انت فين من الحب؟

**ASD peugeot** · 05-05-2008 04:11 AM

اسمحولي ان احنا نتكلم عن الحب ..
هل لاقيت الحب الحقيقي في حياتك ؟
لسه بتدور عليه
لا موجود و بعيش اجمل لحظات حياتي
خلاص عديت المرحله دي و اتجوزت و اللي حصل حصل
طبعا الاسئله دي عن الارتباط العاطفي بين شاب و فتاه في مرحله الشباب بيكونوا بيحلموا انهم يحبوا و يتحبوا
زي مثلا و فيه حاجه الفتها و احب اكتبها بعد اذنكم طبعا
كان نفسي الاقي نفسي بحب و اعرف ايه معني الحب بس هو الحب ايه دا الحب ده احساس بيخطف اللي بيحب من بين كل الناس بتعيش في دنيه تانيه اجمل من اي دنيه و الدنيا ايه معناها من غير الحب من غير قلبين يحبوا بعض يخافوا علي بعض من غير قلب يحضن قلب يحس بيك يبقي انا عارف اكيد معني الحب لاني نفسي احب...
بجد انا كنت بحلم ان الاقي نفسي لوحدي كده بحب ادامي فتاه احلامي من غير ما ادور ولاا تعب القلب ده
بس الحمد لله لقيتها مش هقدر اقول تفاصيل عنها بس انا برده الفت كلمتين عن شعوري نحيتها والكلمات رتبتها علي الواقع اللي حصل بالظبط
من اول ما كلمتني حسيت معاه احساس غريب مكنتش اعرف ان الحب جاي قريب دايمان بقول في يوم يا قلبي الحب جاي امتي يا قلبي حبيت عشقت قولي ازاي خدني غرامه رقه كلامه نظره عنيه لدنيه تانيه اجمل ما فيه احساسي بيه من بعد ما قابلتك حسيت بأنك حته مني كل يوم بصحي و بنام علي صورتك انتي
انا حبيت ابدأ بنفسي و بتمني من الاعضاء يشاركوا في الموضوع .
وبعدين الحب مش بس حب حبيبه او ارتباط عاطفي لا الحب موجود في كل حاجه حب الام و حب الاب حب الاخوات حب ربنا مش لازم منعملش حاجه غلط عشان بنخاف من ربنا لا ممكن منعملش حاجه غلط عشان بنحب ربنا و مش عاوزينه يزعل مننا
يا ريت الكل يشارك وايه رأيكم في التأليف بتاعي اتمني يعجبكم و انا هعمل استطلاع للموضوع

**OlaOsman** · 05-05-2008 06:51 AM

الحب جميل و الكلام في الحب جميل.. و الكلام عن المحبوب برضه جميل.. انما كل ده هايظهر صحته من خطأه على محك مهم جدا اسمه الزواج :)

طبعا مش باقول ان الحب و الآمال و الأحلام الوردية بتتحطم على صخرة الزواج، انما فعلا الحياة الزوجية بتبين إذا كان الحب ده حقيقي من الطرفين و لا كلام حلو بيتقال ساعة صفا

انا باقول كده من منطلق تجارب ناس كتير أعرفها اتجوزوا عن حب و قصة حب عنيفة و كلام كبير من ده.. انما الحياة الزوجية حاجة تانية فيها من الاختبارات ما يكفي لإظهار كل حاجة على حقيقيتها.. إختلاف في الطباع.. أحد طرفي الزواج لا ينجب.. القيل و القال.. خلافات أهل.. لو الزوجين صمدوا لأعاصير الحياة و همه مع بعض و اتمسكوا ببعض.. يبقى همه قبل الزواج فعلا كانوا بيحبوا بعض و كل الكلام الرومانسي اللي كان بيتقال ده كان حقيقية.. اما لو خلوا حبهم بعد الزواج ريشة في مهب ريح ضغوط الحياة ففي رأيي إن الحب أصلا ما كانش موجود او ما كانش بالقوة اللي همه كانوا متصورينها.

معلش يا ASD مش عايزة أقلب الموضوع غم، بس تعالوا نتكلم بشوية واقعية و عقلانية مش اكتر و ربنا يوفقك يا رب و يسعدك مع الإنسانة اللي اخترها قلبك :)

**MTAK** · 05-05-2008 09:33 AM

المشاركة الأصلية كتبت بواسطة OlaOsman

، بس تعالوا نتكلم بشوية واقعية و عقلانية مش اكتر و ربنا يوفقك يا رب و يسعدك مع الإنسانة اللي اخترها قلبك :)

اهو اتجوزت و خلاص
و على رأى علا ربنا يسعدنا و يبارك لنا فى ما رزقنا

**CryptonX** · 05-05-2008 10:05 AM

الحب = تفاعلات كيميائية مع بعض الوهم النفسي و المعنوي

عيوبه : صعب يكون متبادل - ناردا مابتحسه - بيعميلك عن حاجات كتير .

مزاياه : بيبعدك عن امراض كتير - بيسعدك مهما كانت حالتك .

انا شخصيا - خطبت الانسانة الي بحبها و ناوي ان شاء الله اتززوج منها .. لحد دلوقتي مش ندمان Xd

**M_HaFeZ** · 05-05-2008 11:57 AM

Far ..Far Away

**ASD peugeot** · 05-05-2008 12:08 PM

المشاركة الأصلية كتبت بواسطة OlaOsman

معلش يا ASD مش عايزة أقلب الموضوع غم، بس تعالوا نتكلم بشوية واقعية و عقلانية مش اكتر و ربنا يوفقك يا رب و يسعدك مع الإنسانة اللي اخترها قلبك :)

شكرا ليكي يا علا علي ذوقك الجميل و ان شاء الله ربنا يكرمك في اختيار الزوج المناسب و فعلا كلامك مظبوط بس طبعا مش كل اتنين حبوا بعض و اتجوزو ممكن يحصل اللي انتي بتقولي عليه من اختلاف في الطباع مشاكل كتير موجوده لا ميزه الحب الحقيقي انه انتي بتعيشي مع الحبيب كأنكم في الجنه و متمسكين ببعض حتي لو الدنيا ضدكم

**ASD peugeot** · 05-05-2008 12:11 PM

المشاركة الأصلية كتبت بواسطة Metbahdel

العضو العزيز إلي عامل الإستطلاع

حضرتك نسيت نقطة مكتبتهاش وهي (مش فارقة معايا) كان ممكن أشارك في الإستطلاع لو كانت موجودة

الحب صنفه أحد الأطباء القدامى وهو إبن سينا على أنه مرض وحتى وصفله علاج

الحبايب كتروا أوى

وعلى الرغم من كده فشلهم وخيبتهم وطلاقهم وظلمهم زاد أوي

أنا مش عايز واحد أحبها أنا عايز واحد فيها صفة واحدة بس بعد الدين طبعاً (تسمع وتطيع) تفتكروا هلاقيها ربنا يسترها معانا

انا مستغرب ليه بتقول كده لو حصل ليك موقف يا ريت تحكيه لينا و مفيش حد الحب مش فارق معاه الحب موجود
انت مش بتحب والدك _والدتك _اخواتك ايه يا عم روق بس و انت لما الحب هيجيلك و تدوب فيه هتقول دا كان خطأ مطبعي من و شكرا ليك