الموضوع: حصرى لقسم نيسان .. رسـميا نيسـان تطــور من نفســـها

المشاركة الأصلية كتبت بواسطة ahmed.tv

تسلم على تقديرك الجميل اللى من القلب يا بوحميد .. بحبك فى الله

والله بص اللى اعرفه والله اعلم .. لانه على قدر علمى .. ان فى حاجات بتكون جلوبل .. عالمية واساسية من نيسان اليابان صعب يغيروا فيها عشان بيكونوا متفقين مع شركات .. وبينزل استندر فى كل سيارتهم فى العالم .. على سبيل الميثال .. الكاوتش المكسيس .. صعب يعدولوا فيه عشان ده جلوبل وبينزل فى كل عربيات الصنى فى العالم زى ما بينزل فى الهند والخليج بس مش متاكد هل بينزل فى امريكا بردوا ولالا .. ومع ذلك بيحاولوا يعملوا اقصى ما فى وسعهم عشان ارضاء العملاء .. وبيتناقشوا كثيرا اكيد فى مفاوضات كبيرة عشان يغيروا لصالح العملاء والمنتج ..

والبطارية تعتبر من المكونات المحلية .. فاعتقد سهل انهم يعدلوا ويغيروا فيها بالاتفاق مع الشركة الموردة للبطاريات

وان شاء الله يكون فى دايما جديد .. وانا بتوقع ان كل فترة ان نيسان ايجيبت حتقدم جديد ومفاجاءت لعملائها .. سواء من تركيب فلاتر مجانية .. زى ما حصل قبل كدا للصنى الشكل القديم .. وخصومات على الصيانات .. وكمان اكيد حنشاهد تغيرات واضافات على السيارة الصنى الشكل الجديد .. كما حدث من قبل فى الصنى الشكل القديم

لان مطلبات السوق المصرى .. بتجبر اى منافس قوى على التغير والتطوير .. حتى يلاحق المنافسة وارضاء عملائه

تحياتى

بسم الله الرحمن الرحيم

الحمد لله حمدا كثيرا طيبا مباركا فيه ملئ السموات وملئ الارض وملئ ما شاء ربنا من شئ بعد

اللهم صلى وسلم وبارك على خير خلقك نبينا محمد خاتم المرسلين


أخى وحبيبى أحمد مصطفى تى فى

أحبك الله الذى أحببتنا فيه وجعل لك الرضا والسعادة فى الدنيا والآخرة

طبعا كلامك صحيح وسليم تماما 100 % وطبعا الموضوع بالاساس شئ عظيم وتفكير وتنفيذ رائع من نيسان ايجيبت لانه فى النهاية فى صالح عميل نيسان وكذلك لصالح العلامة العملاقة نيسان
وخصوصا ان هناك اشياء تكاد الفروق المادية من حيث التكلفة بينها لا تذكر اذا قارنها بالفروق الجوهرية فى استخدام العميل للمنتج وكذلك التزام الشركة بالضمان والصيانة حتى بعد الضمان وكمثال من المعروف ان البطاريات السائلة لها سلبيات واضرار تنتج عن التفاعل للمواد الكميائية السائلة من املاح وخلافه فى حين ان البطاريات الجافة الجميع يعترف انها الاجود فى الاداء والاستخدام اذا فالفارق الضئيل بين التكلفة لا يحتاج تأخير فى القرار .

ولكن بالتأكيد إذا كانت هناك عقود بين نيسان الأم فى اليابان وبين شركات بعينها لتوريد هذا الصنف لمصانع نيسان العملاقة حول العالم فبالتاكيد ستنتهى هذة العقود فى وقت ما وهذا التصرف من نيسان ايجيبت وحتى وإن كان فى بلدنا الحبيبة مصر التى تعانى من الإهمال فى المنتجات والخدمات المقدمة للمستهلك ولكن بالتاكيد هو مؤشر ممتاز ورائع من نيسان على تقديم الافضل للمستهلك حتى فى شئ من الممكن ان لا يذكر فى ما بعد من المستهلك بعد التعميم ولكن هكذا يجب ان تكون الكيانات والمؤسسات الكبيرة تهتم بالتفاصيل الدقيقة سعيا للنجاح الثابت .

اشكرك جدا يا احمد على هذا الموضوع والنقاش الجميل .

سبحان الله العظيم وبحمده ( من قالها غرست له نخله بالجنة ان شاء الله )

الحمد ولا اله الا الله والله اكبر

اللهم صلى وسلم وبارك على نبينا محمد خير خلقك