تحياتى للجميع
هل من الممكن تسقيط موتور بولو اوتوماتيك على سياره ابيزا موديل 1994 بدون تعديلات كثيره فى الحوض
( الغرض من السياره وسيله مواصلات شخصيه عاديه فقط )
تحياتى للجميع
هل من الممكن تسقيط موتور بولو اوتوماتيك على سياره ابيزا موديل 1994 بدون تعديلات كثيره فى الحوض
( الغرض من السياره وسيله مواصلات شخصيه عاديه فقط )
في البداية برحب بيك في قسم سيات
هيتم التسقيط ان شاء الله بدون اي تعديل اساسا غير بس في صالون العربية
تحياتي
اعتقد البولو اللي نزلت بفتيس اوتوماتيك كانت ال1400 وال1600
والحاجات الي هتغير في الصالون تشمل طقم الدواسات او البدالات
والكونسولة بين الكرسيين
فقط لا غير
متشكر يا syd
thumps up
هتجيب موتور البولو السيدان 1400 16 صباب و فكه من على نص امامى بحاجته كلها بالتبريد ... هتضرف فى القصه دى مش اقل من 7 الاف بالتركيب الموتور ممكن يعملو 5 لو اتخدمت و لو امكانياتك سامحه هاتو بالعافشه بتاعته هتتحسبلك رخيصه مع الموتور ..... و دة اقضل اختيار ..... فى مواتير موديلات قديمه ممكن تركب و رخيصه موديلات التمانينات
ياخويا مش عارف الواحد مش عارف يذاكرلو كلمتين وشاغل نفسه بكلام فارغ شغل نتورك ومكنه بصمه وكاميرات مراقبه انا كان نفسى اصلا اطلع كهربائى سيارات بلا هم
طب تقدر تقول بكل جديه انى هفكر جديا ابيع الفتيس اللى عندى ولانه حالته ما شاء الله كويسه ابيعه وهو راكب على التجربه يعنى وعارف ده معناه ايه
انا اقولك هصدعك لمده اسبوع ولا حاجه عشان اعرف كل حاجه عن الاوتو
نبدأ الاسئله هنا عشان الكل يستفاد
1- العربيات الاوتو الانجيكشن القديمه بيكون فيه وايرين على البوابه واحد رايح لدواسه البنزين والتانى رايح للفتيس هل الابيزا كده برضه
2- سعر الفتيس الاوتو وسعر الفتيس المانيوال وكمان الكونسول اللى فى النص وهل موجود ولا نادر
3- المانيوال 3 دواسات منفصلين عن بعض لما تقلب اوتو هل هتشيل الدبرياج وتشتغل على البنزين والفرامل اللى موجودين ولا هتشيل الفرامل وتركب العريضه ولا هتشيلهم كلهم وهتركب طقم عل بعضه
4- هل فى اى حساسات اخرى بتركب فى المكنه
5- هل هتحتاج يتعدل حاجه فى الفرامل نظرا لان الاوتو مبينفعشى تفرمل بالغيار
6- الفتيس الاوتو كام غيار وهل فيه اى امكانيات زى الكيك دون او السبورت درايف يعنى بيغير عند اربى ام ثابت كل مره ولا على حسب سواقتك
7- هل زيت الفتيس بيتزود ولا بينزل كله ويتغير ولو بيتغير يبقى بيتغير كل قد ايه (جدول الصيانات)
8- هل الموضوع ده يستاهل نعمله موضوع منفصل لمناقشه اوسع ومرجع دائم
9- هل انا ازعجتك بأسئلتى
الامتحان مكون من ورقه واحده المده ساعتين
والله المستعان
منورين يا رجاله
مش عارف ليه دايما الناس كلها هنا حتي منسقنا الحبيب ابو السيد كلهم في التسقيط و قطع الغيار يقلك بتاع البولو اكن الابيزا دي كانت عربية نكره و مش بينزل فيها حاجه غيم الهم اللي بنشوفه هنا
يا عالم ياهوه الابيزا برضه بينزل فيها كل الحاجات اللي بتنزل في البولو سواء محركات اعلي حتي 2800 سيسي و اوتو و مانيوال و كل حاجه فياريت محدش يسمعني تاني كلمة موتور البولو ولا بلية البولو ولا اي حاجه (مع كامل الاحترام و التقدير للبولو حبيبة قلبي و مالكيها )
شوف يا صديقي العزيز الحوار اللي بتتكلم فيه انا فكرت فيه و لكن موتور بفتيسه و كنتروله و كل حاجه لكن لازم تعرف ان الموضوع كده مكلف و كمان صعب شوية و كمان محتاج نص كامل تفضيه عندك
موضوع تركيبه علي موتورك فده بيتوقف علي حاجات كتيييييييير
1- هل ينفع كقواعد و تثبيت ؟ و ده مش هيتعرف غير بمراجعة ده و ده
2- هل عزم موتورك و قوته ينفع مع اوتو لأن اساسا الفتايس الأوتو فيها فقد في العزم بيصل الي 15% فتخيل ان اساسا موتورك عزمه ضعيف و مركبش عليه اوتو و كمان حالته مش قوي من استهلاك السنين فهل هينفع عليه ولا لأ اعتقد محدش في مصر هيوافقك علي تركيب اوتو عليه لأنهم اغلبهم ميعرفش ايه اللي ممكن يحصل
3- الضفيرة و الكنترول و كيفية ادارة عملية التشغيل بين الدواسات و المحرك و الفتيس و الفرامل هل ده ينفع مع موتورك و لا لأ لأنك لازم تلاقي كنترول يقدر يشغل موتورك و معاه فتيس اوتو و كذلك ضفيره تناسب موتورك ....
يعني الموضوع فيه قصص كتيييييييييييير محتاجه نقعد علي القهوه و نحكي براحتنا في بدائيات الموضوع لأن فيه تفاصيل اكتر كلنا منعرفهاش و مستخبيه علينا ممكن تفاجأ بيها و متلاقيش ليها حل مناسب
اللي ينفع في القصة دي هو نص كامل اوتو تفضيه عندك عشان تريح دماغك غير كده النتائج غير معروفه
باشا كلام من الاخر
يبقى قصه الاوتو مش بس الفتيس لا ده فى كميات من الحيثيات يعنى الكنترول عارف ان ده اوتو فعلى الاساس ده يحدد طريقه عمله والفرامل فاهمه ان ده اوتو يبقى هى كمان هتتغير طريقه عملها
باشا انا صرفت نظر انا كنت فاكر ان الموضوع لان العربيه قديمه مش هيبقى فيها كل التعقيد ده وان الفتيس هو اللى هيقوم بالمهمه وهيكون فى وصله جايه من عند الفتيس داخه على العداد تقولى على ال الدى والان والار
افكر فى افتكاسه تانيه وادعولى عشان هقرأ شويه فى العفشه يمكن ربنا يقدرنى واغير العفشه ورا على ايدى هو فى واحد صاحبى بيغير عفشه ال132 بتاعته على ايده وقاللى انوى واعرف ديتها ونعملها سوا
جري ايه يا رجالة ؟؟؟؟
طب ايه رأيكوا في امتحان مفاجئ الأسبوع الجاي
واللي مش هينجح بتفوق - هوقفه اسبوع وهيجيبلي سندوتشات وحاجة ساقعة
ههههههههههه
يا جماعة
يا رجالة
يا حبايبي
انتوا بجد مابتفتحوش الكتالوج ؟؟؟؟
الكتالوج بتاعنا مغطي الأتي
المحركات 999 + 1043 + 1296 + 1390 + 1598 البنزين SOHC
المحركات 1716 + 1896 الديزل
الفتايس
المانيوال 6 غيار (5 أمامية و1 خلفية) + الأوتوماتيك (4 أمامية و1 خلفية)
لم يذكر نهائي في الكتالوج اي اختلافات في المحركات الخاصة للمانيوال او الأوتوماتيك (الأتنين سواء يعني المكنة ال1.4 تنفع تشغل اوتو ومانيوال وكذلك ال1.6)
لم يذكر نهائي اي اختلافات حول الفرامل
لم يذكر نهائي اي اختلافات حول التبريد
لم
لم
لم
الحاجة الوحيدة اللي فيها اختلاف هو الكنترول ودة لأن الفتيس ليه هو كمان كنترول ودة لأنه ليه محول عزم وبيدعم اسلوبين في القيادة (غالبا نورمال Normal قيادة عادية و سبورتي Sport قيادة رياضية)
وعلي العموم
فعلا الموضوع دة يا رجالة يستحق المناقشة في موضوع منفصل واهو حاجة جديدة نرغي فيها ونبحث حولها بدل الهري وراء مواعيد الصيانات والأعطال المحفوظة المتكررة
اوك ؟؟
قشطه يبقى اعمل موضوع جديد وباب النقاش مفتوح فيه وعلى فكره انا بقترح انك تعمل موضوع شامل زى اعمل صيانتك بنفسك تسميه اراء ومناقشات هامه تلم فيه الهرى ده والمقارنات بين ال94 وال2000 والفتيس الدى اس جى كل المواضيع اللى بتتعمل وتتنسى بعد كام يوم ونبدأ فيها من تانى وممكن كمان موضوع للتسقيط تجارب الاعضاء والافكار المقترحه بالمره عشان تقريبا كل اللى بيدخل جديد معندوش غير سؤال واحد عايز اجيب ابيزا واسقط مكنه قبل ما يعرف المكنه اللى فيها حلوه ولا لأ
بالنسبه لموضوع الكتالوج انا يلزمنى اللى عندك عشان اللى عندى مش واضح قوى فابعتهولى باى طريقه تشوفها مناسبه انا اميلى ahmed.abdelsalam@cts-eg.com
والله المستعان :)
Syd باشا حبيب الناس
معروض عليا عربية اخو واحد صاحبى هو بيسبها لمراته لانه ظابط جيش و مراته خيشت بيها فى القايم اللى ناحية الكرسى اللى جنب السواق و خرمت الريداتير و اتغير و القايم اتعدل
اتكلم معاه فى كام هيا ابيزا 94 مفيهاش تكييف ولا بلاش منها احسن ؟ رجاء الملاحظه انى هشتريها عشان اسقط فيها بولو اوتوماتيك بالتكييف بتاعه
نصيحة بلاش العربية دي - الا لو هتاخدها بسعر واقع
لأن بالشغل اللي معمول في القايم مش هتعرف تبيعها ولو بيعتها هتخسر فيها كتير
انصحك هاتها وامشي بيها علي حالها دون اي تعديل لأن اي تعديل مش هيزود فيها شئ وبردو هتبقي خسران الا لو ناوي تركبها فترة طويلة وبكدة هتبقي اللي صرفته استمتعت بيه واستهلكته
تحياتي
(علشان تعدل في ابيزا موديل 1994 الي اتوماتيك يجب تغييره الموتور بي بولو 99 1400 او 1600 بي فتيس اتوماتيك + كنترول الموتور و كنترول الفتيس + ضفيره بولو 99 اتوماتيك + ريدتير + فرمل + كراسي تثبيت الموتور و الفتيس في الشاسيه ) اوضح الاسباب الابيزا تختلف عن موتور البولو في كراسي الموتور والفتيس والضفيره الابيزا لايوجد توصيلة لفتيس الاتوماتك وكنترول الفتيس و فرامل الابيزا الطنبوره مقاس 13 ضعيفه مش هتوقف العربيه بسرعه علشان الموتور 1400 او 1600 لازم تكون مقاس 14 و الريدتير الابيزا بيختلف عن البولو كد يعتبر نص امامى بس بدون بعض القطع انا عرف ان الموضع صعب بس علشان ده ابيزا لو كانت بولو 99 مانيوال كونه وفرنا نصف الحاجه وكان الموضع يبقى اسهل
موتور البولو السيدان من المستحيل انه يركب مينفعش غيره موديل البولو 99 فقط
موتور البولو السيدان من المستحيل انه يركب مينفعش غيره موديل البولو 99 فقط
عندى ابيزا 99 متسقط لها موتور 1400 و عايز اسقط لها موتور بفتيس اتوماتيك كامل و عفشة كاملة
الاسعار كام ؟ و منين اجيب موتور كويس؟ و مين يسقطه لى ؟ و ايه احسن موتور اتوماتيك؟
بص ياباشا
المواتير اللى بتنزل اوتوماتيك لموديل عربيتك:
1- موتور 1400 سى سى 16 صباب 75 حصان بينزل فى ابيزا وبولو موديل 2000
2- موتور 1600 سى سى 8 صباب 101 حصان بينزل فى توليدو و جولف و اوكتافيا من موديل 99
3- موتور 1800 سى سى 20 صباب 125 حصان بينزل فى توليدو و جولف من موديل 99
وأنا انصحك برقم 3, موتور جميل جدا وقطع غياره موجودة وهيرفع قيمة عربيتك جامد وهيركب بدون تعديلات فى الحوض بس لازم تجيب نص وتفضيه عندك وتجيب العفشة الخلفية كمان عشان تستفيد من ال abs وتجيب الشكمان بتاعه وياسلام كمان لو تجيب طرمبة البنزين بتاعته
بالنسبة للأسعار: لسه فى واحد معانا فى القسم شارى نص بولو 2000 كامل ب 9500 من اسكندرية, لكن مش عارف فى القاهرة ايه النظام
بالنسبة لك انت هتشترى هتتفق مع التاجر انك هتفضى النص وترجعهولو فاضى وممكن كمان ياخد منك حاجتك القديمة واعتقد ان المبلغ مش هيزيد عن ال 10000
الاماكن بقى اللى هيفيدك فيها الاعضاء اللى من القاهرة
بالتوفيق ان شاء الله ولو احتاجت حاجة احنا معاك
وشوف الموضوع ده هيفيدك
http://www.nilemotors.net/Nile/341077-98.html
الله يكرمك
طبعا ال 2e ينفع وكمان فيه موتور الكود بتاعه abs فتيس اوتوماتيك 1800 سى سى وبينزل برده فى الجولف 2
بس انا مرديتش اقولوا عليهم لأن عربيته موديل 99, والجولف 2 اخرها 92 وحتى الجولف 3 اخرها 98 وطبعا الافضل ان اللى يحب يسقط موتور يجيبه نفس موديل عربيته او احدث لكن متجيبش موديل اقدم وتعيب عربيتك
الموضوع ثرى بمعلومات قيمه من اعضاء جامدين
عندى سؤال
هل بالمعنى ده موتور الفيرنا اقوى و افضل من الموتور المذكور فى الاقتباس ؟ على اعتبار انه 1600 سى سى و بيولد 106 حصان و تمنه ارخص كتير من هذا ؟!!اقتباس:
2- موتور 1600 سى سى 8 صباب 101 حصان بينزل فى توليدو و جولف و اوكتافيا من موديل 99
او مثلا موتور لانسر 1500 سى سى و بيولد 110 حصان ؟!!
بدون تحيز
Volkswagen وفرعها الرياضى Seat
لما بتقول ان الماتور ده قوة الحصانيه HORSE power كذا
بتكون البيانات Data and specifications دقيقه جدا وصادقه
وغفلنا شيء مهم وهوا ايضا الفيصل الأعتمادية Reliability
محركات فولكس أعتمادية ومعمره للغاليه وكل الى ركب أو أقتنى سيارة
فولكس وكان قد أقتنى من قبل سيارة أخر يعرف ذلك جيدا
والدليل أنه أذا حدث العكس لايستظيع نسيان أقتنائه سيارة Volkswagen
وربما ترجم البعض ذلك بلفظ ديه سياره ركوبه وأحساس مختلف فى القيادة
وعندما تم التعرف على هذه الميزة من قبل الًمنتِج والمستخدم كان هناك زيادة فى السعر
وهذا ما يفسر زيادة السعر على مستوى قطع الغيار خاصة الأصلية منها
وأذا نظرنا للأمر فأعتبر أن سيارة من فولكس أرخص وليست اغلى بسسب الأعتمادية و العمر الأفتراضى لقطعة الغيار وهناك منتجات جيدة وتتورثها الأجيال وفى نفس الوقت نفس المنتج
من ماركات أخرى يتم استبدالها اكثر من مره
تقبل تحياتى
من ناحية الركوبه فطبعا مفيش كلام .. انا سوقت لانسر مو 2008 و ركبت بعدها بى ام 320 مو 1993 فرغت فاها و اندهاشا من روعتها رغم اننا بنتكلم فى فرق سنين 15 سنه لصالح لانسر بس العكس هو اللى حصل ركوبه من الاخر مفيش كلام و اكيد نفس الكلام هيكون مع الفولكس .. بس هى كل الحكايه
ان لو موتور الفيرنا ب 3 الاف و اللانسر شرحه او اغلى الف جنيه فالمشكله ان لو هنجيب النص كامل بمشتملاته فده هيكلف عشر تلاف من فم الاعضاء الافاضل هنا و عشره مش شويه بالنسبه لناس كتير انا منهم .. و لكن فى نفس الوقت اذا تم هذا المشروع على ابيزا و لنقل مو 99 هتكلفك 35 الف و مع تسقيط الليله دى هتبقى العربيه واقفه عليك 45 الف اراها افضل كثيرا عند المقارنه مع الكورى فى نفس الفئه السعريه
اخيراشكرا لحضرتك على المرور و الرد
هوا ده بردو ألى عاوز اقوله فى ناس بتجيب العربيه الماتور خلصان ومنتهى بس اساسيات وبكده هيخدها بسعر منخفض جدا
وبعد كده يسقطه الماتور بالموصفات الى عاوزها وكمان هيرفع من سعرها
أنا شفت عربه أبيزا 94 أوتوماتيك صحبها طالب 40ألف
يعنى ركب وكسب كمان
تحياتى
تمام وربنا يوفقك أن شاء الله
( stay tuned) فعلا لا تنزعك ولا تقلق العمر واحد والرب واحد والأرزاق بيد الله الرزاق
وعمتا الحياه 30يونيو ماشيه من غيره ماشيه مافيش شيء بيقف وربنا ييسرها على الجميع
ولما تنوى أنا معاك فى اى استفسار وعمتا أحنا هنا فى قسم السيات الناس كلها هتكون معاك فى أى استفسار