موضوع مثبت عن البطاريات

**m_aash** · 03-07-2008 09:01 AM

من خلال متابعتى للموضوعات فى منتدى ورشة نايل موتورز , لقيت إن فيه كذا موضوع مفتوح للسؤال عن أنواع البطاريات و كيفية عمل الصيانة و الكشف عليها و كل عضو بتكون عنده مشكلة بيفتح موضوع جديد.
أرجو من الإدارة و الأعضاء ذو الخبرة فى الموضوع ده , عمل موضوع مثبت يتم فيه شرح مبسط للبطارية و أجزائها و أعمال الصيانة الدورية و أيضا الأنواع المختلفة من البطاريات و أفضلها و اماكن بيعها أو وكلاء البيع , أعتقد إن موضوع زى ده مثبت هايكون دليل جيد لأعضاء نايل موتورز و هايرد على تساؤلات و موضوعات كتيرة ممكن تتفتح تانى فى المستقبل.
و شكرا

**Ahmad Allawy** · 03-07-2008 10:40 AM

هي فكرة كويسة جدا..
ممكن لو سعاتك مهتم.. تبدأ في عمل الموضوع..
و كلنا هنساعدك باي معلومات نعرفها..
و تعمل موضوع يتثبت باذن الله..

**m_aash** · 03-07-2008 12:23 PM

المشاركة الأصلية كتبت بواسطة Ahmad Allawy

هي فكرة كويسة جدا..
ممكن لو سعاتك مهتم.. تبدأ في عمل الموضوع..
و كلنا هنساعدك باي معلومات نعرفها..
و تعمل موضوع يتثبت باذن الله..

والله يا أخ أحمد أنا معلوماتى بسيطة و قد تحتمل الصواب و الخطا , علشان كده أنا كان طلبى و اضح إن أصحاب الخبرة و الإدارة هما اللى يعملوا الموضوع ده , علشان المعلومات تكون صحيحة و مؤكده و لا تحتمل الخطأ

**m_aash** · 03-07-2008 12:30 PM

دى أول مشاركة منى :
ده موقع AC Delco على النت و اللينك ده بتاع بيانات الموزع المعتمد داخل مصر وهو المنصور أوتوموتيف
http://www.acdelcoarabia.com/content...dis_egypt.html

**Ahmad Allawy** · 03-07-2008 12:30 PM

كويس..
ربنا يسهل هاحاول لما افضي شوية ادور علي شويةمعلومات..
و اجمع معلومات من اراء الاعضاء و خبراتهم..
و ربنا يسهل ان شاء الله..

**m_aash** · 03-07-2008 01:37 PM

أتمنى إن باقى الأعضاء من ذوى الخبرة يساهموا معانا فى الموضوع ده
وشكرا مقدما لكل من سوف يشارك و جزاكم الله كل خير

**m_aash** · 06-07-2008 08:38 AM

يوم الجمعه نزلت أشترى بطارية جافة و من خلال المشاركات السابقة فى المنتدى لقيت إجماع على البطارية AC Delco و Varta الجافة.
المهم عملت جولة فى شارع أحمد سعيد و جسر السويس و شارع شبرا و سألت عند اكتر من 11 بائع و كانت الأسعار للبطارية AC Delco تتراوح من 390 جنيه إلى 540 جنيه .......... تفاوت كبير جدا (150 جنيه) و ده سعر البطارية الجديدة الجافة بدون القديمة , وتاريخ الإنتاج كله من نوفمبر 2007 و ديسمبر 2007 و يناير 2008 عند كل المحلات اللى سألت عندهم
وسعر البطارية القديمة السايلة تراوح من 40 جنيه و حتى 80 جنيه بدون حتى ما يشوفوها.
حبيت أقول تجربتى لعلها تفيد حد ناوى يشترى.

**Ahmad Allawy** · 06-07-2008 09:09 AM

الف مبروك علي البطارية يا باشا..
انا كمان لما اشتريت حصل معايا نفس الكلام..
بس مدورتش غير في المقطم جنبي بس..
لقيت اكتر من محل و كان السعر فيه تفاوت حوالي 70 جنيه..
اشتريت الارخص و خلاص.. و الحمد لله تمام..
تقريبا والله اعلم انها تعتمد علي الموزع نفسه.. كبير ولا هو بيبيع جمله اصلا.
وكده يعني.. تقريبا..