الموضوع: إعادة تسعير البنزين

أنا هاتأذى جامد فى الحركة دى ومصاريفى كده هتزيد 350 جنيه كل شهر ولا يمكن توفير هذه الزيادة لأن مشاويرى أغلبها أكل عيش :(

المشاركة الأصلية كتبت بواسطة mostafa.ismail

طيب انا موافق على الهباب اللى بيقولوا علية دة بس بشروط
...

هو حضرتك لما تدفع ثمن السلعة الأساسي يبقى هباب ؟

1- وهو الاهم حل مشكلة المرور عشان نص التنك بروح فى الوقفة على الدائرى.

طبعا لازم نحل مشكلة المرور و المشكلة أساسها أحنا ... و عدم تطبيق القانون .
2- الغاء الزفت الجمارك.

3- الغاء الضرايب.
مفيش حاجة أسمها يلغي الجمارك و الضرائب .... طيب يبنيلك كباري منين و طرق منين و انارة منين للشوارع و ازاي يعمل تنمية .... مفيش حاجة ببلاش أخي الكريم .
4- الغاء الدعم عن المصانع والمخابز والفنادق والمستشفيات الخاصة و المطاعم والمدارس وكل منتفع غير المواطن.

يا جماعة أنتوا بتفكروا ازاي .

طيب تعالى نشيل الدعم من على المخابز ........ يعني ثمن العيش هايغلى على المواطن نفسه لأن صاحب المخبز أصبح تكلفة تشغيل المخبز عليه أعلى .

الدعم لازم يتشال مثلا من على الفنادق معاك ...... و المستشفيات الخاصة معاك .... و ممكن المطاعم
إنما المخابز لاءة لغاية ما نبقى عندنا انتاج للقمح يكفي حاجة السكان و ده مستحيل يحصل و أحنا بنزيد مليون و نص أرنب في السنة مع ثبات مساحة الأرض الزراعية و تقلصها للبناء العشوائي عليها .

المشاركة الأصلية كتبت بواسطة m_adeleid

اصلا موضوع الدعم ده نصب من الاول
ازاي
الحكومه بتشوف سعر البترول عالميا و تحاسبنا علي اساسه و الفرق ده بيتقال عليه الدعم
مع ان احنا عندنا بترول و بنسبه كبيره بنستخرجه من اراضينا
يعني بالبلدي كده بترولنا و بيحاسبنا عليه بحساب السوق العالميه
و يصدر منه للدول و يشغل بيه محطات الكهرباء(مع ان الاوفر تشغيلها بالغاز)
فيضطر يستورد اكتر لان الفكر كله من الاصل مش لله
كله لمصالح شخصيه و المواطن صاحب الارض و الخير هوا اللي يدفع
(لو لم اكن مصريا لوددت ان اكون اي جنسيه )

أيه ده هو الحكومة المصرية أعضائها مش مواطنين مصريين ؟؟؟؟؟

المشاركة الأصلية كتبت بواسطة aoa

ما هو اللى بيسافر كده يوميا بتبقى ظروف عمل خاصه بيه فيه بعض المناطق اللى مايقدرش يوصلها غير بعربيته الخاصه

طب انا عايز اسال حضرتك؟
ازاى فى السعوديه عندهم بنزين ال 91 ب 45 هلله يعنى بالمصرى = 73 قرش اللتر
والبنزين ال 95 ب 60 هلله بالمصرى = 98 قرش اللتر

طبعا هاتقولى علشان عندهم حقول نفطيه كتير وكدا
تابع كلام الحكومه اليومين اللى فاتوا دول بيقولوا عندنا حقول نفطيه تكفينا لكام سنه قدام
وعلى فكره اغلبيه السعوديين مشيهم كتير + انهم بيستخدموه فعلا فى رفاهيه

وعلى فكره جزء كبير من الدعم اللى بيتكلموا عنه دة ظاهرى لأن مش كل البنزين اللى بنستخدمه بنستورده علشان يبقى مدعوم
لكن هما بيقارنوه فقط بالسعر العالمى وبيقولوا عنه دعم

الخليج لا يُقارن بمصر أصلا لأختلاف الظروف كليا و جذريا لكلا البلدين .

من حيث عدد السكان .......... كمية الأنتاج (السعودية من أكبر المنتجين في العالم أصلا )

تعالى بقى أقول حضرتك أنت بتقول أن الدعم ظاهري
ظاهري ازاي و هو بيندفع من ميزانية الدولة أساسا .
لو ظاهري مش هايبقى عندك مشكلة إلا في الجزء المستورد منه .
و هو فعلا دعم مادي مدفوع من الميزانية العامة للدولة .

سعر الأنتاج العالمي أغلى من كدا أساسا بكتير .

===============
بريطانيا الدولة الوحيدة في أوروبا اللي بتنتج بترول تقريبا .
و مفيش فيها حاجة أسمها دعم ........ كله بيكوع و يدفع ثمن السلعة الأصلي لكل شئ .

الدعم ده المفروض يروح للمدارس و المستشفيات و دعم الأسر الفقيرة المعدومة .

المشاركة الأصلية كتبت بواسطة egyzizo

أنا هاتأذى جامد فى الحركة دى ومصاريفى كده هتزيد 350 جنيه كل شهر ولا يمكن توفير هذه الزيادة لأن مشاويرى أغلبها أكل عيش :(

طيب ليه مش نفكر في بدائل و نستغنى عن العربيات الكبيرة و نجيب عربيات ما بين 1000 إلى 1300 سي سي زي أوروبا ما بيعملوا ...
و توفر فلوس جامد ؟

عايز أقول على حاجة .

في أوروبا بيعتبروا العربيات 1600 عربيات ساحقة للبنزين ... سفاحة بنزين و لذلك
الحكومة بتشجع الناس تركب عربيات أصغر و كل لما الموتور يصغر تدفع ضرائب أقل و تأمين أقل .
بس أحنا محتاجين مواصلات عامة نظرا للتدكس الرهيب لكمية البشر على مساحة صغيرة من الأرض و أيه مش أي بشر ... مصرييننننن.