الحسنه الوحيده

**hassanin_lada** · 22-09-2012 05:17 AM

من ساعة ماشتريت العربيه لادا 2107 وانا مش حاسس باي حاجه حلوه منها ولا رفاهية ولا ثبات و حتي العبشه بتاعتها ناشفه

بس النهارده طلعة لها حسنه زي الفل بس مرتين تلاته والعربيه هتتباع خرده

طبعا محدش فاهم حاجه هقولكم انا

النهارده كان فرح اخت واحد حبيبي المهم قولت اطلع معاه الزفه اهو زيادة عربيات المهم جينا في حته واسعه (طبعا كده كله فهم ) انا ماكنتش هخمس بس العيال استفزتني اللي معاه لانسر واللي بي ام واللي تيجو وحاجات كتير بس معظمهم دفع امامي .. المهم قولت اجرب حظي نزلت بقي وهاتك ياقرص في العربيه العربيه عملت معايا احلي شغلي والتخميس بتاعها اكل الكل لدرجة اني اول مانزلت من العربيه الكل قعد يقولي ايه ياعم وايه الحركات دي .. طبعا انا كنت بخمس في 8 المهم كل ماشوف واحد يقولي كل ده يطلع من الادا بجد العربيه خلت الشارع مشبر محدش شايف حاجه انا نفسي ماكنتش شايف العربيه من قدام وجالي واحد من العربيات النضيفه قالي ماتجيب لفه قولتله يفطحلا وفجاءه ببص لقيت العربيه عداد الحراره عدي النص وفي ميه جايه من تحت العربيه قومت سيبت العربيه دايره زي ماهي ولفينا شويه بس كنت مهدي لحد مالمؤشر نزل للنص تقريبا ونزلت كبيت ميه علي الليداتير وزود ميه والحمدلله انخفضت الحراره واتسطرت من الاخر كده عشان ماطولش عليكم الادا تخميس وبس

**ahmad--ezzat** · 22-09-2012 05:25 AM

يعني ايه كابيت ميه علي الليداتير؟؟؟ :)

**hassanin_lada** · 22-09-2012 05:38 AM

يعني جبت جركن ميه وكبيت علي الليداتير عشان يبرد ويبرد الميه اللي جواه و زوت الميه بتاعته وطبعا كل ده وهي دايره !! ايه في حاجات انا عملتها غلط ؟؟ طمني

**hassanin_lada** · 22-09-2012 05:55 AM

حد يعبرني انا بدأت اقلق :s

**د. علاء ابراهيم** · 22-09-2012 05:56 AM

المشاركة الأصلية كتبت بواسطة bkaltalamana

يعني جبت جركن ميه وكبيت علي الليداتير عشان يبرد ويبرد الميه اللي جواه و زوت الميه بتاعته وطبعا كل ده وهي دايره !! ايه في حاجات انا عملتها غلط ؟؟ طمني

لا ابدا
الحركة دى صح تمااااما
و لو العربية مجهزة بمكيف ( بعض موديلات اللادا الجديدة فيها) تشغله كمان عشان المراوح بتاعة السربنتينة تشتغل و تبرد الردياتير

**ahmad--ezzat** · 22-09-2012 05:58 AM

المشاركة الأصلية كتبت بواسطة bkaltalamana

يعني جبت جركن ميه وكبيت علي الليداتير عشان يبرد ويبرد الميه اللي جواه و زوت الميه بتاعته وطبعا كل ده وهي دايره !! ايه في حاجات انا عملتها غلط ؟؟ طمني

انت قصدك رادياتير car radiator

لا مفيش مشاكل طالاما دايره
بس مكنش في داعي تعمل كده
عشان العربيه عجوزه :) وممكن تفتح منك بيض مقصات تبقي مصيبه
اللي ساعدك التراب مش قوه الموتور
علي فكره انا كان معايا لادا زيك برضه
حاول تحافظ عليها وفكك من اللي يسخنك

**د. علاء ابراهيم** · 22-09-2012 06:01 AM

و ياريت تشوف المية اللى نزلت تحت العربية دى جت منييين؟؟؟
و تتاكد ان المية مش بتنقص
و تتاكد من مستوى زيت الموتور
و لو بتستعمل مية عادية يبقى حتجد صدأ فى مياه الردياتير
تروح عند واحد بتاع ردياتيرات يفك الردياتير و ينظفه و ينظف دورة الميه
و بعدجين تملاه مياه خضراء ولا تستعمل الميه العادية تانى ( لان بلدنا اصبحت بلاد حارة ما عادش ينفع معاها المية العادية)

**hassanin_lada** · 22-09-2012 06:01 AM

المشاركة الأصلية كتبت بواسطة mollaelolla

لا ابدا
الحركة دى صح تمااااما
و لو العربية مجهزة بمكيف ( بعض موديلات اللادا الجديدة فيها) تشغله كمان عشان المراوح بتاعة السربنتينة تشتغل و تبرد الردياتير

طمنت قلبي الله يطمن قلبك .. اه فعلا السربنتينه بتبرد العربيه والف شكر ليك ياباشا

**hassanin_lada** · 22-09-2012 06:04 AM

المشاركة الأصلية كتبت بواسطة ahmad--ezzat

انت قصدك رادياتير car radiator

لا مفيش مشاكل طالاما دايره
بس مكنش في داعي تعمل كده
عشان العربيه عجوزه :) وممكن تفتح منك بيض مقصات تبقي مصيبه
اللي ساعدك التراب مش قوه الموتور
علي فكره انا كان معايا لادا زيك برضه
حاول تحافظ عليها وفكك من اللي يسخنك

كانت وزة شيطان وراحت لحالها والحمدلله اتسترت .. معاك ان المتور مش قوي بس كفايا ان كنت بشد مع لانوس (انجكشن) وانا كاربرتيتر وكنت واكل معاها وسابقه كمان مع العلم انا هو كان بيسحب معايا ونفس الكلام ده كان مع بيجو 505 طياره

**hassanin_lada** · 22-09-2012 06:08 AM

المشاركة الأصلية كتبت بواسطة mollaELolla

و ياريت تشوف المية اللى نزلت تحت العربية دى جت منييين؟؟؟
و تتاكد ان المية مش بتنقص
و تتاكد من مستوى زيت الموتور
و لو بتستعمل مية عادية يبقى حتجد صدأ فى مياه الردياتير
تروح عند واحد بتاع ردياتيرات يفك الردياتير و ينظفه و ينظف دورة الميه
و بعدجين تملاه مياه خضراء ولا تستعمل الميه العادية تانى ( لان بلدنا اصبحت بلاد حارة ما عادش ينفع معاها المية العادية)

الميه كانت جايه من فتحت الردياتير بس الحمدلله منعت دلوقت
اه فعل بستخدم ميه عاديه ولما فتحتو لقيت الميه صفره تحسه طين

انا الصراحه مش بحب اخلي حد يفك اللي في التقيل قوووووووووي لاني من اسيوط وعندنا الصيعيه بيبوظو اكتر ما بيصلحو انا ابقي انضفو بمعرفتي وانشألله اجيب الميه الخضرا .. بس هل اجيب الكانز واكمل مية حنفيه ولا ااجيب الجركن الكبير ده وسعر كام لو سمحت ؟؟

الموضوع: الحسنه الوحيده

LinkBack

أدوات الموضوع

عرض

الحسنه الوحيده - انشر الموضوع فى :

-

-

-

-

-

-

-

-

-

المواضيع المتشابهه

الوحيده في نظافتها شاهين 2001

معلومات عن مؤتمر الحسنه 1968 ..

عربيتي ال scirocco الوحيده بمصر

الوحيده سوبارو امبريزا2007 من الاسكندريه

الوحيده للبيع سوبارو امبريزا2007

الكلمات الدلالية لهذا الموضوع

المفضلات

المفضلات

ضوابط المشاركة