السلام عليكم،،

في عربية كورولا هايلاين 2010 معروضة على النت، بعد ما اتصلت بصاحب الإعلان ورحت شفتها، اكتشفت إنه معاه توكيل والعربية معاه بقالوا شهرين وبحثت على رقمه لقيته حاطط كذا إعلان لكذا عربية على النت، ولما قولت له انتا تاجر قال لي أنا ابن عمي عنده معرض وبساعده في بيع العربيات، يعني من الأخر اللي فهمته إن ده معرض أساسًا والأخ ده هو اللي بيمثل إنه صاحب العربية وعايز يبيعها عشان يحدث لعربية أحسن.

دلوقتي أنا عايز أعرف إيه خطورة إن الواحد يشتري عربية من "معرض"، وإيه إجراءات الشراء من "توكيل" بدلاً من الشراء من المالك مباشرة؟