الموضوع: استفسار حول تسقيط موتور بولو اوتوماتيك - ابيزا 94

المشاركة الأصلية كتبت بواسطة acoal

سؤال لولبى
هل ينفع اجيب فتيس اوتو على المكنه اللى عندى ولا المكنتين مختلفين ؟

ينفع يا باشا وراجع الكتالوج
انت علي فكرة يا احمد مش عاجبني، شايفك مش بتذاكر ولا بتفتح كلمة من اول السنة
علي العموم امتحانات نص السنة قربت وهنشوفك هتعمل ايه السنادي

المشاركة الأصلية كتبت بواسطة acoal

ياخويا مش عارف الواحد مش عارف يذاكرلو كلمتين وشاغل نفسه بكلام فارغ شغل نتورك ومكنه بصمه وكاميرات مراقبه انا كان نفسى اصلا اطلع كهربائى سيارات بلا هم
طب تقدر تقول بكل جديه انى هفكر جديا ابيع الفتيس اللى عندى ولانه حالته ما شاء الله كويسه ابيعه وهو راكب على التجربه يعنى وعارف ده معناه ايه
انا اقولك هصدعك لمده اسبوع ولا حاجه عشان اعرف كل حاجه عن الاوتو
نبدأ الاسئله هنا عشان الكل يستفاد
1- العربيات الاوتو الانجيكشن القديمه بيكون فيه وايرين على البوابه واحد رايح لدواسه البنزين والتانى رايح للفتيس هل الابيزا كده برضه

بالنسبالي معرفش و تكلملة الرد في الأخر

2- سعر الفتيس الاوتو وسعر الفتيس المانيوال وكمان الكونسول اللى فى النص وهل موجود ولا نادر

معرفش بس اعتقد انك هتلاقي دايما موتور بفتيسه
3- المانيوال 3 دواسات منفصلين عن بعض لما تقلب اوتو هل هتشيل الدبرياج وتشتغل على البنزين والفرامل اللى موجودين ولا هتشيل الفرامل وتركب العريضه ولا هتشيلهم كلهم وهتركب طقم عل بعضه

هتغير الطقم و الموضوع بسيط لكن الاهم هو الكنترول و الضفيرة
4- هل فى اى حساسات اخرى بتركب فى المكنه
لابد من توافق بين الدواسات و الفتيس و المحرك و الفرامل بضفيرة و كنترول و دنيا تختلف تماما عن المانيوال
5- هل هتحتاج يتعدل حاجه فى الفرامل نظرا لان الاوتو مبينفعشى تفرمل بالغيار
الفرامل نفسها لأ لكن هتحتاج تكون مربوطة كهربيا بالكنترول فين اعتقد انه من ماكينة الفرامل
6- الفتيس الاوتو كام غيار وهل فيه اى امكانيات زى الكيك دون او السبورت درايف يعنى بيغير عند اربى ام ثابت كل مره ولا على حسب سواقتك
حضرتك بيختلف حسب الموديل لكن اللي ينفع عندك اعتقد 4 غيارات و نظامة ايه ده حسب الموديل
7- هل زيت الفتيس بيتزود ولا بينزل كله ويتغير ولو بيتغير يبقى بيتغير كل قد ايه (جدول الصيانات)

لما تركبه تفرج و لكن عموما الاوتو بيتغير زيته كل فترة 60 الف مش زي المانيوال و معاه فلتر و له حوارات مختلفة
8- هل الموضوع ده يستاهل نعمله موضوع منفصل لمناقشه اوسع ومرجع دائم
9- هل انا ازعجتك بأسئلتى
الامتحان مكون من ورقه واحده المده ساعتين
والله المستعان

شوف يا صديقي العزيز الحوار اللي بتتكلم فيه انا فكرت فيه و لكن موتور بفتيسه و كنتروله و كل حاجه لكن لازم تعرف ان الموضوع كده مكلف و كمان صعب شوية و كمان محتاج نص كامل تفضيه عندك

موضوع تركيبه علي موتورك فده بيتوقف علي حاجات كتيييييييير
1- هل ينفع كقواعد و تثبيت ؟ و ده مش هيتعرف غير بمراجعة ده و ده
2- هل عزم موتورك و قوته ينفع مع اوتو لأن اساسا الفتايس الأوتو فيها فقد في العزم بيصل الي 15% فتخيل ان اساسا موتورك عزمه ضعيف و مركبش عليه اوتو و كمان حالته مش قوي من استهلاك السنين فهل هينفع عليه ولا لأ اعتقد محدش في مصر هيوافقك علي تركيب اوتو عليه لأنهم اغلبهم ميعرفش ايه اللي ممكن يحصل
3- الضفيرة و الكنترول و كيفية ادارة عملية التشغيل بين الدواسات و المحرك و الفتيس و الفرامل هل ده ينفع مع موتورك و لا لأ لأنك لازم تلاقي كنترول يقدر يشغل موتورك و معاه فتيس اوتو و كذلك ضفيره تناسب موتورك ....

يعني الموضوع فيه قصص كتيييييييييييير محتاجه نقعد علي القهوه و نحكي براحتنا في بدائيات الموضوع لأن فيه تفاصيل اكتر كلنا منعرفهاش و مستخبيه علينا ممكن تفاجأ بيها و متلاقيش ليها حل مناسب

اللي ينفع في القصة دي هو نص كامل اوتو تفضيه عندك عشان تريح دماغك غير كده النتائج غير معروفه