الموضوع: قفل أبواب العربية يدويا من باب التذكير

السلام عليكم

لو حصل والعربية فصلت كهرباء وهى مقفولة طبعا معانا المفتاح الاحتياطى فى الكارت بنفتح بيه الباب بتاع السواق تمام

طيب لو العربية مفتوحة وفصلت كهرباء وعايز تقفلها تعمل إيه

الطبيعى إنك هتحوش الحتة الفبر البلاسيتك اللى جمب أكرة باب السواق ليها فتحة من تحت بندخل فيها سن المفتاح ونضغط لبرا بتطلع معانا وبعدين بنقفل الباب أو نفتحه زى ما احنا عازين



طيب باقى الأبواب ؟؟
بيبفى فى كل باب خرم كدا عبارة عن قطعة بلاستيك مدورة بتلف فى اتجاه عقارب الساعة وعكس اتجاه عقارب الساعة مع فتح وقفل الأبواب بالريموت أحنا بقى هنستغلها ونقفل بيها جميع الأبواب





هنحط سن المفتاح فى الفتحة ونلف عكس اتجاه عقارب الساعة ونقفل الباب هيتقفل بس كدا

منور يا باش مهندس :)

حدش يعرف أزاى تقفل الشنطة فى نفس الموقف يدويا ؟

سؤال تانى :

لا قدر الله ولا سمح لو السلك الكهرباء اللى موصول للسنتر لوك بتاع الشنطة اتقطع تقدر تفتح الشنطة أزاى


هو كدا إنت مش قدام غير إنك تتنى الكنبة وتاخد اللى إنت عايزه

بس جايز يكون فيه حاجة بتتعمل من جوا العربية من ورا الكنبة الخلفية بتخليه يفتح أنا هشوف وهقولكم بس لو حد يعرف يقول ويوفر عليا