العربية بطلت تشتغل

**mtsaber** · 20-09-2012 01:36 AM

المشاركة الأصلية كتبت بواسطة mohammedaladel

renault megane cambelt dephaser pulley - youtube
megane iii 2009 1.6 16v dephaser pulley 2011-11-14 - youtube

لو متأكد من سلامة الكويلات والبوجيهات ممكن تكون الهزة من قواعد الموتور على ما أعتقد هما 3 والله أعلم واحد من فوق ع الشمال والاتنين التانيين من تحت

الصوت زي اللي موجود في الفيديوهات اللي حضرتك جبتها ، بس السؤال دلوقتي هل الترس ده لما يبوظ ميخليش العربية تدور خالص؟
تسلم ايدك على الفيديوهات يا باشا..

**Ahmed Selim** · 20-09-2012 08:17 AM

المشاركة الأصلية كتبت بواسطة mtsaber

الصوت زي اللي موجود في الفيديوهات اللي حضرتك جبتها ، بس السؤال دلوقتي هل الترس ده لما يبوظ ميخليش العربية تدور خالص؟
تسلم ايدك على الفيديوهات يا باشا..

لو الصوت زى اللى في تاني فيديو ( أنا متفرجتش على الأول) يبقى كده لازم تغير ترس الديفازر فى أسرع وقت

أعتقد تكلفته خارج التوكيل كانت فى حدود 500 جم.

بس حاول تروح لحد فاهم رينو بدل ما تروح لواحد ملوش فيها يبوظلك حاجة تانية لا قدر الله.

**Ahmed Selim** · 06-10-2012 05:02 PM

المشاركة الأصلية كتبت بواسطة mtsaber

معلش يا أ/احمد بالنسبة للرجرجة اللي في الموتور الميكانيكي بيقولي انها محتاجة ظبط التاكيهات ، ولو كانت المشكلة كده بتحتاج مع الظبط جوان وش سلندر ولا لأ ؟؟

ظبط تاكيهات ؟؟؟؟؟

حاول تبعد عن الميكانيكي ده خالص............ظبط التاكيهات بيتم أوتوماتيك فى الميجان.

و عموماً ضبط التاكيهات ملهوش علاقة بجوان وش السلندر.

هى الرجرجة بتظهر أزاي معاك..............يعنى لو العربية دايرة بتكون موجودة حتى لو شغلت التكييف و لا بتزيد مع تشغيل التكييف و تقل لو قفلته ؟

عموماً علشان أنت مش فى مصر أنصحك تروح تكشف فى التوكيل و تشوف هيقولولك أيه و تعمله برة..............متخليش الميكانيكي ده يفتي.