عرض للطباعة
السلام عليكم
حصلت معايا مشكله في عربية a5 بتاعت صحبي عمل بيها حادثه والايرباج الي في الطاره طلع وهوا مكنش رابط الحزام
دلوقتي الحزامين قافشين في مكانهم متحجرين مش عاوزين يتحركو وانا سمعت ان العربيه بتحرق الحزامين عشان التأمين لما ييجي يعرف انك مكنتش لابس الحزام
حل الموضوع ده ايه ازاي نصلح الحزام ولا بيتغير كله ؟؟
حمد لله على سلامه صديقك اولا بالنسبه للحزام ملوش حل الا ان الحزاميين يتغيرو وده علشان فيهم زى امان برضه علشان وانت سايق لقدر الله ولابس الحزام يقفش لوحده وميخلكش تترجرج بالنسبه للتامين معتقدش ان ليهم دعوه بالحزاماقتباس:
المشاركة الأصلية كتبت بواسطة m.osama
يعني مفيش حاجه ف كمبيوتر العربيه تفك الحزامين دول ؟؟ ولو لازم التغيير اسعارهم كام تقريبا ؟؟ وجداد ولا استيراد ؟اقتباس:
المشاركة الأصلية كتبت بواسطة eldell
على حد علمى كدا مدفع حزام الأمان ضرب بس ظروفه إيه الله أعلم المفروض لما يكون قافش يبقى إنت كدا كإنك لابس ا لحزام والله أعلم
لأنك لو مكنتش حاطط الفيشة بتاعة الحزام فى بيتها أعتقد إن الحزام كان يا إما ما يضربش ويا إما يضرب برضه وفى الحالتين دول التأمين ممكن يعرف زى ما إنت ما قولت
بس معرفش هل فعلا قصدهم عشان التأمين والفحص الهندسى لظروف الحادث ولا لأ
هو ممكن يفك الليلة كلها ويفك الحزام ويشوف إيه اللى حصل أو يكلم التوكيل
وأنا متابع بإهتمام
هتغير الحزامين وهما بيقفلوا عشان خاطر الأمان مش التأمين خالص ومينفعش يتعملهم حل بالكمبيوتر لإن بيبقى شبه القفل وميكانيكي مينفعش يرجع لوضعة
اقتباس:
المشاركة الأصلية كتبت بواسطة mohammedaladel
ايوه تمام. هوا مفروض يقفل الحزام لو انا لابسه فعلا.. ولو ان دا اجراء غلط جدا !!!! لاني هقطع الحزام ازاي بعد الحادثه وبعدين دا الحزام مكلبش بطريقه رهيبه كانك بتشد في حيطهاقتباس:
المشاركة الأصلية كتبت بواسطة yoko
غالبا معتقدش انه ممكن يقفش كدا لو كان ملبوس.. لانه ممكن يتسبب في وفاة السائق لو فيه حريق او حاجه لا قدر الله في العربيه.. والغالب انه فعلا قفش كده عشان اثبات حالة انه مكنش مربوط
المهم بقي.. الحزامين دول يعملو كام كده ؟؟
هو مش إثبات حالة لأى حاجة..........ده أمان للركاب.
عارف لو رابط الحزام و حيت تشده بالراحة هيتشد معاك.........و لو جيت تشده جامد و بسرعة مش هيتشد......هو ده اللى بيحصل دلوقتي.
ده أسمه seat belt pensioners بس أعتقد أنها المفروض تفك بعد كده مع نفسها علشان اللى راكبين يعرفوا يخرجوا لو كانو رابطين الحزام.
حاول تنزل تدور عليهم فى الحرفيين إستيراد.........لو مكنش معتقدش أنك هتلاقيهم غير فى التوكيل و بيكونو غاليين..........بس مش عارف السعر.
هتدوس على زرار فك الحزام هيتفك عادي جدا لكن مش هيروح ويرجع معاك
+1111111111111111اقتباس:
المشاركة الأصلية كتبت بواسطة yoko
فعلا مش هيرجع تانى يعنى هتفكه عادى من مكانه بس مش هيلف على البكره هيفضل سايب كده
اقتباس:
المشاركة الأصلية كتبت بواسطة yoko
الحزام اصلا في مكانه الحزام مكنش مشدود وقت الحادثه !!اقتباس:
المشاركة الأصلية كتبت بواسطة eldell
الحزام فى مكانه إزاى يعنى كان مربوط خلف السواق ولا كان مش مربوط خالص ؟؟؟؟
هو على العموم حزام الأمان العادى زى ماقال الأستاذ أحمد فوق دا نظام عمله القصور الذاتى أول ما العربية تقف فجأة وإنت بتتحرك لقدام بسرعتها الحزام بيتشد بيبقى فيه لسان جوا مع الحركة السريعة جدا بيروح طالع لفوق يعشق فى البكرة البكرة تقف ومتلفش نظام طرد مركزى
بالنسبة للحزام فى الأوكتافيا أعتقد إن ليه مدفع حزام أمان ودا زى الإيرباج بالظبط بيضرب يشد الحزام من الوسط ومن القايم بيشدك لورا على الكرسى
بس كدا الحزام بيبقى محتاج تغيير الجزء اللى باظ منه عشان يرجع يشتغل تانى والكمبيوتر يقرأ إن كله تمام
لأن انفجار الحزام زى انفجار الإيرباج بالظبط وفيه تواصل بينهم
يعنى لو الحزام مفتوح المفروض ميضربش لو مشدود المفروض يضرب ودا الطبيعى
وبتفك عادى من الكلبسة بتاعته زى ما قال يوكو
لو مرضيش يتفك معلش دا يبقى دى حالة شاذة ودا عيب فى الحزام نفسه فى تصنيعه مثلا لأن هو بيشدك وقت الحادث وخلاص وبعد كدا بتفك الفيشة عادى ودا موجود فى أغلب العربيات الحديثة الأوروبى
ما أخدتش بالي أنه مكنش مربوط..........الطبيعي أنه بيبقى شادد جامد بعد الحادثة.......و علشان تطلع تفك الحزام عادي.
لو كل الفكرة اللى أنت بتسأل عليها أنه مش بيتحرك برة و جوة فى المجرة بتاعته..........يبقى ده عادي.
شوف الكلام اللى تحته خط.
Pretensioners preemptively tighten the belt to prevent the occupant from jerking forward in a crash. Mercedes-Benz first introduced pretensioners on the 1981 S-Class. In the event of a crash, a pretensioner will tighten the belt almost instantaneously. This reduces the motion of the occupant in a violent crash. Like airbags, pretensioners are triggered by sensors in the car's body, and most pretensioners use explosively expanding gas to drive a piston that retracts the belt. Pretensioners also lower the risk of "submarining", which is when a passenger slides forward under a loosely worn seat belt. An alternative approach being looked at by major car companies is the CG-Lock technology whereby the occupant is held in position via the lap belt in order to prevent the passenger from coming out of position in the event of a crash[citation needed]. Some systems also pre-emptively tighten the belt in fast accelerations and strong decelerations even if no crash has happened.
ياباشا المقصود من كلامنا ان حتى لو كنت رابط الحزام كان هيضرب ومكنش هيرجع فى مكانه يعنى فى كلا الاحوال الحزام بيضرباقتباس:
المشاركة الأصلية كتبت بواسطة m.osama
اقتباس:
المشاركة الأصلية كتبت بواسطة eldell
هو إنه يضرب وهو مش مشدود يعنى الفيشة بتاعته مش واصلة مش شرط إنه يضرب بل أنا شايف إنه المفروض ميضربش وهو مش مربوط
وجايز برضه يكون نظام العربية إن سواء مربوط أو لأ هيضرب مع الإيرباج الحتة دى ممكن تختلف من عربية لعربية أو ماركة لماركة أخرى والله أعلم
اه تمام، الكلام مظبوط بس ده في حالة انه تكون لابس الحزام فعلا.. انما هوا مكنش مستعمل،، جايز برده يكون في الحالتين بينفجر. والله اعلماقتباس:
المشاركة الأصلية كتبت بواسطة ahmed a.maksoud
لو رابطه وضرب.. دا اجراء طبيعي، انما لو مش رابطه وضرب دا معناه انه بيضرب في كل الاحوال او بيضرب من أجل غرض معين،، عامه انا سألت ع الحزامين لقيتهم ب 1000 جنيه !!اقتباس:
المشاركة الأصلية كتبت بواسطة eldell
بالظبط.. حسب العربيه.. وجايز تكون العربيه ضربته غلط.. الكلام ده ممكن يفيدنا فيه حد من التوكيل بقياقتباس:
المشاركة الأصلية كتبت بواسطة mohammedaladel
لأ ضربته غلط دى هى اللى صعبة جدا أنظمة الأمان مفيهاش هزاراقتباس:
المشاركة الأصلية كتبت بواسطة m.osama
أنا أقصد إن ممكن يكون ضرب الحزام إجبارى مع ضرب الإيرباج أو مشروط بإنك تبقى لابسه
بس فى الرينو ميجان بيضرب حتى لو مش لابس الحزام والله أعلى وأعلم :) اللى خلانى بقول كدا لأنى كنت شفت مرة وأنا بدور على ميجان عربية مستعملة على النت صاحبها بيقول إن العربية فاتحة 2 إيرباج و 2مدفع حزام أمان وأعتقد إن الراكب الأمامى مش بيبقى لابس الحزام لما السواق نفسه فى أغلب الأحيان مش لابسه عشان كدا معتقد إن الحزام بيضرب مع الإيرباج فى الميجان
لأن برضه الإيرباج الأمامى بتفتح حتى لو ماكانش حد قاعد على الكرسى الأمامى جمب السواق
هو كده كده هيضرب سواء ملبوس ولا لاء و الغرض انه ضرب و هو مش مشدود عشان شركة التامين تعرف ان السواق مكنش لابسه مش عشان تلفيات العربيه لا عشان التامين بره بيبقى تامين شامل على العربيه و صاحبها اللي لو اتعور او اتوفى مالوش حق في البوليصه لو مش لابسه انما في مصر الناس بتامن على العربيه بس و مش مهم البني ادم
معنى كلام حضرتك إنك لو مش لابس الحزام المدفع هيضرب
فى الحالة دى هل مش هينفع تحط الحزام فى مكانه تانى فى الفيشة يعنى
ولا الحزام البكرة هتفضل تلف وتسحب الحزام لفوق وبكدا التأمين هيعرف إنك مكنتش لابسه ؟؟؟؟
الفكرة كلها إحنا عايزين نعرف آلية عمل الحزام بالظبط
بالظبط.. الحزام كده بيضرب في الحالتين.. سواء مربوط او لأ.. بس الفكره هوا لو مربوط وضرب الضربه دي هيتفك ازااي ؟؟ هيفك لوحده ولا لازم اشيل سكينه تحت الكرسي :d :dاقتباس:
المشاركة الأصلية كتبت بواسطة mohammedaladel
المفروض إنك تشيل الفيشة عادى من مكانهااقتباس:
المشاركة الأصلية كتبت بواسطة m.osama
اها.. انت صح.. المدفع بيضرب بس الفيشه ملهاش دعوه ممكن تفتح.. صح كده :))اقتباس:
المشاركة الأصلية كتبت بواسطة mohammedaladel
بالظبط كدا والله أعلم
هي كده بتقفش لما يحصل حادثه هتلاقيهم استيراد
هو انا فعلا لاحظت حاجة غريبة بعد الحادثة بتاعتنا الحزام مرجعش مكانه تانى