تركيب قطمه كامله و الايموبليزر فى المفتاح بالصور

السلام عليكم

ملابسات الحدث:

عربيتى ابيزا 94 مسقط فيها موتور 1.4 انجيكشن APQ اشتريت الموتور بالضفيره من ناحيته بس يعنى نص ضفيره ومن جوه العربيه الضفيره زى ما هى
فضلت انكش وانكش لحد لما وصلت ان الموتور اتركب معاه وحده ايموبلايزر واللى عرفته ان كل المكن الانجيكشن بتاع البولو والابيزا لازم ايموبلايزر عشان يشتغل
ولان الايموبلايزر بييجى مع المفتاح وانا عندى مفتاح عادى فكان الموضوع واصل بلدى بمعنى ان الشيب بتاعه الايموبلايزر اللى المفروض تكون جوه المفتاح ملزوقه
بشريط لحام فوق الريدير اللى بدوره بينقل السيجنال للكنترول عشان الموتور يشتغل

الهدف:

انا عندى مفتاح الكونتكت بايظ وكمان التاره وكنت ناوى اجيب قطمه كامله اوفرلى بس مكنتش عايز اركب القطمه بتاعه ال94
لان شكل الطاره مش عاجبنى ولانى كنت عايز اشغل الايموبليزر اللى عندى لان هبقى مطمن اكتر لو عارف ان لو مين دخل جوه مش هيعرف يدورها

دى صوره للقطمه اللى عندى والزرارين اللى على يمين الطاره كان واحد بيفتح كونكت وواحد دواره

http://www8.0zz0.com/2012/05/10/13/651681701.jpg

وده شكل من النت للطاره اللى جبتها

http://www7.0zz0.com/2012/08/14/13/847627091.jpg

الادوات:

مفك صليبه
مفك عاده للظروف
بيبه طويله 13
مفتاح ناحيه وناحيه 13
شريط لحام
كشاف صغير

خطه العمل:

رحت لايمن بتاع عباد الرحمن وفضلت ازهق فيه شويه لحد ما جابلى قطمه محترمه حاله ما شاء بمفتاح عادى بس اللى فيه ايموبليزر وسنتر ولحسن الحظ الطاره طلعت متحركه
واتفقت معاه انه يشيل القطعه اللى فى المفتاح اللى من فوق اللى فيها الايموبليزه ويشيل الريدر كمان مقابل انه يدينى قطعه تشبهها بس مش شغاله لان كده كده انا هحط الايموبلايزر بتاعى فيها
القطمه كامله بدون كابلات خالص ب350 بالعافيه
اخدت القطمه ورحت لواحد صاحبى ميكانيكى عشان نركبها وهو استنى عليا لحد مانا شيلت كل التوصيلات اللى راكبه فى القطمه القديمه الاشارات والمساحات وخلافه وبعدين حليناها مع بعض وخرجناها بره
وهى عباره عن صامولتين ماسكين القطمه لفوق تحت التابلوه ومسمار ماسك المشرشر وزى كلبس بيركب كبس وبيتشال عن طريق ضفر حديد
وانا ركبت التوصيلات على القطمه الجديده عشان اتاكد انها شغاله
بعد كده صاحبى نزل عند اخر القطمه لقى صاموله ماسكه المشرشر ركبها فى القطمه الجديده وبعد ما كنت مركب الكونتكت على زراير وعك بقت شغاله على المفتاح عادى كل ده وانا لازق الشيب اللى معايا فوق الريدر عشان العربيه ترضى تدور
بصراحه انا ذاكرت القطمه وتوصيلاتها كويس جدا من المانيوال قبل ماعمل اى حاجه وكنت الى حد كبير عارف انا بعمل ايه مع ان ابو صاحبى قاللى روح لكهربائى راح صاحبى قاله متقلقشى هو فاهم
بعد التركيب اخدت نفسى عشان اجرب مع المفتاح وبصراحه معرفتش اصور القطمه وهى بتركب بس صورت الايموبلايزر وكيفيه تركيبه جوه المفتاح

تركيب الايموبلايزر بالصور:

اولا انا كان معايا الشيب ده

http://www5.0zz0.com/2012/09/19/20/665542618.jpg

ده حجمه تقريبا 1.0سم × 0.5سم وده شكل المفتاح

http://www5.0zz0.com/2012/09/19/20/235686370.jpg

بنفك المفتاح بسهوله لانه كبس وبيكون شكله كده

http://www5.0zz0.com/2012/09/19/20/377113254.jpg

فى الصوره دى واضح حجم الشيب بالنسبه للسلاح بتاع المفتاح

http://www5.0zz0.com/2012/09/19/20/982418317.jpg

الدايره الحمرا بتبين مكان صغير مربع فاضى

http://www5.0zz0.com/2012/09/19/20/991242323.jpg

رحت انا مبيت الشيب براحه فى المكان الفاضى واللى بالمناسبه مناسب جدا ليها

http://www5.0zz0.com/2012/09/19/20/929916139.jpg

بعدين نقفل المفتاح تانى كبس ونجرب ولو مشتغلتشى ممكن تفتح المفتاح تعكس اتجاه الشيب

http://www5.0zz0.com/2012/09/19/20/490281921.jpg

ملحوظه شكل الشيب زى شريحه الموبيل فيه حته منه مقشوطه من الجانب انا خليت الجنب المقشوط من فوق ناحيه باقى المفتاح والجنب المتساوى ناحيه السلاح

النتائج:

القطمه ركبت كانها الفبريكه ما شاء الله ومريحه جدا فى الاستخدام وجميع الدراعات تعمل بكفاءه
تركيب الايموبليزر فى المفتاح نجح ولله الحمد بنسبه 100% والعربيه بتدور من اول مره
الطاره عشان متحركه فا فيها من تحت دراع عباره عن مفتاح التثبيت بتاعها ولان القديمه مكنتشى متحركه بالتالى مكان البلاستيك اللى حوالين القطمه مفيهوش مكان للدراع ده وده اللى خلانى ادور على واحده استيراد تركب عندى

اسف على الاطاله وعد ارفاق صور لفك وتركيب القطمه
يرجى من المهندس محمد سيد تنسيق الموضوع وضبط الاخطاء ان وجدت واضافته لسلسله تعلم عمل الصيانات بنفسك

الصور الباقيه اهى

دى صور للطاره بعد ما ركبت تمام
http://www8.0zz0.com/2012/09/20/23/272400727.jpg

ودى صوره دراع التحكم فى الطاره
http://www8.0zz0.com/2012/09/20/23/896566224.jpg

دى صوره للقطمه وهى بره (دى اللى كانت راكبه)
الدايره الحمرا اماكن تثبيت القطمه بالمسامير 13 فلا جسم العربيه
الدايره الصفرا الضفر الحديد اللى بيثبت الطاره من تحت كبس بدون مسامير
الدايره الخضرا هى الصليبه او المشرشر بتاع القطمه واللى كان بيسأل عليها اخويا Agaty
http://www8.0zz0.com/2012/09/20/23/833158273.jpg

الصوره دى للصليبه من قريب وده بيبقى الشكل السليم منها
http://www8.0zz0.com/2012/09/20/23/332627564.jpg

اماكن التثبيت الاساسيه بينها وبين الكونتكت حوالى 10 سم
http://www8.0zz0.com/2012/09/20/23/284035640.jpg

صوره المسمار بعد ما اتربط فى جسم العربيه
http://www8.0zz0.com/2012/09/20/23/590599898.jpg

صوره المسمار التانى
http://www8.0zz0.com/2012/09/20/23/110241948.jpg

صوره القطمه من تحت وفى النص الصليبه وفوق المسمار اللى قافل على الاكس او المشرشر وتحت مسمارين تثبيت القطمه مع الزور اللى طالع من علبه الدركسيون وهو بيكون فيه طول سنه عشان الطاره لو متحركه
http://www8.0zz0.com/2012/09/20/23/600473592.jpg

صوره الصليبه وهى طبعا ميتعرفش حالتها بالنظر لازم تتجرب وفكرتها قريبه من الكوبلن لازم تكون محكومه جدا ومفيهاش بوش
http://www8.0zz0.com/2012/09/20/23/268923201.jpg

مسامير الزور 13 برضه
http://www8.0zz0.com/2012/09/20/23/670531444.jpg


تم دمج المشاركات بواسطتي بناء علي طلب صاحب الموضوع بتجميع الصور كلها في مشاركة واحدة.
وتغيير لون الكتابة من الأحمر للنبيتي لتتوافق مع قواعد المنتدي.

منسق القسم
22-9-2012

مبروك
ومشكوررر علي مجهودك ..

طب دلوقتي في حاجه في دماغي
انت بتقول الماتور مبيشغلش غير بايموبلايزر
يبقي انت كده جبت الماتور بوحده الايموبلايزر بالشيب اللي كانت راكبه في المتاح صح كده
طب والكنترول ؟؟ ecu
هل اخدته ولا اللي عندك اشتغل؟ اعتقد انك لازم تاخد الكونترول بتاعه برضه

تسلم ايدك يا ابو حميد
الله ينور عليك

ياريت ترفع باقي الصور علشان نحطها في المشاركة وندخله مع اخواته في اعمل صياناتك بنفسك

في انتظار الصور

والله المستعان
،
،

اقتباس:

---

المشاركة الأصلية كتبت بواسطة khalid_adel

طب دلوقتي في حاجه في دماغي
انت بتقول الماتور مبيشغلش غير بايموبلايزر
يبقي انت كده جبت الماتور بوحده الايموبلايزر بالشيب اللي كانت راكبه في المتاح صح كده
طب والكنترول ؟؟ ecu
هل اخدته ولا اللي عندك اشتغل؟ اعتقد انك لازم تاخد الكونترول بتاعه برضه

---

بص يا باشا
هو اللي انا متأكد منه انه اكيد ركب الكنترول وهو بيسقط الموتور
لأن اهم جزء في عمل الأيموبلايزر هو تدخل الكنترول في اعطاء أشارة للرشاشات عشان تفتح وكمان يعطي الأمر للبوجيهات علشان تدي الشرارة

وبغض النظر تماما عن الأيموبلايزر طالما في انجيكشن يبقي لازم يكون في كنترول
لأن مين اللي هينظم عمل الرشاشات وينظم كمية وتوقيت البخ من الرشاشات في عدم وجود الكنترول ؟؟؟؟

وبردو في انتظار رد أحمد علي سؤالك

تحياتي

طيب انا عندي سؤال يا جماعه انا المفتاح عندي زي المفتاح اللي في الصور الاختلاف بس في الجزء المعدني بتاع المفتاح انا عندي مستطيل متساوي الاطراف من الخارج والشرشرة من الداخل في شكل مجري وبرده الاختلاف ان في عندي فحمه في السلاح بتاع المفتاح المهم ان الريموت اللي في المفتاح مش شغال وكنت عايز اشغله فهل ممكن يتصلح ولا هضطر اغيره وتغيره هيتكلف اد ايه ؟

اقتباس:

---

المشاركة الأصلية كتبت بواسطة simsim_scorpio

طيب انا عندي سؤال يا جماعه انا المفتاح عندي زي المفتاح اللي في الصور الاختلاف بس في الجزء المعدني بتاع المفتاح انا عندي مستطيل متساوي الاطراف من الخارج والشرشرة من الداخل في شكل مجري وبرده الاختلاف ان في عندي فحمه في السلاح بتاع المفتاح المهم ان الريموت اللي في المفتاح مش شغال وكنت عايز اشغله فهل ممكن يتصلح ولا هضطر اغيره وتغيره هيتكلف اد ايه ؟

---

باشا
الموضوع دة اتناقشنا فيه كتير اوي اوي اوي
والخلاصة حاجة من اتنين
اما الأستقبال مش شغال عندك - او البطارية بتاعة المفتاح
اما عايز يتكود من جديد

في الحالتين لازم التجربة

وبصراحة ملك التكويد الأستاذ احمد مبارك
اما تنتظره
او دور في المشاركات علي اي مواضيع مشابهة وهتلاقيه رادد فيها

وانا من ناحيتي لو لقيت موضوع التكويد في سكتي هبعتلك اللينك بتاعه

تحياتي

اقتباس:

---

المشاركة الأصلية كتبت بواسطة s o p h o s

مبروك
ومشكوررر علي مجهودك ..

---

ربنا يبارك فيك

اقتباس:

---

المشاركة الأصلية كتبت بواسطة khalid_adel

طب دلوقتي في حاجه في دماغي
انت بتقول الماتور مبيشغلش غير بايموبلايزر
يبقي انت كده جبت الماتور بوحده الايموبلايزر بالشيب اللي كانت راكبه في المتاح صح كده
طب والكنترول ؟؟ ecu
هل اخدته ولا اللي عندك اشتغل؟ اعتقد انك لازم تاخد الكونترول بتاعه برضه

---

زى ما المهندس محمد سيد وضح انت بتشترى الموتور بالكنترول بطقم الدواره من غير الكونتكت وهو عباره عن الشيب والريدر اللى هى الحلقه وعلبه سودا تانى معرفشى اسمها وفيشه الاعطال اللى متوصلين فى النهايه بالكنترول وبصراحه انا كنت قاعد لما احمد رفع الكنترول بتاعى وحط مكانه الكنترول بتاع المكنه وعلى فكره خده ليه مع انه مش من حقه

اقتباس:

---

المشاركة الأصلية كتبت بواسطة syd

تسلم ايدك يا ابو حميد
الله ينور عليك

ياريت ترفع باقي الصور علشان نحطها في المشاركة وندخله مع اخواته في اعمل صياناتك بنفسك

في انتظار الصور

والله المستعان
،
،

---

هو انا معنديش صور تانى غير بس هنزل اصور الطاره و دراع التحكم فيها وممكن اصور اماكن المسامير اللى بنفك منها ومكان الضفر الحديد بس مش هعرف احلها تانى وارجو يكون ده كافى

اقتباس:

---

المشاركة الأصلية كتبت بواسطة syd

بص يا باشا
هو اللي انا متأكد منه انه اكيد ركب الكنترول وهو بيسقط الموتور
لأن اهم جزء في عمل الأيموبلايزر هو تدخل الكنترول في اعطاء أشارة للرشاشات عشان تفتح وكمان يعطي الأمر للبوجيهات علشان تدي الشرارة

وبغض النظر تماما عن الأيموبلايزر طالما في انجيكشن يبقي لازم يكون في كنترول
لأن مين اللي هينظم عمل الرشاشات وينظم كمية وتوقيت البخ من الرشاشات في عدم وجود الكنترول ؟؟؟؟

وبردو في انتظار رد أحمد علي سؤالك

تحياتي

---

كلام مظبوط 100%

اقتباس:

---

المشاركة الأصلية كتبت بواسطة syd

باشا
الموضوع دة اتناقشنا فيه كتير اوي اوي اوي
والخلاصة حاجة من اتنين
اما الأستقبال مش شغال عندك - او البطارية بتاعة المفتاح
اما عايز يتكود من جديد

في الحالتين لازم التجربة

وبصراحة ملك التكويد الأستاذ احمد مبارك
اما تنتظره
او دور في المشاركات علي اي مواضيع مشابهة وهتلاقيه رادد فيها

وانا من ناحيتي لو لقيت موضوع التكويد في سكتي هبعتلك اللينك بتاعه

تحياتي

---

هو انا كان قدامى اجيب المفتاح اللى هو مسح وفيه مجرى بس عشان القطمه بتيجى بمفتاح واحد قولت مش هعرف اطلع عليه فى حاله المفتاح حصل فيه حاجه
صحيح المفتاح اللى عندى من جوه فى زى حاجه بتبعت انفرا اظن دى بتاعه التكويد لان كنت شايفك انت واحمد مبارك عمالين توجههوا ناحيه الريدر وتدوسوا دوسات طويله ساعه المقابله بس انا معنديش سنتر وراكب فيها 2 كهربا ورا ومفصولين
السؤال بقى هو سنتر العربيه فى الاساس بيكون تابع لايه يعنى ايه هى وحده الاستقبال جوه العربيه وهل ممكن استفاد باى شكل ما من الريموت اللى معايا ده بمعنى ممكن انى اشترى السنتر بتاع العربيه واوفقه على المفتاح ؟

اقتباس:

---

المشاركة الأصلية كتبت بواسطة acoal

هو انا كان قدامى اجيب المفتاح اللى هو مسح وفيه مجرى بس عشان القطمه بتيجى بمفتاح واحد قولت مش هعرف اطلع عليه فى حاله المفتاح حصل فيه حاجه
صحيح المفتاح اللى عندى من جوه فى زى حاجه بتبعت انفرا اظن دى بتاعه التكويد لان كنت شايفك انت واحمد مبارك عمالين توجههوا ناحيه الريدر وتدوسوا دوسات طويله ساعه المقابله بس انا معنديش سنتر وراكب فيها 2 كهربا ورا ومفصولين
السؤال بقى هو سنتر العربيه فى الاساس بيكون تابع لايه يعنى ايه هى وحده الاستقبال جوه العربيه وهل ممكن استفاد باى شكل ما من الريموت اللى معايا ده بمعنى ممكن انى اشترى السنتر بتاع العربيه واوفقه على المفتاح ؟

---

متابع

ما شاء الله رائع يا هندسه و كمان السعر و التكلفة ممتازة مكنتش اتخيل ان الدنيا عندك تتظبط بالرقم ده و لكن الفضل لله ثم لمجهودك الرائع و اللي عجبني جدا في الموضوع ده

ألف مبروك يا باشا
و ياريت بالمره تأرط على المسمارين اللي تحت التوربيدو جنب ماكينه المساحات عشان القطمه تبقى ممسوكه كويس
و عاوز أسألك على حاجه، القطمه عندي لما بلف الدريكسيون بحس ان الأكس مش بيلف وهو ثابت و في بوش من تحت لدرجة ان بحس فيه بيخبط في الدالات و انا دايس فرامل و دبرياج و في صنايعي بص عليها و قالي ان فيه جلبه بتحك الأكس من تحت مش موجوده، الكلام ده صح ولا لأ؟

اقتباس:

---

المشاركة الأصلية كتبت بواسطة acoal

ربنا يبارك فيك

زى ما المهندس محمد سيد وضح انت بتشترى الموتور بالكنترول بطقم الدواره من غير الكونتكت وهو عباره عن الشيب والريدر اللى هى الحلقه وعلبه سودا تانى معرفشى اسمها وفيشه الاعطال اللى متوصلين فى النهايه بالكنترول وبصراحه انا كنت قاعد لما احمد رفع الكنترول بتاعى وحط مكانه الكنترول بتاع المكنه وعلى فكره خده ليه مع انه مش من حقه

---

العلبة السودا دي - واصل فيها فيشتين (كابلين) واحد منهم اخره الريدر reader (الحلقة اللي راكبة حوالين الكونتاكت) ودي بتاخد الأشارات من المفتاح وتوصلها للعلبة السودا -
اما الكابل التاني او الفيشة التانية - رايحة للكنترول بعد ماتوصله الأشارة وتعمله acknowledgment بأن الأشارة تمام
طب وهي دورها ايه ؟؟؟!!!

العلبة دي سعادة الباشا هي المتخزن فيها الكود code ومنها تقدر تreset الكود او تغيره او تعمله disable
يعني لو حضرتك لاقدر الله لأي سبب من الأسباب مفتاحك ضاع (وللأسف مش معاك غير نسخة واحدة فقط) بكدة العربية عمرها ماهتدور
تقوم سعادتك فاكك العلبة السودا دي وطالع بيها علي حد بتاع مفاتيح مشفرة وليكن عزب يقوم يحطها علي الكمبيوتر (عن طريق كايبلات بتتوصل بيها) ويعمل reset للكود او regenerate لكود جديد او ممكن تلغيه خالص وتريح دماغك بس طبعا لا ينصح بيها والا تبقي فقدت اهم واحسن واحلي وسيلة لتأمين السيارة.
وعلي فكرة هتلاقي المفتاح مكتوب عليه من علي اليمين سيمنز siemens وبردو لو بصيت علي العلبة السودا دي هتلاقي مكتوب عليها siemens.
والعلبة دي ليها مكان بتتثبت بيه بمسمارين عند علبة الفيوزات .

يعني مما سبق تقدر تقول علي العلبة السودا دي انها هي الكنترول او الكمبيوتر بتاع الأيموبلايزر ان لم تكن هي الأيموبلايزر نفسه

اقتباس:

---

المشاركة الأصلية كتبت بواسطة acoal

هو انا كان قدامى اجيب المفتاح اللى هو مسح وفيه مجرى بس عشان القطمه بتيجى بمفتاح واحد
قولت مش هعرف اطلع عليه فى حاله المفتاح حصل فيه حاجه
صحيح المفتاح اللى عندى من جوه فى زى حاجه بتبعت انفرا اظن دى بتاعه التكويد لان كنت شايفك انت واحمد مبارك عمالين توجههوا ناحيه الريدر وتدوسوا دوسات طويله ساعه المقابله بس انا معنديش سنتر وراكب فيها 2 كهربا ورا ومفصولين
السؤال بقى هو سنتر العربيه فى الاساس بيكون تابع لايه يعنى ايه هى وحده الاستقبال جوه العربيه وهل ممكن استفاد باى شكل ما من الريموت اللى معايا ده بمعنى ممكن انى اشترى السنتر بتاع العربيه واوفقه على المفتاح ؟

---

يا باشا انت بتقول في ايه ؟؟؟

اذا كان احنا اللي عربياتنا نازلة بيه وفيها انذار وسنتر (هوا) فبريكة والليد بتاع الأنذار راكب في الباب ومع ذلك لما بيهيس او بيبوظ مش بنعرف نصلحه تقوم انت عايز تخترعله انذار ؟؟؟؟

انت جبت المفتاح وهتركب عليه الأنذار ؟؟؟

انت أقصي أحلامك انك تركب انذار وولف
طب ليه الوولف ؟؟؟؟
علشان الوولف بيقبل 3 أكواد أضافية فوق الكودين بتوع الريموتين اللي جايين معاه
يعني تقدر توفق اشارات المفتاح اللي معاك وتخلي جهاز الأنذار يقبل الشفرة الجديدة بتاع المفتاح اللي معاك
بس طبعا دة ليه شروط وطريقة في تركيب الأنذار أصلا بس للأسف الصنايعية الجمال بتوعنا في مصر مش بيركبوا يجي نص المكونات اللي بتيجي مع الجهاز الأنذار
عشان كدة لو هتجيب انصحك تروح تجيبه من التوكيل بتاعه وتركبه طرفهم (ليهم ورش بتركبه وكمان بيضمنه لمدة سنة باين او 3 مش فاكر) وتوكيلهم علي ما اعتقد كان في المعصرة ناحية حلوان والمصنع في 6 اكتوبر
وكاتبين هما الطريقة التكويد في المنيوال بتاع الجهاز الأنذار


تحياتي لسعادتك احمد باشا
ومنتظرين الصور زي ما اتفقنا - عايزين نعمل شغل جامد - انا ايدي بتاكلني
ههههههه

أشوفك علي خير يا حبيبي قريبا جدا - ومش هقبل اي اعذار نهائي

والله المستعان
،
،

ممكن اعرف موضوع تسقيط الماتور اتكلف كام علشان انا عايز اعملة

اقتباس:

---

المشاركة الأصلية كتبت بواسطة ehab_mansour

ما شاء الله رائع يا هندسه و كمان السعر و التكلفة ممتازة مكنتش اتخيل ان الدنيا عندك تتظبط بالرقم ده و لكن الفضل لله ثم لمجهودك الرائع و اللي عجبني جدا في الموضوع ده

---

بشمهندس ايهاب واحشانى ردودك
بينى وبينك انا كنت فاكر برضه انها هتفتح لان المنظر كان مش مبشر بس مسكت المانيوال وفضلت اراجع موضوع القطمه والمفتاح لحد ما فهمت ان الدنيا ممكن تتظبط على ايدى والحمد لله ربانى هدانى انى اجيب قطمه وانا ورزقى فى موضوع الايموبليزر اشتغل خير وبركه مشتغلشى كنت هعلقه فى ميداليه منفصله للامان فقط
دايما رافع معنوياتى يا يشمهندس شكرا لدعمك

اقتباس:

---

المشاركة الأصلية كتبت بواسطة agaty1st

ألف مبروك يا باشا
و ياريت بالمره تأرط على المسمارين اللي تحت التوربيدو جنب ماكينه المساحات عشان القطمه تبقى ممسوكه كويس
و عاوز أسألك على حاجه، القطمه عندي لما بلف الدريكسيون بحس ان الأكس مش بيلف وهو ثابت و في بوش من تحت لدرجة ان بحس فيه بيخبط في الدالات و انا دايس فرامل و دبرياج و في صنايعي بص عليها و قالي ان فيه جلبه بتحك الأكس من تحت مش موجوده، الكلام ده صح ولا لأ؟

---

ربنا يبارك فيك يا باشا
بالنسبه للمسمارين اللى تحت التربيدو هما مربوطين للاخر والقطمه القديمه كانت ما شاء الله عليها حديد ده غير انها اول مره تتحل وكانت رخمه شويه وركبت الجديده بسهوله الحمد لله
بالنسبه لموضوع الاكس اللى تحت ده فهو مشرشر ليه ناحيه ممسوحه عشان يركب فيها مسمار عشان يمسكها فى الصليبه هتقولى يعنى ايه صليبه
الصليبه دى عباره عن مفصله بتنقل الحركه بس بين حاجتين غير ثابتين او مش على خط واحد وفعلا ممكن تكون هى السبب
اقولك حل هيريحك من كل ده انا هنزل صور للاكس والصليبه والمسامير اللى رابطه الاكس فى الصليبه واللى ماسكه القطمه فى جسم العربيه انت بس راجع اخر مشاركه
وعلى فكره الاكس كان اهم حاجه وانا بشترى القطمه ببص عليها
والصليبه هى القديمه بتاعتى وعلى فكره الصليبه بتتباع لوحدها عادى يعنى

اقتباس:

---

المشاركة الأصلية كتبت بواسطة syd

يا باشا انت بتقول في ايه ؟؟؟

اذا كان احنا اللي عربياتنا نازلة بيه وفيها انذار وسنتر (هوا) فبريكة والليد بتاع الأنذار راكب في الباب ومع ذلك لما بيهيس او بيبوظ مش بنعرف نصلحه تقوم انت عايز تخترعله انذار ؟؟؟؟

انت جبت المفتاح وهتركب عليه الأنذار ؟؟؟

انت أقصي أحلامك انك تركب انذار وولف
طب ليه الوولف ؟؟؟؟
علشان الوولف بيقبل 3 أكواد أضافية فوق الكودين بتوع الريموتين اللي جايين معاه
يعني تقدر توفق اشارات المفتاح اللي معاك وتخلي جهاز الأنذار يقبل الشفرة الجديدة بتاع المفتاح اللي معاك
بس طبعا دة ليه شروط وطريقة في تركيب الأنذار أصلا بس للأسف الصنايعية الجمال بتوعنا في مصر مش بيركبوا يجي نص المكونات اللي بتيجي مع الجهاز الأنذار
عشان كدة لو هتجيب انصحك تروح تجيبه من التوكيل بتاعه وتركبه طرفهم (ليهم ورش بتركبه وكمان بيضمنه لمدة سنة باين او 3 مش فاكر) وتوكيلهم علي ما اعتقد كان في المعصرة ناحية حلوان والمصنع في 6 اكتوبر
وكاتبين هما الطريقة التكويد في المنيوال بتاع الجهاز الأنذار


تحياتي لسعادتك احمد باشا
ومنتظرين الصور زي ما اتفقنا - عايزين نعمل شغل جامد - انا ايدي بتاكلني
ههههههه

أشوفك علي خير يا حبيبي قريبا جدا - ومش هقبل اي اعذار نهائي

والله المستعان
،
،

---

باشا صباحك زى العسل
اولا احب اقولك انى كنت من سنتين هنا بسأل على عربيه ابيزا مفيهاش موتور وخايف اشتريها ولما لقيت التشجيع اتوكلت على الله لانى اتأكدت ان الناس هنا هتساعدنى بكل اللى عندها وده فعلا اللى حصل
انت تصدق عليا انى كنت اعرف الايموبليزر وادخل نفسى فى المتاهات دى بس شفت قعدت اصدعكو قد ايه قبلها هى دى القضيه
افكر فكره مجنونه شويه واشوف رد فعلكو من ناحيتها لقيت فى نسبه 50% انها تنفع شكرا اكمل واجمد قلبى لقيت اقل من كده بفكنى منها
انا بطلب منك وبتقل عليك وعايزك تفهمنى دوره السنتر فى العربيه وطريقه عمل السنتر الهوا وبياخد الاشاره ازاى وانا سمعت انه بيشتغل من غير البطاريه يعنى ممكن يقوم من غير كهربا
بس انا هرفعلك الصور فى مشاركه دلوقتى عشان تنسق الموضوع
باقى الصور اظن هتكون كافيه اللى حد ما
الصور فى المشاركه اللى تحت

اقتباس:

---

المشاركة الأصلية كتبت بواسطة sam_eh420

ممكن اعرف موضوع تسقيط الماتور اتكلف كام علشان انا عايز اعملة

---

رديت عليك على الخاص

يا باشا متشكر جدا على اهتمامك بس معلش أنا متلخبط شويه
سبب البوش
المشرشر اللي في الدايره الخضرا
ولا الصليبه اللي سبه صليبة الكردان هيه اللي مبوشه بتتباع جديده ولا لزم قطمه استيراد ؟
ولا فيه جلبه ناقصه زي الصنايعي ما قالي

على فكره فيه حاجه زياده عندي مش موجوده عندك و هيه كاوتشه راكبه في القطمه (شبه كاوتشة الكوبلن) الجنب الضيق منها معدي منه الأكس بتاع القطمه و الجنب الواسع سادد الفتحه اللي في دواسة العربيه و اللي القطمه بتعدي منها للخارج و تركب في علبة الدركسيون، ودي ركبهالي زكريا الهواري بعد معاناه رهيبه مع عرسه بنت عرسه كانت بتدخل العربيه و معاها أكلها و تاكل و تشرب و تتبول جوه العربيه و وريتني الويل وحططتني في مواقف محرجه مع كل اللي يركب معايا من ريحة الصالون و لففتني عند كذا واحد لحد ما رحت لزكريا و هو اللي عرف السبب ، فنصيحه ركبها لأنها بتمنع دخول القوارض و التراب و الهواء الساخن للصالون

اقتباس:

---

المشاركة الأصلية كتبت بواسطة agaty1st

يا باشا متشكر جدا على اهتمامك بس معلش أنا متلخبط شويه
سبب البوش
المشرشر اللي في الدايره الخضرا
ولا الصليبه اللي سبه صليبة الكردان هيه اللي مبوشه بتتباع جديده ولا لزم قطمه استيراد ؟
ولا فيه جلبه ناقصه زي الصنايعي ما قالي

على فكره فيه حاجه زياده عندي مش موجوده عندك و هيه كاوتشه راكبه في القطمه (شبه كاوتشة الكوبلن) الجنب الضيق منها معدي منه الأكس بتاع القطمه و الجنب الواسع سادد الفتحه اللي في دواسة العربيه و اللي القطمه بتعدي منها للخارج و تركب في علبة الدركسيون، ودي ركبهالي زكريا الهواري بعد معاناه رهيبه مع عرسه بنت عرسه كانت بتدخل العربيه و معاها أكلها و تاكل و تشرب و تتبول جوه العربيه و وريتني الويل وحططتني في مواقف محرجه مع كل اللي يركب معايا من ريحة الصالون و لففتني عند كذا واحد لحد ما رحت لزكريا و هو اللي عرف السبب ، فنصيحه ركبها لأنها بتمنع دخول القوارض و التراب و الهواء الساخن للصالون

---

باشا ولا يهمك كلنا اخوات
المهم بقى انك لازم تنزل وتوسع مكان الاكس والصليبه وتحرك الطاره وتشوف من فيهم اللى ثابت ومين اللى ماسك وبيلف مع الطاره
بمعنى انا بس وضحتلك الاماكن اللى ممكن تسبب المشكله بس مقدرشى احدد مشكلتك بالظبط ممكن ابص عليها لو فى مقابله قريبه ان شاء الله
موضوع الكاوتشه دى فعلا كانت ناقصانى ولانى بصراحه مش راكب ابيزا من زمان تقدر تقول انى معرفىش القطع الناقصه يعنى انا قلبى كان حاسس ان فى حاجه بتركب هنا عشان تسد الهوا او تدخل اى قوارض بس مكنتشى متأكد خصوصا ان المكان ده مبيجيش من ناحيته هوا ابدا وفى مره جربت تجربه بسيطه كنت بعرف بيها جوده عزل العربيه وهى كالاتى
سديت فلتر الهوا اللى فى الطوربيدو بكيس بلاستيك بس سيبته منفوخ وفتحت الكبوت ووقفت اخويا بره ولان الفلتر ده ليه مسارات ملتفه كتيره معنى كده ان العربيه لما اجى اقفل وافتح هتاخد وتطلع الهوا من الفتحات الاقرب والاسهل لكن لو مفيش هتستخدم فلتر الهوا والتجربه كانت نتيجيتها ان الكيس بيتنفخ جدا لما بقفل الباب ويتسحب للاخر لما بفتحه والحمد لله انها جت سليمه لانى نسيت نفسى جوه 5 دقايق وكنت بدات اتخنق وانا مركز فى الكونسول اللى فى النص وده اللى خلانى شيلت الكيس بسرعه وخفت لحسن فى قفله الشنطه ولا حاجه الازاز اللى قدام يطير :)
المهم استنتجت ان المكان ده مقفول من بره بكاوتشه او اى حاجه تانيه

اقتباس:

---

المشاركة الأصلية كتبت بواسطة acoal

باشا ولا يهمك كلنا اخوات
المهم بقى انك لازم تنزل وتوسع مكان الاكس والصليبه وتحرك الطاره وتشوف من فيهم اللى ثابت ومين اللى ماسك وبيلف مع الطاره
بمعنى انا بس وضحتلك الاماكن اللى ممكن تسبب المشكله بس مقدرشى احدد مشكلتك بالظبط ممكن ابص عليها لو فى مقابله قريبه ان شاء الله
موضوع الكاوتشه دى فعلا كانت ناقصانى ولانى بصراحه مش راكب ابيزا من زمان تقدر تقول انى معرفىش القطع الناقصه يعنى انا قلبى كان حاسس ان فى حاجه بتركب هنا عشان تسد الهوا او تدخل اى قوارض بس مكنتشى متأكد خصوصا ان المكان ده مبيجيش من ناحيته هوا ابدا وفى مره جربت تجربه بسيطه كنت بعرف بيها جوده عزل العربيه وهى كالاتى
سديت فلتر الهوا اللى فى الطوربيدو بكيس بلاستيك بس سيبته منفوخ وفتحت الكبوت ووقفت اخويا بره ولان الفلتر ده ليه مسارات ملتفه كتيره معنى كده ان العربيه لما اجى اقفل وافتح هتاخد وتطلع الهوا من الفتحات الاقرب والاسهل لكن لو مفيش هتستخدم فلتر الهوا والتجربه كانت نتيجيتها ان الكيس بيتنفخ جدا لما بقفل الباب ويتسحب للاخر لما بفتحه والحمد لله انها جت سليمه لانى نسيت نفسى جوه 5 دقايق وكنت بدات اتخنق وانا مركز فى الكونسول اللى فى النص وده اللى خلانى شيلت الكيس بسرعه وخفت لحسن فى قفله الشنطه ولا حاجه الازاز اللى قدام يطير :)
المهم استنتجت ان المكان ده مقفول من بره بكاوتشه او اى حاجه تانيه

---

أنشاء الله يا باشا نتقابل قريب
موضوع الكيس ده مش مقياس لأني حاطط الكيس ده عندي عشان العربيه بلاقي جواها تراب مش طبيعي و كمان العرسه كانت بتتدخل و الكيس برضه كان بيتنفخ و يتشفط
الفتحه دي ليها غطاء خارجي لو بسيط ورا الموتور فوق علبة الدركسيون هاتلاقيه على سكل بوق و ده عشان يمنع دخول المياه أثناء الغسيل و عشان التراب لكن لازم برضه الكاوتشه الداخليه و انا ممكن أصورهالك بس المشكله في رفع الصور عمره مانفع معايا فابعتلي إيميل أبعتلك عليه صورة الكاوتشه

اقتباس:

---

المشاركة الأصلية كتبت بواسطة agaty1st

إن شاء الله يا باشا نتقابل قريب
موضوع الكيس ده مش مقياس لأني حاطط الكيس ده عندي عشان العربيه بلاقي جواها تراب مش طبيعي و كمان العرسه كانت بتتدخل و الكيس برضه كان بيتنفخ و يتشفط
الفتحه دي ليها غطاء خارجي لو بسيط ورا الموتور فوق علبة الدركسيون هاتلاقيه على سكل بوق و ده عشان يمنع دخول المياه أثناء الغسيل و عشان التراب لكن لازم برضه الكاوتشه الداخليه و انا ممكن أصورهالك بس المشكله في رفع الصور عمره مانفع معايا فابعتلي إيميل أبعتلك عليه صورة الكاوتشه

---

انا فعلا محتاج اشوفه عشان لو كده اجيبه استيراد واهو اضمن برضه من دخول الحشرات او القوارض
بالنسبه للصور طريقه الرفع سهله جدا انا هشرحهالك بالصور اولا تخش على الموقع ده 0zz0.com
ودول صفرين مش حر o

هتلاقى المنظر ده
http://www5.0zz0.com/2012/09/23/16/439556560.jpg

هندوس على بروز ونختار الصوره
http://www5.0zz0.com/2012/09/23/16/294342746.jpg

ممكن تعمل ابلود لاكتر من صوره باضافه حقل وبعدين تدوس رفع
http://www5.0zz0.com/2012/09/23/16/493622739.jpg

تعمل سيليكت على كود المنتديات وتعمله كوبى وبست فى المنتدى
http://www5.0zz0.com/2012/09/23/16/835802406.jpg

وده شكل اللينك بعد ما تنسخه
http://www5.0zz0.com/2012/09/23/16/981905796.jpg

يفضل تعمل اشتراك على الموقع عشان يلملك كل الصور اللى بترفعها فى فولدر خاص بيك
http://www5.0zz0.com/2012/09/23/16/237095876.jpg

اعمل بعدها معاينه المشاركه او معاينه الموضوع وان شاء الله هتلاقى الصور ظهرت
يارب اكون افدت
مستنى بقى الصور يا باشا