الموضوع: ابعاد جنوط الياريس اية

المشاركة الأصلية كتبت بواسطة y a r i s

كان في واد ساكن هنا جمبنا عندوا عربية يارس كحلي مركب عليها بسم الله مشاء الله حتت جنط
نفسي مره كده اصطادوا واحفظ شكل الجنط واعرف منين واجيب زيوا. .... اليارس فعلاً حلويتها بالجنوط وناس كتير ركبت جنوط حسيت بفرق في القيادة .... احياناً بفكر اركب جنوطها الاصليين .... واحياناً اقول. ياعم متدلع نفسك وتركب جنط كبير كده وتعرضها وتفخمها هو انتا هتعيش كام مره .... وبرجع اقول ياعم بلاش علشان العين هههههههههه.

لدرجة ان كوتش العربية. محتاج تغيير ومستني مره اقول هجنط ومره اقول بلاش
عندك دكتور احمد منسق قسم تويوتا مجنط عربيتو بسم الله مشاء الله عليهم. من ناحية. هما معلين العربية ومن ناحية مش عاجبني في حاجة ان العربية شكلها بومباي مش محتاجة جنط مشطوف كده محتاجة حاجة تتناسب مع بومبيهات العربية بمعنى انهم يكونوا عراض
بالك انتا العربيات الجديدة الي نازلة زي السيراتوا والهونداي الينترا كل الي فيهم حجم لجنط بتاعه كبير وفخم مديين فخامه للعربية غير كده تصميمتهم عادية جداً .... اكتر حاجة تحيرك في العربية هيا الجنوط. .... تشوف الجنط متعلق كده تقول واااااو تيجي تركبو تقول ايه الي انا عملتوا ده. ومرات جنط وحش تيجي تركبوا على عربيتك يطلع تحففففففه

بس اذا عجبينك الجنوط انتا مش خسران حاجة اشتريهم بعد ما تعايينهم واللهِ اذا عجبوك خلص فيهم .... واذا بعدين ندمت ارجع نزل اعلان للبيع جنوط يارس ههههههه. وتمنهم مش حكاية. يعني وبالكوتش كمان ...

حبيبي والله من ذوقك تعالى اتفضل الجنوط في اي وقت يا كبير

بس على فكرة انا الجنط ماعلاش العربية ولا حاجة !! هي عالية كدة من ساعت ماجبتها

انا مستغرب فعلا على الياريس بتاعتك وارتفاعها !! ؟ انا اول مرة اشوف ياريس ارتفاعها قليل عن الارض كدة !!!!!

حاول كدة تشوف اي ياريس او كورولا شكل قديم راكنة في الشارع هتلاقي عربيتك ارتفاعها اقل منها بشكل ملحوظ