تحذير من احتمال وقوع زلزال في القاهرة

**wawoo** · 03-07-2008 03:45 PM

المشاركة الأصلية كتبت بواسطة kh_talaat

بصراحة أنا مش مصدق الموضوع دة خالص ... لأن لحد دلوقتي مفيش أي حد في العالم قدر يتنبأ بزلزال وربنا يحميكي يا مصر من الزلازل و رجال الأعمال الفاسدين

لا يمكن التنابؤ حاليا بتوقيت الزلازل دة صحيح , بس ممكن بالدرسات توقع زيادة او نقصان الاحتمالات حسب المكان , و القاهرة فعلا بتتعرض حاليا لزالزل اكتر من الماضى , بدليل اخر زلزال حدث من اسبوعين تقريبا و كان بدرجة 4 على مقياس ريختر .
و من علامة الساعة زيادة عدد الزلازل , و دة حاصل فعلا فى العالم كلة مش مصر بس .

**Chicco** · 03-07-2008 08:06 PM

إن لم تخني الذاكرة علماء مرصد حلوان توقعوا حدوث زلزال قبل ١٩٩٢ و لم يهتم بهم أحد في وقتها
ربنا يستر ..هي الحكاية مش ناقصة

**mohamed_88sk** · 03-07-2008 08:20 PM

سبحان ذي الجباروت والملاكوت والكبرياء والعظمه...
اللهم يعافينا ويعافيكم من شر الزلازل ...يارب أسترها ..

#5

اليوم, 07:51 AM
محمد ابراهيم 1

تاريخ الانضمام: 08May2007
محل السكن: alex

بسم الله الرحمن الرحيم
إذا زلزلت الأرض زلزالها وأخرجت الأرض أثقالها وقال الإنسان ما لها يومئذ تحدث أخبارها بأن ربك أوحى لها
صدق الله العظيم

صدق الله العظيم

**wawoo** · 03-07-2008 09:33 PM

المشاركة الأصلية كتبت بواسطة Chicco

إن لم تخني الذاكرة علماء مرصد حلوان توقعوا حدوث زلزال قبل ١٩٩٢ و لم يهتم بهم أحد في وقتها
ربنا يستر ..هي الحكاية مش ناقصة

اول مرة اعرف الموضوع دة , انت متاكد من الكلام دة ,

**Chicco** · 03-07-2008 09:51 PM

زلزال ١٩٩٢ مش أول زلزال يضرب مصر ...أكيد تعرف أن فيه زلازل مدمره كتير في تاريخ مصر القديم و الحديث ...بعد السد العالي النشاط الزلزالي كتر جدا و كان بيتم رصده عن طريق مرصد حلوان ...و طلع تحذير الزلزال قبل ١٩٩٢ بكام سنة بس ما حدش أداله إهتمام ساعتها ...كل الكلام ده من الذاكرة و قد أكون مخطئ

**misho2mimy** · 09-07-2008 12:21 AM

كذب المنجمون ولو صدقوا
مع احترامي الكامل يرجي نشر اللينك الخاص بمصدر المقال وشكرا

**zalpany2000** · 09-07-2008 12:37 AM

انا عن نفسي مش قلقان علشان ببساطة مش ضامن اني افضل لبكرة عايش...
يا جماعة كل دي بتتسمي ارهاصات علمية، يعني فروض وليس لها أسس علمية راسخة تخلي الناس تتصرف بناء عليها و تحسب ليها... يعني مثلا لو ناقشنا موضوع ارتفاع حرارة الأرض وغرق بعض السواحل ... دي ثابته علمية و تستحق التمهيد ليها... ليه .. لأنها ليها شوهاد وأدلة وقرائن ومراحل بتم واحدة بعد التانية و بتتحقق وبتتقاس قياسات علمية.
إنما بالذات في الأرصاد والفلك علي ما اعتقد.. المسألة بتخضع لمتغيرات كتييير بتتغير من وقت للتاني
يعني هاديكم مثال صغير
من فترة مش قليلة بتاع 10 -15 سنه
قالوا ان نهاية العالم وشيكة لأن فيه نيزك ضخم احتمال اصطدامه بالأرض كبير جدا
و فيه ناس بدأت تتنتحر في العالم
و ناس تانية عملت فوضي و سرقات و حاجات فيها خراب شديد
و في النهاية ... فشنك

و بعدين يا جماعة الاشياء اللي فيها توقعات دي ديما ربنا بيثبت لينا يوم بعد يوم انه احنا ضعاف بشكل مهول ماحدش يقدر يعرف الغيب غيره... فمن الخطأ اننا نبقي واثقين من التوقعات ونتصرف كأنها وقائع ملموسة... "و ما أوتيتم من العلم إلا قليلا"

انا رأيي ... أشكر إجتهاد العالم الجليل... نتذكر قدرة الله علينا ...ونتذكر ضعفنا ونتقي الله.
أأسف للأطالة
تحياتي