ياتري ايه البوجيهات المناسبه للكيا برايد كوري

**wagbr** · 02-07-2008 06:35 PM

انا ياجماعه مركب بوش 3 شمعه في الكيا برايد هو الموتور 1300 Cc موديل 1998 كوري مركبهم ببركه ربنا بمعني اني روحت للميكانيكي بص علي البوجيهات قالي بايظه يابيه بص طبعا انا بصيت بس مفهمتش حاجه قولت لما ارجع اقولكم قالي ات بوجيهات 2 شمعه لا قالي نوع ولا رقم ولا كود ولا اي زفت المهم روحت اجيب اللي قالي عليه الراجل قالي بوجيهات 2 شمعه معنديش في 3 انا قلقت رجعت للميكانيكي قولتله معندهوش 2 عنده 3 شمعه بوش قالي زي الفل روحت جيبتهاله ب 55 جنيه وبعد كده عرفت ان موضوع البوجيهات ده مهم جدا فممكن حد يقولي انسب حاجه للكيا برايد ايه وكوده كام واشتريه منين والكلام ده اصلي دخلت علي السيت بتاع الشركه ومفهمتش حاجه بليز حد يتعب معايا شويه في الموضوع ده وشكرا طبعا للجميع مقدما

**shoudy2005** · 02-07-2008 08:16 PM

اخى انت مش محتاج بوجيهات 2 شمعة ولا حاجة انتا عربيتك 1300 سىسى بس مش محتاجة غير بوجية 1 لكن معرفش اكوادهوم كام

**wagbr** · 03-07-2008 03:41 PM

خنقوني وزهقوني والله ياشودي وانت عارف الصنايعيه في بلدنا احسن ناس تفتي بيحسسني ان فورد ده كان بيلعب معاه بلي في الشارع وهو صغير مش عارف اعمل ايه فلو تعبت معايا شويه في الموضوع ده تبقي انقذتني من حوارتهم

**shoudy2005** · 04-07-2008 12:16 PM

ادينى موديل العربية و كود المحرك

**shoudy2005** · 04-07-2008 12:30 PM

هات NGK Iridium من توكيل NGK و هات طقم اسلاك ngk

**sab3aawy** · 04-07-2008 11:58 PM

اتفضل يا باشا: دة رقم البوجيهات ال NGKالمناسبة للكيات برايد

http://www.ngk.de/index.php?id=659&p...&h=KIA&m=Pride

واكبر موزع لل NGK موجود فى شارع زكى بالتوفيقية، مش فاكر اسمه الأولانى بس هو اسمه حاجة صليب، على ايدك اليمين لو انت وشك ناحية شارع رمسيس

**wagbr** · 05-07-2008 02:24 AM

العربيه كيا برايد كوري 1300 Cc موديل 1998 اكتر من كده اخوك في البالالا وبدونكم كنت بعتها وريحت دماغي

**wagbr** · 05-07-2008 02:30 AM

شودي دايما معايا وسبعاوي اخويا ويايا يبقي طظ في الميكانيكيه ومحدش هيعرف يشتغلني باذن الله

**wagbr** · 05-07-2008 02:32 AM

عايز اركب فلتر اسبور من الصيني ده علي قد الكاشات بس عايز اركبه مكان الاصلي يعني مش ناوي اعدل تفتكره ينفع ويفيد ولا يضر وبكام ومنين وزهقتكوا صح بس والله ماليا غيركم بيجيب من الاخر في العربيات شكرا يارجاله