الحمد لله انها جات على كدة يا باشا ....
دأنا فـ مرة ماشى بالعربية في منطقة دار السلام -- للى مايعرفش دار السلام ، بيسموها الصين الشعبية ، تكاتك وميكروباصات و بنى أدمين و ناس من المريخ :d -- المهم كنت بتفادى واحد بالعربية ، وبعدين الطريق وقف ، لقيت شاب جاى بيقولى على فكرة انت خبطت الراجل اللى وراك وانت بتعديه ، قولتله ايه ؟! بابوص ورايا في المراية على الراجل لقيته بينورلى الكشافات وبيشاورلى في العربية بإيديه فيما معناه يعنى لاء يعنى مفيش حاجه ... لقيت الشاب دة جيه من الشباك اللى جمبى ، وانا كنت فاتحه تلات تربع فاتحه كدة تقريباً -- يعنى ممكن اى حد ماشى ياخد اى حاجه من التابلوه -- وساعتها انا كنت حاطط الموبيل ع التابلوه ،، المهم لقيت اللى ورايا بقى جانبى وبيقولى مافيش حاجه يا باشا ،، وفى نفس ذات اللحظة ، اتخيلت بإيد حد جواه العربية من ناحية الشباك اللى جانبى وانا بابص للراجل من الشباك بتاعى ،، وهووووووب ملقتش الموبيل !!
و اللذيذ في الموضوع .. ان الشاب فضل واقف راح جالى وبيقولى ، شوفت يا باشا ؟ وانا باصصله كان هو ماسك الموبيل في ايده ومخبيه ، وظاهر منه حتة كدة ، انا شوفت الموبيل في ايده أقسم بالله اقسم بالله كمان مرة ، قولتله هات الموبيل !! وبكل هدوء !! وانا قاعد في العربية ومنزلتش !! راح مدهونى في ساعتها ههههههههههههههه والله العظيم زى ما بقولك كدة بالظبط ، دة حتة مفكرش انه يجرى بعد ما سرقه ، او بعد ما قولتله كدة !!! انا استغربت اوى بعديها وفضلت اضحك ضحك ... مابقتش عارف مين العبيط فينا :d
من ساعتها الشباك اللى جانبى دة تقريباً مابيتفتحش ،، و لو اتفتح بفتحه ربع فاتحه هو والشباك بتاعى ..

معلش طولت عليك ،، بس فعلا الحمد لله انها جات على اد كدة ... وربنا يوقفلنا ولاد الحلال دايما ،، ويسترها مع الجميع ،، تحـــــــــــياتى .،.