويفتح يلاقي القايم زيتي ولا ازرق

انا رشيت كبوت عربيتي بعد 3 شهور من الزيرو وبعها رشيت العربية كلها تقريبا عشان مخربش وماسمعتش كلام يوقع تمنها والكلام ده
اللي عايز يشتريها مرشوشة وههايبص على اساسيتها كويس اهلا وسهلا
واللي مش عايز برضه اهلا وسهلا
ومستحيل ابيع لتاجر عربيتي ابدا

**zegna** · 23-09-2012 02:15 AM

هيا المشكلة اكبر من كدة المشكلة ان حضرتك متصور العربية هتتطلع حمرا بحلاوة العربية اللي في الصورة اللي طبعا متكلفة بويا اجنبي غير البويا المعفنة اللي بيستعملوها عندنا فراجع نفسك تاني والقرار قرارك