الزجاج الخلفى معلق ومش راضى ينزل

السلام عليكم امبارح بليل كنت خارج والقزاز الورانى شغال حلاوه وصلت البيت وبحاول انزل القزار اللى ورا السواق وراسه والف جزمه انه مايتحرك خدت العربيه وروحت على الميكانيكون العرب لاقتهم مش شغالين , روحت لواحد بتاع قزاز فى المنطقه وفك فرش الباب والخلاصه ان الزرار بايظ وعايز يتغير , المهم قولتله يرفع القزاز ويفصل الفيشه علشان محدش ينزله بالغلط وقولت اروح التوكيل

السؤال هو هل الموضوع ده بيتغير ببلاش لان العربيه لسه فى الضمان ولا هيعملوا حوار ويقولوا انت فتحتها بره والجو الفاكس ده , ياريت اللى خبره فى الموضوع ده يفيدنا قبل ماروح التوكيل بس علشان ابقى عارف انا رايح اعمل ايه .

انا بقي حصل معايا الموضوع ده 4 مرات ورحت التوكيل 4 مرات .. مرتين فرع العدوي المنصورة ومرتين فرع العبور .. الزارين دول طهقوني في عيشتي واخر ما زهقت حطيت عليهم لزقه عشان الغيهم ومحدش يدوس عليهم عشان اريح دماغي .. كان كل مرة اروح التوكيل يصلحوها ومجرد ما اروح البيت الاقيهم علقوا تاني .. اخر مرة كان في شهر 7 رحت توكيل العبور بعد ما قدمت شكوي علي الرقم المختصر وغيروا المفتاحين ومع كده رجعوا باظوا تاني بعدها بيوم !! قدمت فيهم شكوي علي موقع رينو فرانس وفعلا اتصلوا بيا من كام يوم وقالولي ان اكيد العيب bad ....... !! او دخل فيهم تراب او لما تغسل العربية ممكن يحصل كده !! مش عارف انا مفاتيح ايه اللي لسه جديدة وتبوظ بعدها بيوم ! وطبعا قعدوا يعتذروا ويقولوا تشرفنا نصلحهملك .. عشان كده انا قررت اخط لزق عليهم واريح دماغي او علي الاقل لحد ما اروحلهم في الصيانة الجايه ... موضوع انك فكيت الباب ده ما اعتقدش ان فيه اي مشكله مادام ملعبتش في ضفيرة الكهريا يبقي محدش يقدر يكلمك .. ياريت لو رحت تقولنا عملت ايه وربنا معاك

ربنا ييسر و ميحصلش اي قلق

ربنا معاك
عشان كده مبحبش الازاز إللي ورا يبقي كهربا المنوال أحسن

انا حصل معايا وعملوه بدابليو دي تقريبا واشتغل وقعد يلعب تاني ... القصة بقي ان اصلا تقريبا العيب في الفيشة او السلك مش في الزراير ليه لانك لو خلعت العلبة اللي فيها الزراير وحاولت تشغله هتلاقيها بتشتغل ترجعها في مكانها تلاقيها ما بتشتغلش ناهيك ان العلبة بتطلع عينك عشان ترجع مكانها تاني ... طب هل السلوك في الفيشة مش واصلة كويس مش عارف ... طب هل السلك ملمس في حاجة برضو مش عارف بس بدرجة كبيرة العيب مش زرار

اشتري المفتاحين وخلي كهربائي نضيف يركبهم

اقتباس:

---

المشاركة الأصلية كتبت بواسطة georgedada82

انا حصل معايا وعملوه بدابليو دي تقريبا واشتغل وقعد يلعب تاني ... القصة بقي ان اصلا تقريبا العيب في الفيشة او السلك مش في الزراير ليه لانك لو خلعت العلبة اللي فيها الزراير وحاولت تشغله هتلاقيها بتشتغل ترجعها في مكانها تلاقيها ما بتشتغلش ناهيك ان العلبة بتطلع عينك عشان ترجع مكانها تاني ... طب هل السلوك في الفيشة مش واصلة كويس مش عارف ... طب هل السلك ملمس في حاجة برضو مش عارف بس بدرجة كبيرة العيب مش زرار

---

موافق علي كلامك .. لاني غيرت المفتاحين في التوكيل تبع الضمان وخلال 24 ساعه الزار كان معلق تاني

العيب ده حصل معايا كتير ورحت التوكيل ونضفو السويتشات طبعا انا ما شوفتش حاجه والعيب رجع تاني بعد فترة وبالتحديد بعد غسيل العربيه فكيت السويتشات ونضفتها ب cleaner وما فيش فايده وبقيت اغطي العربية عشان ماتتسرقش وبعد كده اشتغل لوحده وبقي العيب بقي يروح ويجي كل ما اغسل العربية

نيجي للمهم بقي من كثرة تكرار هذا العيب عرفت الحل ايه
اولا ودي اهم حاجه قبل غسيل العربيه اضغط علي ال switch اللي بيعمل lock للازاز الخلفي وبكده تكون فصلت الكهربا عن السويتشات ومكن الازاز ولو دخل اي بقايا ميه من الازاز الي مكنه الرفع مش ها يحصل حاجه لان احنا فصلنا كهربا عن الابواب الخلفية وبعد الغسيل بنص ساعه ابقي رجع ال switch تاني
ثانيا مراعاة الا يضع احدا قدمه علي المفاتيح الخاصة بالزجاج الخلفي لان هذا يسبب حمل علي موتور مكنات الرفع مثلا اذا كان الازاز مفتوح واحدا ما يضع قدمه علي المفاتيح هذا يعني انك اعطيت امرا لموتور مكنة الرفع بان يستمر في العمل رغما عنه لانه قام بفتح الازاز فعلا مما يتسبب في اتلاف الموتور او علي الاقل يهنج
وطبعا كل الكلام ده عن تجربه ومن ساعة ما ابتديت اعمل الخطوات دي خصوصا الخطوة الاولي الحمد لله العيب ما جاش تاني خالص واعتذر عن ضعف صياغة الموضوع وشكرا للجميع .

شكرا جزيلا لكل اللى رد انا ان شاء الله رايح بكره التوكيل وربنا يسهل نشوف ايه اللى هيحصل وهبقى اقولوكوا ان شاء الله

اقتباس:

---

المشاركة الأصلية كتبت بواسطة ashrafkemo

العيب ده حصل معايا كتير ورحت التوكيل ونضفو السويتشات طبعا انا ما شوفتش حاجه والعيب رجع تاني بعد فترة وبالتحديد بعد غسيل العربيه فكيت السويتشات ونضفتها ب cleaner وما فيش فايده وبقيت اغطي العربية عشان ماتتسرقش وبعد كده اشتغل لوحده وبقي العيب بقي يروح ويجي كل ما اغسل العربية

نيجي للمهم بقي من كثرة تكرار هذا العيب عرفت الحل ايه
اولا ودي اهم حاجه قبل غسيل العربيه اضغط علي ال switch اللي بيعمل lock للازاز الخلفي وبكده تكون فصلت الكهربا عن السويتشات ومكن الازاز ولو دخل اي بقايا ميه من الازاز الي مكنه الرفع مش ها يحصل حاجه لان احنا فصلنا كهربا عن الابواب الخلفية وبعد الغسيل بنص ساعه ابقي رجع ال switch تاني
ثانيا مراعاة الا يضع احدا قدمه علي المفاتيح الخاصة بالزجاج الخلفي لان هذا يسبب حمل علي موتور مكنات الرفع مثلا اذا كان الازاز مفتوح واحدا ما يضع قدمه علي المفاتيح هذا يعني انك اعطيت امرا لموتور مكنة الرفع بان يستمر في العمل رغما عنه لانه قام بفتح الازاز فعلا مما يتسبب في اتلاف الموتور او علي الاقل يهنج
وطبعا كل الكلام ده عن تجربه ومن ساعة ما ابتديت اعمل الخطوات دي خصوصا الخطوة الاولي الحمد لله العيب ما جاش تاني خالص واعتذر عن ضعف صياغة الموضوع وشكرا للجميع .

---

طب انا كنت لسه مركب زرارين جداد وتاني يوم الزجاج علق بدون ما اغسل العربية او اضغط علي الزارير ...

انا علق معايا واول ما روحت قرفان جربت راح اشتغل ههههه

اقتباس:

---

المشاركة الأصلية كتبت بواسطة johnny82

انا علق معايا واول ما روحت قرفان جربت راح اشتغل ههههه

---

هههههههههه
ناس مابتجيش غير بالعين الحمرا
أكيد معندكش أي أعطال اليومين دول العربيه محترمه نفسها
أيوه إتقي شر الحليم إذا غضب هههههههههههههه

روحت التوكيل النهارده وقعدوا يشقطونى بعض لا الصيانه لا السمكره لغايه ما جه معايا مهندس الصيانه وودانى لبتوع السمكره وقال ايه عاوزين ياخدوا 100 جنيه علشان يفكوا فرش الباب ويركبوا الفيشه اللى الصنايعنى فكها علشان القزاز ماينزلش بالغلط تانى رحت معلى صوتى وقولتلهم ماشى هدفع بش هشتكى واعمل افلام قاموا جايبين ورا وصلحوا المفتاح ورجع اشتغل تانى بس انا حاسس انه تقيل شويه , ومادفعتش ولا مليم وللامانه كان فى تزييق فى الباب اللى جنب السواق وعملوه ورجع زى الفل

شكرا رينوا

هههههههه حلوة اوى شكرا رينو بعد زعقت و هاشتكى .. ياعم قول الحمدلله ان مصلحتك قضيت

اقتباس:

---

المشاركة الأصلية كتبت بواسطة korkor

روحت التوكيل النهارده وقعدوا يشقطونى بعض لا الصيانه لا السمكره لغايه ما جه معايا مهندس الصيانه وودانى لبتوع السمكره وقال ايه عاوزين ياخدوا 100 جنيه علشان يفكوا فرش الباب ويركبوا الفيشه اللى الصنايعنى فكها علشان القزاز ماينزلش بالغلط تانى رحت معلى صوتى وقولتلهم ماشى هدفع بش هشتكى واعمل افلام قاموا جايبين ورا وصلحوا المفتاح ورجع اشتغل تانى بس انا حاسس انه تقيل شويه , ومادفعتش ولا مليم وللامانه كان فى تزييق فى الباب اللى جنب السواق وعملوه ورجع زى الفل

شكرا رينوا

---

ناس مبتجيش غير بالعين الحمرا فعلا :)) .. يلا كويس انك عملته بس تزييقة الباب دي عملولك فيها ايه ؟؟

اقتباس:

---

المشاركة الأصلية كتبت بواسطة pharmacology

ناس مبتجيش غير بالعين الحمرا فعلا :)) .. يلا كويس انك عملته بس تزييقة الباب دي عملولك فيها ايه ؟؟

---

مش عارف تقريبا رشوا عليه حاجه ولا زيتوه المهم انه بطل يزيق

اقتباس:

---

المشاركة الأصلية كتبت بواسطة wassim_nasser

هههههههه حلوة اوى شكرا رينو بعد زعقت و هاشتكى .. ياعم قول الحمدلله ان مصلحتك قضيت

---

ياسيد وسيم فى كل حته تانيه بعمل كده ومحدش بيعبرنى على الاقل دول عبرونى وقضولى المصلحه من غير مادفع حاجه , كان المفروض احاسبهم على العشرين جنيه بتاعه الكهربائى بس يالا حصل خير