المشاركة الأصلية كتبت بواسطة youssef.awad
يا جماعة هدوا نفسكم .. فأنا متعاطف مع كل المستلمين القدامى وقلبى معاكم كلكم واكيد هأكون متضايق زيكم وأكتر كمان لو كنت مكان اى عضو فيكم وحصل اللى حصل ده ..
واسمحولى اقول رأيى بكل حيادية ولا ناقة لى ولا جمل بنيسان سوى انى امتلك صنى 2010 مانيوال ..
ومش نوع البطارية اللى هايخلى واحد يشترى العربية من عدمه ..
مع ملاحظة ان الفارق المادى بين السائلة والجافة لا يتعدى 100ج وممكن اوى تغيرها اول ما الواحد يستلم العربية لو متضايق ..
او ينتظر لحد اما تجيب آخرها ويغيرها ..
حتى لو باظت واتحرقت لعدم الصيانة الدورية فعندكم الضمان اللى بيغطى استبدال مع تحمل كلى او جزئى حسب الفترة (وحصلت مع اصدقائى فى الصنى القديمة مو2010 غيروا البطارية فى اول 6 شهور بأخرى جافة من التوكيلات المختلفة)
وبعدين لازم نشوف الجانب الايجابى فى الخبر .. ان المصنع وتوكيل نيسان فى مصر بيستجيب لعملائه وارائهم وملاحظاتهم باهتمام وقد ما يقدر بيقوم بادخال تعديلات على العربيات المنتجة حديثا.
واحب افكر حضراتكم ان نفس الوضع ده حصل فى الصنى القديمة عاما بعد عام طيلة فترة تجميعها من 2006 حتى 2012 على مدار 7 سنوات وكان ابرزها:
1. تعديل مقاسات الاطارات والجنوط من 14 الى 15 بوصة
2. تركيب حساس الاكسجين لتقليل استهلاك البنزين عند الشكوى المستمرة من العملاء وتحديدا فى 2010 (الجدير بالذكر ان فى فترة استلامى لعربيتى 6/2010 وجدت عربيتى بها حساس وعربيات اخرى لأصدقائى نفس السنة والشهر ولا يوجد بها !!!)
3. ايضا لا ننسى تعديل ضغط الاطارات من 32-29 الى 36-33 لتقليل الشكوى باستهلاك البنزين العالى والباور الثقيل
4. تركيب نظام فرامل abs فى بعض الموديلات المانيوال والاتوماتيك ex saloon وعدم اقتصارها على فئة السوبر صالون فقط لمزيد من التميز والمنافسة فى فئتها وزيادة معدلات الامان فى العربية.
5. لا نغفل ايضا معالجة كافة عيوب الصناعة بكل احترام فى فترة الضمان والتى ظهرت مع عملائها وكان ابرزها ضفيرة الكهرباء فى موديلات 2010/2011 وغيرها من باقى اجزاء السيارة.
وأخيرا .. لا أحد منا يكره ان يكون التغيير للأفضل !!!
وهذا ما اعتدناه من نيسان مصر اهتمامها بأدق التفاصيل لتلافيها والتغلب عليها للحفاظ على سمعتها ومنافستها بقوة فى السوق المحلى .
ولابد من الا نغفل العملاء اللى حاجزين من اكتر من شهرين او 3 شهور بدون استلام ،
والله اعلم هايستلموا على نفس السعر او سعر اغلى من المستلمين القدامى ..