اقتباس:
المشاركة الأصلية كتبت بواسطة eng.sameh
اكيد مش مضايق ، هو انا دافع حاجة من جيبي :) ،
بالظبط كده
انا سؤالي ليه لما ميكونش فيه رد منطقي نلجأ بقه للردود بتاع ايه اللي دخل الاوروبي ونشيل ونحذف الكلام اللي مزعلتا
الكلام اللي أتحذف فيه تجريح لأعضاء في المنتدي لأنه لايصح أن تطلق ألفاظ مثل (قطيع - مش عارفين يركبوا عربيات) و أنا بطلبي حذف تلك العبارات أو المشاركات خدمتك لأنك كان ممكن تأخد وقف نظرا لمخالفتك قواعد المنتدي
.. ماهو يا اما يكون فيه رد منطقي يؤيد وجهة نظرك او تعترف بصحة وجهة نظر الاخرين ، او حتى تقول بشتري شكل ومش فارق معايا حاجة تانية ولا عاجبني شكل تاني ( مثلا يعني ) ..
فعلا أنا مش فارق معايا اي كلام يتقال عن العربية دي لأني أصبحت مقتنع بها جدا بعد أمتلاكي لها علي مدار سنة و مقتنع اكثر أن اللي جرب غير اللي بيسمع
ومقولتليش برضو .. ما هو ميثاق قسم هيونداي ( للإفادة ) ؟؟
تقدر حضرتك تقرأ ميثاق نجوم هيونداي في المواضيع المثبتة و ياريت كمان تقرأ قواعد المنتدي
أحنا بنتقبل النقد لكن بدون تجريح في اشخاص او تشكيك في أختياراتهم و أنا شخصيا عمري ما أتكلمت عن عربية وحش أو قلت دي أسوأ عربية مراعاة لشعور زملائنا بالمنتدي و أكيد أنت مش هاترضي أن حد يقول عليك أنك ماشي زي ما الناس ماشية و الكلام اللي أنت قولته
حاجة كمان مهمة اوي :
القيادة كانت و هاتفضل
فن - ذوق - أخلاق
مش بنوع و لاماركة العربية , و ياما ناس راكبة عربيات فخمة جدا و ماركات أوروبي تقيلة أوي و لا يعرفوا اساسيات القيادة و بيعطلوا الطريق بينما تجد سائق معه 128 أو حتي راكب موتوسيكل فاهم القانون و عارف يمشي كويس