عمر وامل-نرجس وبسبس

**hazem_khidr** · 03-07-2008 01:47 PM

ياااااااااااااااااااااااا ااااااااااااااااااااااااا اااه
ايام جميله و مانسيتهاش
الدرس دا بتاع زياره الخال في الريف
كان الدرس قبل الاخير
و بما اننا في منتدي سيارات احب افتكر الجزئيه دي :
الدرس اللي بعده كانوا راكبين عربيه فيات 1300 حمرا

و كان عمر بيقول لامل:
السياره تجري و الحفول تجري

**m_aash** · 03-07-2008 02:20 PM

فكرتنا بذكريات جميلة جدا يا كريم ........ ياااااااااااااااااااااااه طفولة بريئة و أحلام جميلة و حاجات كتيرة حلوة و كمان المدرسة و المريلة اللبنى و للا المصاصة و الفندام اللى الواحد كان مدمنهم :) :) :)

ياؤيت تحطلنا الصور بتاع الدرس اللى فيه
عمى حسن زرع الكرنبة .......... مش فاكر إيه تانى و فى الآخر
الكرنبة طلعت و هند وقعت
:) :) :) :)

**OlaOsman** · 03-07-2008 08:27 PM

انت جبت الحاجات دي منيييييييين؟ :)

انا فاكرة اوي صورة القطة بسبسة دي مش عارفة ليه.. أكيد أيامها أوحت لي بحاجة مش فاكرة هي ايه :)

كان فيه نشيد اسمه تقريبا الأخ المجند بيقول:

لي أخ مجند اسمه محمد
قام في الصباح يحمل السلاح
قال اني ذاهب يا أخي أخارب
مصرنا تنادي.. امنا تنادي
كسروا القيود.. إعبروا السدود

طبعا ماحدش يسألني ازاي انا فاكرة النشيد ده لحد دلوقتي لإني فعلا مش عارفة :)

**aif** · 03-07-2008 08:33 PM

المشاركة الأصلية كتبت بواسطة hazem_khidr

ياااااااااااااااااااااااا ااااااااااااااااااااااااا اااه
ايام جميله و مانسيتهاش
الدرس دا بتاع زياره الخال في الريف
كان الدرس قبل الاخير
و بما اننا في منتدي سيارات احب افتكر الجزئيه دي :
الدرس اللي بعده كانوا راكبين عربيه فيات 1300 حمرا

و كان عمر بيقول لامل:
السياره تجري و الحفول تجري

كانت ماشية بسرعة كااااام ؟؟؟
وكانت نمرتها ايييييه ؟
.............
انا بصراحة كان ايامي اسمهم عادل وسعاد
ونفس السيناريو ...
عادل يزرع الفول
سعاد تزرع الفول هي كمان
عادل يلعب الكرة ..
سعاد ... مش فاكر بصراحة بس اكيد ما كانش فيه كرة نسائية ايامها

**bishoo33** · 04-07-2008 09:23 AM

شكرا يا كريم
فكرتنى بالأيام التى لا يمكن ان تنسى
ever and never forever
كل حاجه كانت بسيطه وجميلة والحمدلله طلعنا مهندسين برده وشاطرين
ده انا بحتاج اذاكر الأول عشان اذاكر لأبنى عمر فى سنه أولى ابتدائى
سدقونى التعليم باظ بدليل كم الدكاترة والمهندسين الغير مسئولين اليومين دول
ده الواحد عقبال ما يلاقى دكتور كويس فى تخصص معين يكون لف على عشرين دكتور

**Abohmaid** · 05-07-2008 04:27 AM

ياااااااااااااااااااااااا اة فكرتنا بأجمل الايام اية الجمال دة انا مش عارف اكتب اية
بجد شكرا ليك كتييييييييييييييييييييييي يير
افتكرت نشيد
انظر لتلك الشجرة ..... ذات الغصون النضرة
كيف نمت من حبة....... وكيف صارت شجرة
ومش فاكر الباقى

واللا نشيد

افتح البا سعيد
انة عمى فريد
انة جاء الينا
جاء من بورسعيد

برضة مش فاكرة اوى

بس الموضوع جامد جدا

**Chicco** · 05-07-2008 04:54 AM

يا كريم باشا يا جامد .......ذكريات حلوة فعلا ....ألف شكر يا زعيم :)

**tamohsen** · 06-07-2008 03:58 PM

ياااااااااااااه
فعلا افتكرت دلوقتي الفصل كله وهو بيقرأ بصوت عالي

لا لا يا بس بس

حاجه مسخره والله

بس بجد العيال دلوقت منهاجهم معقده جدا
الله يكون في عونهم

**M!NA** · 06-07-2008 04:42 PM

ايام جميلة و ما تتنسيش...

من كل الكتاب ده فاكر درس كان فيه كلمة "بسبس غضبت يا عمر"

بس أكيد أمل ماقصدتش تردحلو يعني... مش نظام "بسبس غضبت ياااااااااعووووووووووووما اااااااار"

عشان على أيامهم مكانش في ردح لسة... كان الناس عندها أخلاق